Кыргыз Республикасынын Өкмөтүнүн
1999-жылдын 29-ноябрындагы
N 650 токтому менен
бекитилген
Жергиликтүү өз алдынча башкаруунун аткаруучу-тескөөчү
органдарынын кызмат адамдарынын нотариалдык иштерди
жүргүзүүсүнүн тартиби жөнүндө
ИНСТРУКЦИЯ
(Кыргыз Республикасынын Өкмөтүнүн
2001-жылдын 6-августундагы N 414 токтомунун,
2002-жылдын 11-июлундагы N 468 токтомунун
редакцияларына ылайык)
1-бөлүм. Жалпы жоболор
2-бөлүм. Нотариалдык иштерди жүргүзүүнүн негизги эрежелери
3-бөлүм. Нотариалдык иштердин айрым түрлөрүн жүргүзүүнүн
эрежелери
1-тиркеме.
2-тиркеме.
3-тиркеме.
4-тиркеме.
5-тиркеме.
Бул Инструкция Кыргыз Республикасынын "Нотариат жөнүндө" Мыйзамына, Кыргыз Республикасынын Граждандык кодексине ылайык иштелип чыкты.
1-бөлүм
Жалпы жоболор
1. Кыргыз Республикасынын "Нотариат жөнүндө" Мыйзамынын 30-статьясына ылайык, калктуу конушта нотариус жок болсо кызмат адамдары төмөнкүдөй нотариалдык иштерди жүргүзүшөт:
1) мурастарды күбөлөндүрүшөт;
2) ишеним каттарды күбөлөндүрүшөт;
3) мурасталган мүлктүн сакталышына чара көрүшөт;
4) документтердин копияларынын жана алардан алынган көчүрмөлөрдүн тууралыгын ырасташат;
5) документтердеги колдордун чындыгын ырасташат.
Кыргыз Республикасынын мыйзамдык актылары менен бул көрсөтүлгөн кызмат адамдарына мындан башка нотариалдык иштерди жүргүзүү да тапшырылышы мүмкүн.
2. Нотариалдык иштерди жүргүзүү жергиликтүү өз алдынча башкаруунун аткаруучу-тескөөчү органдарынын чечими (же анын жетекчисинин буйругу) менен жергиликтүү өз алдынча башкаруунун аткаруучу-тескөөчү органдарынын аппаратынын стажировкадан өткөн кызмат адамдарынын бирине, калктуу конушта нотариус болбогон учурда тапшырылат.
3. Кызмат адамдары нотариалдык иштерди жүргүзүүдө өз ишкердигинде Кыргыз Республикасынын Конституциясына, Кыргыз Республикасынын "Нотариат жөнүндө" Мыйзамына, Кыргыз Республикасынын башка мыйзамдарына жана нормативдик укуктук актыларына таянышат.
Кызмат адамдарынын нотариалдык иштерди аткаруусуна методикалык жетекчиликти Кыргыз Республикасынын областтык юстиция башкармалары жана райондук мамлекеттик нотариалдык конторалары жүргүзүшөт.
4. Нотариалдык иштерди жүргүзүүчү кызмат адамдары аткарылган нотариалдык иштер жөнүндө аймактык мамлекеттик нотариат контораларына ай сайын отчет берип турушат.
Нотариалдык иш кагаздары кыргыз жана орус тилдеринде жүргүзүлөт.
Кызмат адамдары нотариалдык иштерди жүргүзүүдө аткарылуучу нотариалдык иштердин жашырындыгын сактоого милдеттүү, ушуга байланыштуу аларга нотариалдык иштерди жүргүзүүдө белгилүү болгон маалыматтарды, документтерди жарыя кылууга, анын ичинде мыйзамда каралгандан башка учурларда, иштен бошонгондон кийин да ачыкка чыгарууга тыюу салынат.
Жүргүзүлгөн нотариалдык иштер тууралуу маалыматтар (документтер) ал иштер кимдин атынан жүргүзүлсө ошол адамга же анын тапшыруусу боюнча жүргүзгөн адамдарга гана берилет.
Жүргүзүлгөн нотариалдык иштер жөнүндө справка сотко, прокуратурага, тергөө органдарына алардын өндүрүшүндөгү кылмыштык же граждандык иштерге байланыштуу талабы боюнча, ошондой эле арбитраждык сотко анын кароосунда турган талаштарга байланыштуу талабы боюнча берилет.
Мурас жөнүндө справка мурас калтыруучу каза болгондон кийин өлгөндүк тууралуу справка тапшырылганда берилет.
Нотариалдык иштердин жашырындыгын сактоо жөнүндө эреже ошондой эле нотариалдык иштердин болгондугу жөнүндө кызматтык милдеттерин аткарууга байланыштуу билген адамдарга да тиешелүү. Эгер кызмат адамына жүргүзүлгөн нотариалдык ишке байланыштуу кылмыш иши козголсо, сот ал адамды сырды сактоо милдетинен бошото алат.
5. Нотариалдык иштерди жүргүзүү тапшырылган кызмат адамдары жеке жана юридикалык жактарга алардын укуктарын ишке ашырууга жана мыйзамдуу кызыкчылыктарын коргоого көмөктөшүүгө, юридикалык жактан билимсиздиги аларга каршы пайдаланылбашы үчүн жүргүзүлүүчү нотариалдык иштердин болуучу кесепеттери жөнүндө эскертүүгө милдеттүү. Кызмат адамдары зарыл учурларда нотариалдык иштерди жүргүзүү үчүн кайрылган адамдардын өтүнүчү боюнча документтердин жана алардын көчүрмөлөрүнүн долбоорлорун түзүүгө, документтердин копияларын даярдоого, ошондой эле нотариалдык иштерди жүргүзүү маселеси боюнча түшүнүк берүүгө укуктуу.
6. Нотариалдык иш кагаздары кызмат адамдары тарабынан Кыргыз Республикасынын Юстиция министрлиги бекиткен эрежелерге ылайык жүргүзүлөт. Нотариалдык жактан тастыкталган документтерге Кыргыз Республикасынын Мамлекеттик гербинин сүрөтү жана жергиликтүү өз алдынча башкаруунун аткаруучу-тескөөчү органынын аталышы жазылган мөөр басылууга тийиш.
2-бөлүм
Нотариалдык иштерди жүргүзүүнүн
негизги эрежелери
7. Ушул Инструкциянын 1-пунктунда көрсөтүлгөн, мурасталган мүлктү коргоого чара көрүү жөнүндөгү 3-пункттан башка нотариалдык иштер жергиликтүү өз алдынча башкаруунун кайсы гана аткаруучу-тескөөчү органында болбосун, нотариалдык иштерди жүргүзүүгө дайындалган кызмат адамы тарабынан жүргүзүлүшү мүмкүн.
8. Нотариалдык иштер керектүү бардык документтер көрсөтүлгөн жана мамлекеттик пошлина төлөнгөн күнү жүргүзүлөт.
9. Нотариалдык ишти жүргүзүү төмөнкүдөй учурларда кийинкиге калтырылышы мүмкүн:
- жеке жана юридикалык жактардан кошумча маалыматтарды алуу зарыл болсо;
- документтер экспертизага жиберилсе.
Эгер мыйзамга ылайык кызыкдар адамдардан нотариалдык ишти жүргүзүүгө каршылыгы жок экендигин суроо зарыл болсо, нотариалдык иштерди жүргүзүү кийинкиге жылдырылышы мүмкүн.
Нотариалдык ишти жүргүзүүнү кийинкиге калтыруунун мөөнөтү нотариалдык ишти жүргүзүүнү кийинкиге жылдыруу жөнүндө токтом чыгарылган күндөн баштап бир айдан ашпоого тийиш. Кызыкдар адам күбөлөндүрүп берүү үчүн кайрылган укукту же фактыны сот аркылуу талашкан башка кызыкдар адамдын арызы боюнча нотариалдык ишти он күндөн ашык эмес мөөнөткө кийинкиге жылдырууга болот. Соттон кызыкдар адам күбөлөндүрүп берүү үчүн кайрылган укукту же фактыны талашкан башка кызыкдар адамдын арызы түшкөнү жөнүндө билдирүү келген учурда нотариалдык ишти жүргүзүү иш сот тарабынын чечилгенге чейин токтотула турат. Кыргыз Республикасынын мыйзамдары менен нотариалдык иштерди кийинкиге жылдыруунун жана токтото туруунун башка себептери да белгилениши мүмкүн.
10. Нотариалдык ишти жүргүзүүдө кызмат адамдары нотариалдык иш жүргүзүү үчүн кайрылган граждандын, анын өкүлүнүн же юридикалык жактын өкүлүнүн ким экендигин аныктайт.
Адамдын ким экендигин аныктоо паспорт боюнча жүргүзүлүүгө тийиш.
Нотариалдык иштерди жүргүзүүдө граждандыгын, үй-бүлөлүк абалын же жашаган жерин аныктоонун зарылдыгы жок учурларда мамлекеттик кызматкерлердин ким экендиги адамдын кызматтык күбөлүгү боюнча аныкталышы мүмкүн.
16 жашка чыга элек бойго жете электердин ким экендиги туулгандыгы тууралуу күбөлүк боюнча аныкталат жана аны мыйзамдуу өкүлү же опекуну (кам көрүүчүлөрү) күбөлөндүрөт.
Аскер кызматкерлеринин ким экендиги ким экендигин күбөлөндүрүүчү күбөлүк же аскердик бөлүктүн же аскердик мекемелердин командованиеси берчү аскердик белет менен аныкталат.
Эркинен ажыратуу жайларынан бошонгондордун ким экендиги бошотулгандыгы тууралуу справка боюнча аныкталат.
Кыргыз Республикасынын аймагында жашап жаткан чет өлкөлүк граждандардын же граждандыгы жок адамдардын ким экендиги Кыргыз Республикасында жашоого берилген вид же ички иштер же башка атайын укуктуу органдар каттоого турганы жөнүндө белги койгон улуттук паспорту боюнча аныкталат.
11. Бүтүмдү күбөлөндүрүүдө нотариалдык иш жүргүзүүгө кайрылган жеке адамдардын ишке жөндөмдүүлүгү жана юридикалык жактардын укукка жөндөмдүүлүгү текшерилет. Бүтүмдү өкүл жүргүзсө анын ыйгарым укугу текшерилет.
12. Нотариалдык тартипте тастыкталчу документтерге нотариалдык ишти жүргүзгөн кызмат адамынын көзүнчө кол коюлат. Эгер граждан дене боюнун кемтигинен, оорудан же башка бир себептерден улам өзү кол кое албаса, анын тапшыруусу боюнча өзүнүн көзүнчө, нотариалдык ишти жүргүзүп жаткан кызмат адамынын көзүнчө бүтүмгө, арызга же башка документке нотариалдык ишти жүргүзүүгө кайрылган граждан эмне үчүн өзү кол кое албагандыгынын себебин көрсөтүү менен башка граждан кол кое алат.
Эгер нотариалдык ишти жүргүзүүгө кайрылган дүлөй, дудук же дудук-дүлөй адам сабатсыз болсо, анда нотариалдык ишти жүргүзүүгө аны менен сүйлөшө алган жана бүтүмдүн, арыздын же башка документтин мазмуну ал дүлөй, дудук же дудук-дүлөй адамдын каалоосуна ылайык түзүлгөнүн өз колу менен күбөлөндүрүүчү сабаттуу адам катышууга тийиш.
Кызмат адамдары кырып оңдолгон же кошумча жазуу киргизилген, чийилген сөздөр же башка түшүндүрүлбөгөн оңдоолор бар документтерди, ошондой эле карандаш менен жазылган документтерди нотариалдык ишти жүргүзүү үчүн кабыл албайт.
13. Нотариалдык күбөлөндүрүлүүчү бүтүмдүн тексти ачык жана так, документтин мазмунуна тиешелүү күндөр жана мөөнөттөр жок дегенде бир жолу сөз менен белгиленүүгө, юридикалык жактардын аталыштары - кыскартуусуз, алардын органдарынын даректерин көрсөтүү менен жазылууга тийиш.
Граждандардын фамилиясы, аты жана атасынын аты, алардын жашаган жеринин дареги толук жазылууга тийиш.
Бүтүмдөрдү чет өлкөлүк граждандардын атынан күбөлөндүрүүдө алардын граждандыгы да көрсөтүлөт.
Чет өлкөдө колдонууга арналгандан башка документтердеги аягына чейин толбогон саптар жана башка бош калган жерлер чийип коюлат. Кошумча жазуулар жана оңдоолор бүтүмдүн кол койгон катышуучуларынын жана башка адамдардын колдорунун алдында, ошондой эле күбөлөндүрүүчү жазуунун аягында түшүндүрүлүүгө тийиш, мында оңдоолор жаңылыш жазылып калып анан чийилгендердин бардыгы баштапкы текстте окулгудай кылып жасалуусу керек.
Мисалы, эгер мурастын текстинде "үй мүлкү жана тиричилик буюмдары" деген сөздөр "турак үй" деген сөзгө оңдолсо, анда оңдоону мындай түшүндүрүү керек: "Чийилген "үй мүлкү жана тиричилик буюмдары" деген сөздөр окулбасын, "жазылган "турак үй" деген сөз - туура". Бул оңдоого мурастоочу (же мурастоочунун өтүнүчү боюнча башка адам) мурасты күбөлөндүргөн кызмат адамынын көзүнчө кол коет, оңдоо күбөлөндүрүүчү жазуунун аягында кызмат адамынын колунун алдында дагы кайталанат. Эгер оңдоолор тараптар кол койбоочу документтин текстинде болсо (мисалы, тексттин копиясы) алар күбөлөндүрүүчү жазуунун аягында түшүндүрүлөт жана кызмат адамы гана кол коет. Эгер күбөлөндүрүлүүчү же ырасталуучу документ туура эмес же сабатсыз баяндалса, кызмат адамы кайрылган адамга аны оңдоону же кайра толтурууну сунуштайт. Кайрылуучунун өтүнүчү боюнча документ кызмат адамы тарабынан, белгиленген өлчөмдө пошлина алуу менен толтурулушу мүмкүн.
14. Күбөлөндүрүлчү, берилчү же ырасталуучу документтер өз-өзүнчө бир нече баракта баяндалган учурларда алар тигилип, барактарына номер коюлуп, ал жөнүндө тийиштүү жазуу жазылып, кызмат адамынын колу жана жергиликтүү өз алдынча башкаруунун тийиштүү аткаруучу-тескөөчү органынын гербдүү мөөрү менен бекемделүүгө тийиш.
15. Мурастарды, ишеним каттарды күбөлөндүрүүдө, документтердин жана алардын копияларынын жана көчүрмөлөрүнүн чындыгын ырастоодо, документтердеги колдордун аныктыгын ырастоодо Кыргыз Республикасынын Юстиция министрлиги бекиткен формаларга ылайык күбөлөндүрүүчү жазуулар жазылат (N 1 тиркеме).
Күбөлөндүрүүчү жазуунун тексти жазгыч машинкага басылса же кол менен даана жазылса болот. Текстте өчүрүп оңдоолор болбоого тийиш. Аягына чейин толбогон саптар жана башка бош жерлер чийилет, кошумча жазууларга жана башка оңдоолорго түшүндүрмө берилет.
Түшүндүрүүчү жазууларды жазуу үчүн тийиштүү жазуунун тексти бар штамптарды колдонууга болот.
Документтеги (ишеним каттагы, мурастагы ж.б.) күбөлөндүрүүчү жазуу ошол эле бетке граждандын колунан кийин же документтин арткы бетине же өзүнчө баракка жазылат. Түшүндүрүүчү жазуу өзүнчө баракта баяндалган учурларда, ошондой эле күбөлөндүрүлүүчү же ырасталуучу документтин мазмуну бир нече баракта баяндалганда, бардык барактар (түшүндүрүүчү жазуу жана документтин тексти менен) тигилип, номер коюлуп, ал жөнүндө ушул Инструкциянын 13-пунктунда айтылган эрежелерге ылайык тийиштүү жазуу менен белгиленүүгө тийиш.
16. Кызмат адамдары өз атына жана өзүнүн атынан, жубайынын атынан, өзүнүн жана жубайынын туугандарынын атына жана алардын атынан (ата-энеси, балдары, неберелери) нотариалдык иштерди жүргүзүүгө укуксуз.
17. Кызмат адамдары нотариалдык иштерди жүргүзүүдө граждандардын же айрым кызмат адамдарынын мыйзамды бузганын байкаса, зарыл чара колдонуу үчүн ал жөнүндө тийиштүү мекемелерге же прокурорго билдирүүгө милдеттүү.
18. Эгер көрсөтүлгөн документтин чындыгынан шек туулса, кызмат адамдары ал документти кармап, экспертизага жиберүүгө укуктуу. Документ экспертизага негизделген кат менен жиберилет, ал катта төмөнкүлөр көрсөтүлөт:
- документтин жөнөтүлгөн күнү; документти жөнөткөн кызмат адамынын фамилиясы, инициалдары жана жергиликтүү өз алдынча башкаруунун аткаруучу-тескөөчү органынын аталышы;
- документтин аталышы, ал кимдин атына берилгендиги;
- документти нотариалдык ишти жүргүзүү үчүн ким алып келген (фамилиясы, аты, атасынын аты, жашаган жери);
- документти экспертизага жиберүүгө себеп болгон шарттар;
- экспертизалоо үчүн документ кайда (кайсы эксперттик мекемеге) жиберилгени;
- экспертизага чечүү үчүн коюлган маселелер.
19. Кызмат адамдары төмөнкүдөй учурларда нотариалдык ишти жүргүзүүдөн баш тартышат, эгер:
- ал ишти жүргүзүү мыйзамга каршы келсе;
- иш жергиликтүү өз алдынча башкаруунун башка аткаруучу-тескөөчү органынын кызмат адамы же нотариус тарабынан жүргүзүлүүгө тийиш болсо;
- бүтүм мыйзамдын талаптарына ылайык келбесе;
- нотариалдык ишти жүргүзүү үчүн тапшырылган документтер мыйзамдын талаптарына ылайык келбесе;
- нотариалдык ишти жүргүзүү өтүнүчү менен ишке жөндөмсүз граждан же андай ыйгарым укугу жок өкүл кайрылса.
Кызмат адамы нотариалдык иш жүргүзүүдөн баш тартылган адамдын өтүнүчү боюнча баш тартуунун себебин жазуу жүзүндө түшүндүрүүгө жана ал боюнча даттануунун тартибин түшүндүрүүгө тийиш. Мындай учурларда кызмат адамы нотариалдык ишти жүргүзүүгө кайрылгандан он беш күндөн кечиктирбей нотариалдык ишти жүргүзүүдөн баш тартуу жөнүндө токтом чыгарат. Жүргүзүлгөн нотариалдык ишти туура эмес деп эсептеген же нотариалдык иш жүргүзүүдөн баш тартылган кызыкдар адам ал жөнүндө жергиликтүү өз алдынча башкаруунун нотариалдык ишти жүргүзгөн аткаруучу-тескөөчү органы жайгашкан жер боюнча сотко даттанууга укуктуу.
20. Кызмат адамдары жүргүзгөн бардык нотариалдык иштер нотариалдык иштерди каттоо үчүн реестрге катталат (N 2 тиркеме).
Ар бир нотариалдык ишти каттоо үчүн реестрде номерлөө ар жылдын башында биринчи номерден башталат.
Реестрлер тигилип, барактары номерленүүгө тийиш. Барактардын саны жергиликтүү өз алдынча башкаруунун аткаруучу-тескөөчү органынын Башчысы тарабынан ошол органдын гербдүү мөөрүн басуу менен күбөлөндүрүлүүгө тийиш.
Нотариалдык ишти реестрге нотариалдык ишти жүргүзгөн кызмат адамы өзү күбөлөндүрүүчү жазууга же берилүүчү документтерге кол койгондон кийин гана сыя (же шариктүү калем менен) каттайт. Реестрге карандаш менен жазууга же өчүрүп оңдоого болбойт. Толтурулбай калган жерлер чийип коюлат, ал эми киргизилген оңдоолор - нотариалдык ишти жүргүзгөн кызмат адамынын колунан кийин түшүндүрүлөт.
Нотариалдык иштерди каттоо үчүн реестрдин 1-графасында жылдын башынан берки нотариалдык иштердин катар номери көрсөтүлөт. Нотариалдык иштин реестрде катталган номери кызмат адамы берген документтерде жана документтердеги күбөлөндүрүүчү жазууларда көрсөтүлөт.
2-графада нотариалдык ишти жүргүзгөн күн көрсөтүлөт. Ал күн кызмат адамы толтурган күбөлөндүрүүчү жазууда, ырастоодо же башка документте көрсөтүлгөн датага туура келүүгө тийиш.
3-графада нотариалдык иш жүргүзүлгөн граждандардын фамилиясы, аты, атасынын аты, юридикалык жактардын аталышы же алардын өкүлдөрүнүн (ата-энесинин, опекундарынын, кам көрүүчүлөрүнүн, ишеним кат боюнча иштегендердин) аталышы көрсөтүлөт; бул графада өзү кол кое албаган адамдар үчүн кол койгондордун, ошондой эле котормочулардын фамилиясы, аты, атасынын аты кошумча көрсөтүлөт.
Эгер документтин чын экенин күбөлөндүрүү үчүн ошол документ берилген граждан эмес, анын өтүнүчү боюнча башка граждан келсе, анда келген граждандын фамилиясы, аты, атасынын аты жана анын жашаган орду көрсөтүлөт.
Нотариалдык жактан тастыкталган документтин нускасы иш кагаздарда калтырылган учурларда нотариалдык иш жүргүзүлгөн граждандардын даректери көрсөтүлбөйт.
4-графада документтин чындыгын ырастоодо документтин аталышы, анын кыскача мазмуну, ал документтин ээсинин фамилиясы, аты, атасынын аты, анын качан, ким тарабынан жана кайсы күнү берилгени көрсөтүлөт. Эгер бир документтин бир нече нускасы ырасталса, анда нускалардын саны көрсөтүлөт. Эгер документтин копиясы бир нече баракта баяндалса, анда барактардын саны көрсөтүлөт. Эгер бир барактагы бир копия ырасталса, копиялардын жана барактардын саны көрсөтүлбөйт.
Бүтүмдөрдү күбөлөндүрүүдө бул графага бүтүмдүн түрү гана көрсөтүлөт, анткени анын мазмуну бүтүмдүн кызмат адамынын иш кагаздарында калтырылчу нускасында толук баяндалат.
Реестрдин 5-графасында нотариалдык ишти жүргүзүү үчүн келген адамдын паспортунун же ким экендигин күбөлөндүрүүчү документинин сериясы, номери, качан, ким тарабынан берилгени жана туулган жылы - бүтүмдөрдү күбөлөндүрүүдө жана башка нотариалдык иштерди жүргүзүүдө катышуучулардын ишке жарамдуулугу текшерилгенин ырастоо үчүн көрсөтүлөт.
6-графада жүргүзүлгөн нотариалдык иш үчүн алынган мамлекеттик пошлинанын суммасы көрсөтүлөт. Мамлекеттик пошлина квитанция боюнча төлөнгөндө квитанциянын нускасы реестрге чапталат.
Эгер документ жергиликтүү өз алдынча башкаруунун аткаруучу-тескөөчү органында калса, анда квитанциянын нускасы документ менен кошо нарядга чапталат. Эгер документ же нотариалдык иш жүргүзүлгөн адам мамлекеттик пошлинаны төлөөдөн бошотулса, анда 6-графага бошотуунун себеби көрсөтүлөт (мыйзамга шилтеме).
Реестрдин 7-графасына нотариалдык жактан тастыкталган документти алган адамдар кол коюшат.
Реестрде нотариалдык иштерди номерлөөдө ката кеткени билинген учурда ал жөнүндө кызмат адамынын колу менен справка жазылат жана ошол реестрге тиркелет.
21. Кызмат адамдары өзүнө карата же өзүнүн тапшыруусу боюнча нотариалдык иш жүргүзүлгөн жеке жана юридикалык жактардын жазуу жүзүндөгү арызы боюнча, ошондой эле сотко, прокуратурага, тергөө органдарына алардын өндүрүшүндөгү кылмыштык же граждандык иштерге байланыштуу талабы боюнча нотариалдык иштерди каттоо үчүн реестрден көчүрмөлөрдү беришет. Нотариалдык иштерди каттоо үчүн ресстрден көчүрмөнү кызмат адамы гербдүү мөөрдү басуу менен күбөлөндүрөт.
22. Кызмат адамдары өзүнүн тапшыруусу боюнча же өзүнө карата нотариалдык иш жүргүзүлгөн жеке жана юридикалык жактардын жазуу жүзүндөгү арызы боюнча берген, күбөлөндүргөн же ырастаган документтер жоголгон учурларда жоголгон документтердин дубликаттары берилет.
Документтердин дубликаттары ушул Инструкциянын 4-пунктунун талаптарын сактоо менен берилет. Документтин дубликаты күбөлөндүрүлгөн же берилген документтин бүткүл мазмунун камтууга тийиш.
Мурастын дубликаты мураста көрсөтүлгөн мураскорлорго алар мурас калтыруучунун өлүмү жөнүндө күбөлүктү тапшырганда гана берилет.
23. Нотариалдык жактан тастыкталган бүтүмдөрдүн нускалары, ошондой эле мураска калтырылчу мүлктү тизмелөө актылары наряддарда сакталат.
Нотариалдык иштерди жүргүзүүгө негиз болгон документтер бүтүмдөрдүн, мүлктү тизмелөө актыларынын, аткаруу баракчаларынын ж.б. наряддарда калтырылчу нускасына тиркелет. Түп нуска документтерди (мисалы, башка адамга ишенип берүү укугу менен берилген ишеним катты) кайруу зарыл болгон учурларда аларды тапшырган адамдарга копиялары калтырылат.
Копияларды кызыкдар адамдар же алардын өтүнүчү боюнча кызмат адамы даярдайт. Аталган документтердин копияларын кызмат адамы күбөлөндүрүп, ал жөнүндө "Түп нуска менен бирдей" деген жазуу жазылат. Андан ары кызмат адамынын кызмат орду, фамилиясы, инициалдары жазылат жана анын колу коюлат.
Нотариалдык ишти жүргүзүүгө кайрылган адамдардын, алардын өкүлдөрүнүн же юридикалык жактардын өкүлдөрүнүн ким экендигин күбөлөндүрүүчү документтер аларды тапшырган адамдарга копиясын калтырбастан кайра берилет, бирок нотариалдык иштерди каттоо үчүн реестрде документтин аталышы, анын номери, берилген күнү жана документти берген мекеменин аталышы жазылат.
24. Кыргыз Республикасынын "Нотариат жөнүндө" Мыйзамынын 30-статьясында жана ушул Инструкцияда каралган нотариалдык иштерди жүргүзгөндүк үчүн кызмат адамдары Кыргыз Республикасынын "Мамлекеттик пошлина жөнүндө" Мыйзамына ылайык мамлекеттик пошлина алышат. Мыйзамда жеке жана юридикалык жактар үчүн каралган жеңилдиктер ал адамдарга кызмат адамдары нотариалдык иштерди жүргүзгөндө колдонулат.
3-бөлүм
Нотариалдык иштердин айрым түрлөрүн
жүргүзүүнүн эрежелери
1. Мурастарды күбөлөндүрүү
25. Ар бир граждан мурас боюнча өзүнүн бүткүл мүлкүн же анын бир бөлүгүн (үй мүлкүнүн жана үй тиричилигинин адаттагы буюмдарын дагы) мыйзам боюнча мураскорлордун чөйрөсүнө кирген да, кирбеген да бир же бир нече адамга, ошондой эле мамлекетке же айрым мамлекеттик, кооперативдик жана коомдук уюмдарга мураска калтыра алат. Мурас калтыруучу мурасында бир, бир нече же бардык мураскорлорду мурастоо укугунан ажырата алат.
Кызмат адамы акыл-эси ордунда граждандардын граждандык мыйзамдын талаптарына жана жалпы эрежелерине ылайык толтурулган мурасын күбөлөндүрөт.
Бир нече адамдын атынан, ошондой эле өкүл аркылуу бир мурасты күбөлөндүрүүгө жол берилбейт.
Мурас ал толтурулган жерди жана убакытты көрсөтүү менен жазуу жүзүндө түзүлүүгө тийиш жана ага мурас калтыруучу өз колу менен кол коюш керек.
Мурас калтыруучунун айтып берүүсү аркылуу кызмат адамы тарабынан жазылган мурас мураска кол коюлганга чейин кызмат адамынын катышуусунда мурас калтыруучуга толугу менен окуп берилиши керек.
26. Эгерде мурас калтыруучу майыптыгынан, оорусунан же башка себептерден улам мураска өз колу менен кол коюуга жарабаса, анда анын өтүнүчү боюнча кызмат адамынын катышуусунда мурас калтыруучу өз колу менен кол коюуга жарабагандыктан аны күчүнө киргизүү себептерин көрсөтүү менен башка граждан тарабынан кол коюлушу мүмкүн.
Мыйзамга ылайык мураска мурас калтыруучунун ордуна төмөнкүлөр кол коюуга мүмкүн эмес:
1) мурасты күбөлөндүрүүчү кызмат адамы;
2) мурас калтырылган же мурас калтыруудан баш тартылган адам, анын жубайы, балдары, ата-энеси, небере-чөбөрөлөрү, ошондой эле мыйзамдуу мурасчылар;
3) акыл-эси толук эмес граждан;
4) сабатсыз жана мурасты окуй албаган башка адам.
27. Мурасты күбөлөндүрүүдө мурас калтыруучудан мураска калтырылган мүлккө анын укугун ырастоочу далилдерди берүү талап кылынбайт.
28. Жергиликтүү өз алдынча башкаруунун аткаруучу-тескөөчү органынын кызмат адамы тарабынан тастыкталган мурастарды эсепке алуунун алфавиттик китепчеси болууга тийиш (N 3 тиркеме).
29. Кызмат адамы калтырылган мурасты жоюу жөнүндө арызды алган, ошондой эле калтырылган мурасты жойгон же өзгөрткөн жаңы мурасты күбөлөндүрүүдө бул тууралуу жергиликтүү өз алдынча башкаруунун аткаруучу-тескөөчү органында сакталып турган нотариалдык иштерди каттоо реестрине жана алфавиттик китепке белги коет.
Эгерде мурас калтыруучу өзүндөгү нусканы берсе, анда мурасты жоюу жөнүндө белги ошол нускага коюлат, андан соң ал арыз менен кошо (эгерде мурас арыз менен жоюлса) кароодо турган мурастын нускасына тиркелет.
Мурас жоюу жөнүндө арызга коюлган кол нотариалдык жактан күбөлөндүрүлүшү керек.
Эгерде жоюлуучу мурас жергиликтүү өз алдынча башкаруунун аткаруучу-тескөөчү башка (нотариалдык конторада) органында күбөлөндүрүлсө, анда аны жоюу жөнүндө берилген арыз мурас калтыруучуга же мурасты күбөлөндүрүлгөн аткаруу бийлик органына (нотариалдык конторага) жиберилет.
30. Мурасты күбөлөндүрүүдө кызмат адамы мурас калтыруучуга Кыргыз Республикасынын Граждандык кодексинин 1149-статьясына ылайык мурастоочунун жашы жете элек же эмгекке жарамсыз балдары, анын ичинде өлгөн адам багып алгандар жана эмгекке жарамсыз жубайы, ата-энеси, анын ичинде өлгөн адамдын багуусундагылар (өлгөнгө чейин бир жылдан кем эмес анын багуусунда турган эмгекке жарамсыз адам) мурастын өлчөмүнө карабастан, мыйзам боюнча мурастоодо ар бирине эсептеле турган үлүштүн үчтөн экисинен кем эмес бөлүгүн мураска (тиешелүү үлүшүн) ала тургандыгын түшүндүрөт. Тиешелүү үлүштүн өлчөмүн аныктоодо үй-тиричилигинин демейдеги предметинен турган мүлктүк буюмдун наркы да эске алынат. Дыйкан (фермер) чарбаларынын мүчөлөрүнө Кыргыз Республикасынын Граждандык кодексинин 276 жана 1121-статьяларынын мааниси түшүндүрүлөт, ага ылайык дыйкан (фермер) чарбасынын мүчөсү өлгөндө мурас чарбанын мүлкүндөгү өлүмгө учураган катышуучунун үлүшүнө туура келген мүлккө карата, ал эми мүлктү натуралай бөлүүгө мүмкүндүк болбогондо - мындай мүлктүн наркына карата ачылат. Кыргыз Республикасынын Граждандык кодексинин 1149-статьясын мурас калтыруучуга түшүндүргөнү жөнүндө мурастын текстиндеги мурас калтыруучу койгон колдун алдында көрсөтүлөт.
2. Ишеним катты күбөлөндүрүү
31. Ишеним кат бир адам тарабынан үчүнчү адамга өкүл катары жиберүү үчүн экинчи адамга берилүүчү жазуу жүзүндөгү ыйгарым укук болуп саналат. Бүтүм жасоого жазуу жүзүндөгү ыйгарым укук өкүл тарабынан тиешелүү үчүнчү адамга түздөн-түз берилсе болот. Бүтүм түзүүгө нотариалдык форманы талап кылуучу ишеним кат мыйзамда каралган учурларды кошпогондо нотариалдык жактан күбөлөндүрүлүүгө тийиш. Юридикалык жактын атынан берилген ишеним катка анын жетекчисинин же буга уюштуруу документтеринде ыйгарым укук берилген башка адамдын колу коюлуп, ошол уюмдун мөөрү басылат. Мамлекеттик же коммуналдык менчикке негизденген юридикалык жактын атынан акча жана башка мүлктүк баалуулуктарды алууга же берүүгө берилген ишеним катка ошол уюмдун башкы (ага) бухгалтери да кол коюшу керек. Юридикалык жактын талабы боюнча ишеним кат анын атынан нотариалдык жактан күбөлөндүрүлүшү мүмкүн. Мындай учурда ишеним катка кол койгон кызмат адамынын ыйгарым укугу текшерилүүгө тийиш.
32. Кызмат адамы бир же бир нече адамдын атынан берилүүчү ишеним катты бир же бир нече адамдын атына күбөлөндүрүүгө укуктуу. Бир нече адамдын атынан берилүүчү ишеним кат анда каралган иш ишеним кат берген бардык адамдардын бир тараптуу таламдарына тиешелүү болсо (мисалы, жалпы сот ишин жүргүзүүгө ишеним кат) гана күбөлөндүрүлүшү мүмкүн.
Ишеним каттын текстинде ал түзүлгөн орду жана күнү (кол койгон), ишеним катты берген, ишеним кат берилген адамдын аты-жөнү жана турган жери көрсөтүлүшү керек.
Адвокаттын атына берилген ишеним катта анын иштеген орду (юридикалык консультация) көрсөтүлөт.
Юридикалык жактын атынан берилүүчү ишеним катта анын толук аталышы, жетекчи органынын жайгашкан жери жана ишеним катка кол койгон адамдын кызмат абалы көрсөтүлөт.
Ишеним каттын колдонулуш мөөнөтү үч жылдан ашпоого тийиш. Эгерде ишеним катта мөөнөт көрсөтүлбөсө, ал түзүлгөн күндөн тартып бир жыл бою күчүндө болот.
Түзүлгөн күнү көрсөтүлбөгөн ишеним кат жараксыз болуп эсептелет (Кыргыз Республикасынын Граждандык кодексинин 203-статьясы).
Чет өлкөдө иш жасоо үчүн берилген жана аны колдонуу мөөнөтү жөнүндө көрсөтмө камтылбаган ишеним кат аны берген адам тарабынан жоюлмайынча күчүндө болот (Кыргыз Республикасынын Граждандык кодексинин 203-статьясы).
Өкүл коммерциялык өкүлчүлүктүн учурларын кошпогондо өзүнө карата, ошондой эле ал бир эле учурда өкүл болуп саналган башка адамга карата да ишеним кат боюнча иштерди жасай албайт.
(Кыргыз Республикасынын Өкмөтүнүн 2002-жылдын 11-июлундагы N 468 токтомунун редакциясына ылайык)
33. Он төрт жашка жетелектердин атынан, ошондой эле сот аркылуу ишке жараксыз деп табылган граждандардын атынан ишеним кат алардын ата-энелери, багып алгандар же камкордукка алгандар тарабынан берилет (Кыргыз Республикасынын Граждандык кодексинин 63, 64-статьялары).
34. Он төрт жаштан он сегиз жашка чейинки курактагы жашы жетелектердин атынан ишеним кат алардын мыйзамдуу өкүлдөрүнүн - ата-энелеринин, багып алгандардын же камкордукка алгандардын (Кыргыз Республикасынын Граждандык кодексинин 61-статьясы) жазуу жүзүндөгү макулдугу менен күбөлөндүрүлүшү мүмкүн. Мыйзамдуу өкүлдөрүнүн макулдугусуз төмөнкүдөй ишеним каттар күбөлөндүрүлүшү мүмкүн: эмгек акы, стипендия жана башка кирешелерге; илимий, адабий же искусство, ойлоп чыгаруу же өзүнүн интеллектуалдык ишинин натыйжасында мыйзам тарабынан корголуучу башка чыгармаларынын автордун укугун ишке ашырууга; кредиттик мекемелердеги аманаттарга; нотариалдык күбөлөндүрүүнү же болбосо мамлекеттик каттоону талап кылбаган кирешени акысыз алууга багытталган бүтүмдөрдү жасоого.
35. Ишеним берүү тартибинде берилүүчү ишеним кат негизги ишеним катты берүү боюнча нотариалдык күбөлөндүрүлүүгө тийиш, анда ишеним берүү укугу жазылат же болбосо негизги ишеним кат боюнча өкүл далил көрсөтүү боюнча аны бергендердин таламдарын коргоо үчүн кырдаалдарды далилдөөгө мажбур болот (поручениени өкүлдүн аткарууга мүмкүн эмес экендигине байланыштуу өкүлдүн катуу оорусу, бөөдө кырсык ж.б.).
Ишеним берүү тартибиндеги ишеним кат негизги ишеним кат боюнча берилгенден ашыкча укукту камтууга тийиш эмес.
Ишеним берүү тартибинде берилген ишеним каттын колдонулуш мөөнөтү ал берилген негиздеги мөөнөттөн ашпоого тийиш (Кыргыз Республикасынын Граждандык кодексинин 205-статьясы).
Ишеним берүү тартибинде берилүүчү ишеним катка, ошондой эле ал берилген негиздин убактысы жана орду көрсөтүлүүгө тийиш. Аны күбөлөндүрүүдө негизги ишеним катка белги коюлушу керек.
Негизги ишеним каттын көчүрмөсү нотариалдык конторада кала турган ишеним каттын нускасына тиркелет. Экинчи ирет ишеним берүүгө жол берилбейт.
Ишеним катты берген адам тарабынан аны жокко чыгарган учурда, ага үчүнчү жакка да ишеним кат берилген адам тарабынан анын милдеттери жөнүндө Кыргыз Республикасынын Граждандык кодексинин 206-статьясы түшүндүрүлөт.
Ишеним катты жоюу жөнүндө арызда коюлган колдун түп нускасы нотариалдык жактан күбөлөндүрүлүүгө тийиш.
Кыймылсыз мүлктү ажыратууга ишеним катты жоюу жөнүндө кызмат адамы мүлк турган жердеги нотариалдык конторага билдирет.
3. Мурастык мүлктү коргоого чараларды керүү
36. Мурасты ачуу жери боюнча кызмат адамы (мурас калтыруучунун туруктуу жашаган акыркы жери боюнча, эгерде ал белгисиз болсо - мурастык мүлктүн же анын негизги бөлүгүнүн турган жери боюнча) граждандардын, юридикалык жактардын билдирүүсү же болбосо өзүнүн демилгеси боюнча мурасчылардын, баш тартуучулардын, кредиторлордун же мамлекеттин таламдарына зарыл болсо мурастык мүлктү коргоо чараларын көрөт. Мурастык мүлктү коргоого чара көргөн кызмат адамы бул тууралуу мурас ачылган жердеги мамлекеттик нотариалдык конторага билдирет.
37. Мурас калтыруучунун мүлкү же анын бөлүгү мурас ачылган жерде болбосо, нотариус же кызмат адамы аны коргоого алуу чараларын көрүү жөнүндө мурастык мүлк турган жердеги жергиликтүү өз алдынча башкаруунун аткаруучу-тескөөчү органына поручение жиберет. Мурастык мүлктү коргоо чараларын көргөн жергиликтүү өз алдынча башкаруунун аткаруучу-тескөөчү органынын кызмат адамы көрүлгөн чаралар жөнүндө мурас ачылган жердеги нотариалдык конторага билдирет.
38. Калган мүлк жөнүндө билдирүү же мурастык мүлктү коргоого чараларды көрүү жөнүндө арыз жазуу, ошондой эле оозеки жүзүндө берилиши мүмкүн. Келип түшкөн билдирүү (арыз) ошол замат мурастык мүлктү коргоого чара көрүү жөнүндө арыздарды эсепке алуу китебинде катталууга тийиш (N 4 тиркеме).
39. Билдирүүнү (арызды) алууда мурастык мүлктү коргоону камсыз кылуучу төмөнкүдөй чараларды көрүү зарыл:
- мурасты ачуу ордун, мүлктүн бар экендигин, анын курамын жана турган жерин аныктоо;
- мурасчыларга мурасты ачуу жана мүлктү каттап жазуу жөнүндө маалыматтарды кабарлоо;
- мурас калтыруучунун өлгөндүгү тууралуу күбөлүктү талап кылуу, анын көчүрмөсү күбөлөндүрүлүп жана аны дароо күбөлөндүрүүгө мүмкүн болбогондо кошо сакталат, мүлктү коргоого алуу чаралары мурас калтыруучунун өлгөндүгү жөнүндө так маалыматтар болгондо гана көрүлөт;
- турак жай органдарынын, жергиликтүү администрациялардын өкүлдөрүнө мүлктү каттоо жөнүндө, зарыл учурларда ички иштер органдарынын өкүлдөрүнө жана башка тиешелүү адамдарына билдирүү;
- эгерде мүлк мурас иретинде мамлекетке өткөрүлүүгө тийиш деген негиз болсо, бул тууралуу тиешелүү финансы же салык органына билдирүү;
- мурастык мүлктү коргоого алдын ала чаралар көрүлгөндүгүн тактоо (мурас турган жай бекитилгенин, ким тарабынан кимге сактоого берилгендигин жана башка чараларды).
40. Мурастык мүлктү жазуу, жазууга катышууну каалаган тиешелүү адамдардын жана кеминде эки күбөнүн катышуусу менен жүргүзүлөт.
41. Жазуу актысында төмөнкүлөр көрсөтүлүүгө тийиш: мурас калтырган адам өлгөндөн кийинки калган мүлктүн бар экендиги тууралуу билдирүү же мурастык мүлктү коргоого алуу чаралары көрүлгөндүгү жөнүндө поручение келип түшкөн күн; жазуу жүргүзүлгөн күн; аны жазууга катышкан адамдардын аты-жөнү жана дареги; мурас калтыруучунун аты-жөнү, анын өлгөн убагы жана жазылган мүлктүн турган орду, жергиликтүү өз алдынча башкаруунун аткаруучу-тескөөчү органынын кызмат адамы келгенге чейин ал жайдын ким тарабынан бекитилгендиги, пломбанын же коюлган мөөрдүн бузулбагандыгы тууралуу маалымат; ал жазууда саналган предметтердин ар биринин кеңири мүнөздөмөсү жана баасы жараксыздык проценти. Жазылган предметтерди баалоо колдонуудагы болжолдуу чекене баада (алардын жараксыздыгын эске алуу менен), ал эми чекене баа коюлбаган предметтерди билген адамдардын корутундусу боюнча жүргүзүлөт. Коюлган баага макул болбогон учурда мурасчылар баалоочу адисти чакырууга укуктуу. Ал адиске мурасчылар акы төлөп берет. Актынын ар бир бетинде предметтердин санынын жана алардын наркынын жалпы жыйынтыгы көрсөтүлөт. Жазуу актысына баардык мүлк, анын ичинде өлгөн адамдын квартирасындагы анын жеке мүлктөрү да жазылат. Коңшуларынын же башка адамдарынын айрым буюмдардын аларга таандык экендиги жөнүндө арызы жазуу актысына киргизилип, ал эми тиешелүү адамдарга бул мүлктү жазуудан чыгаруу жөнүндө доо менен сотко кайрылуу тартиби түшүндүрүлөт. Эгерде мүлктү каттоо үзгүлтүккө учурап (түшкү эс алуу тыныгуусу, жумушчу күнүнүн аякташы ж.б.) же бир нече күнгө созулса мурас мүлкү сакталган жай жергиликтүү өз алдынча башкаруунун аткаруучу-тескөөчү органынын кызмат адамы тарабынан дайыма бекитилип турат. Жазуу актысында аны каттоону токтотуунун же улантуунун себептери жана убактары, ошондой эле ал такталган жайды ачканда пломбунун жана мөөрдүн абалы тууралуу жазылып турат. Актынын аягында катталган мүлктү сактоого койгон адамдын аты-жөнү, туулган жылы (зарыл учурларда айы), жашаган жери, анын ким экендигин тастыктоочу документтин аталышы, номери, берилген күнү жана документти берген мекеменин аты көрсөтүлөт. Мурастык мүлктү каттоо актысы кеминде үч нускада түзүлүп, алардын бири мүлктү сактоого алган гражданга, экинчиси мурасты ачкан жердеги мамлекеттик нотариалдык конторага жиберилип, үчүнчүсү жергиликтүү өз алдынча башкаруунун аткаруучу-тескөөчү органынын кызмат адамында калат.
42. Эгерде мурастын курамында башкарууну талап кылган (турак үй, мал ж.б.) мүлк болсо, ошондой эле мурасчы аны кабыл алганга чейин кредиторлор тарабынан мурасчыга доо коюлса, кызмат адамы мурастык мүлккө опекун дайындайт.
43. Мүлктүк мурас сактоого өткөрүлүп берилген опекундарга жана башка адамдарга анын жетпей калышы, бирөөгө берилиши же жашырып коюу жана мурасчыга келтирилген зыяндар үчүн жоопкерчилик тарта тургандыгы эскертилет.
Көрсөтүлгөн адамдарга мүлктүн сактоого өткөрүлүп берилгендиги жана ага эскертилгендиги тууралуу алардан тил кат алынат, ал мурастык мүлктү
каттоо актысында же мурастык мүлккө опекун дайындоо жөнүндө аткаруучу бийлик органынын чечиминин нускасында жазылышы мүмкүн.
44. Жазууну жүргүзгөн кызмат адамы мурастык мүлк сактоого берилген жана мурасчы болуп саналбаган опекунга жана башка адамга алар мурасчылардан мүлктү сактагандыгы үчүн кошумча төлөө алууга, ошондой алар тарабынан бул мүлктү пайдалануудан иш жүзүндө алынган пайданы чыгарып салуу менен мурастык мүлктү сактоо жана башкаруу боюнча зарыл чыгымдардын ордун толтура тургандыгын түшүндүрөт ("Нотариат жөнүндө" Кыргыз Республикасынын Мыйзамынын 61-статьясы). Мурастык мүлктү коргоого жана аларды башкарууга кеткен чыгымдарды төлөп берүү жөнүндө буйрук, ошондой эле мурас ачылган жер боюнча нотариус тарабынан мурасчыны чакыруу жөнүндө билдирүү жарыялоо үчүн берилет.
45. Жергиликтүү өз алдынча башкаруунун аткаруучу-тескөөчү органында баалуулуктарды эсепке алуу китеби жүргүзүлөт, анда көрсөтүлгөн баалуулуктар (N 5 тиркеме) катталат. Куралдар (аңчылык куралдан башкасы) жана өлгөн адамдын мүлкүнүн курамындагы жарылуучу заттар өзгөчө жазып каттоо боюнча ички иштер органдарына тапшырылат. Эгерде катталган мүлктүн курамында искусство чыгармалары, баалуу кол жазмалар, адабий эмгектер, тарыхый жана илимий мааниси бар каттар болсо, алар өзүнчө жазууга киргизилет жана мурасчыга же тиешелүү уюмга жооптуу сактоого берилет. Зарыл учурларда, мисалы, мурасчылар жок болсо кызмат адамы документтер жана баалуу буюмдар сакталган жайды же документтерди мөөр басып бекитет.
46. Мурастык мүлктү коргоо мурасчы аны алганга чейин улантылат, эгерде мындай болбосо - Кыргыз Республикасынын мыйзамдарында белгиленген, мурасты алуу мөөнөтү бүткөнгө чейин корголот. Мурастык мүлктү коргоо башка мурасчылар тарабынан мурастоо укугу келип чыккан учурда мурас ачылган жер боюнча нотариалдык конторага мурасчы кайрылган учурда аны алуунун белгиленген мөөнөтү бүткөндөн кийин дагы улантылышы мүмкүн. Мындай учурларда мурастык мүлктү коргоо чаралары улантылат, бирок ал башка мурасчыга карата мурасты алуу укугу өткөндө белгиленген мөөнөттөн ашпоого тийиш. Мурастык мүлктү коргоо мөөнөтүн узартуу жөнүндө мурас ачылган жериндеги нотариуска билдирилүүгө тийиш.
47. Мурастык мүлктү коргоо бүткөн учурда жергиликтүү өз алдынча башкаруунун аткаруучу-тескөөчү органынын кызмат адамы бул тууралуу мурас ачылган жердеги нотариуска, ошондой эле мурасчыларга жана башка тиешелүү адамдарга кабарлоого милдеттүү.
48. Эгерде мүлктү каттоо мүмкүн болбосо (мисалы, мурас калтыруучу менен бирге жашаган мурасчылар каттоого каршы болушса) жергиликтүү өз алдынча башкаруунун аткаруучу-тескөөчү органынын кызмат адамы мүлктү жазууга коюуну талап кылууга укугу жок. Мындай учурда мүлктү көрсөтүүдөн баш тарткандыгы жана тиешелүү адамга мурастык мүлктүн ага эсептелген үлүшүн талап кылуу жөнүндө доо-арызы менен сотко кайрылуунун тартиби түшүндүрүлгөндүгү тууралуу акты түзүлүшү керек. Эгерде каттоо жүргүзүүгө тийиш болгон мүлк болбосо же мурасчылар же башка адамдар тарабынан алынып кетсе бул тууралуу дагы акты түзүлүп жана ал сотко кайрылуу укугу тууралуу түшүндүрүү менен тиешелүү адамдарга билдирилет.
4. Документтердин көчүрмөлөрүн жана
выпискаларын туура экендигин күбөлөндүрүү
49. Кызмат адамы юридикалык жак, ошондой эле граждандар тарабынан берилген документтердин көчүрмөлөрүнүн жана алардын выпискаларынын тууралыгын бул документтер мыйзамга карама-каршы келбеген, юридикалык мааниге ээ болгон жана көчүрмөлөрдүн жана выпискалардын тууралыгын күбөлөндүрүүгө мыйзам тарабынан тыюу салынбаган шартта күбөлөндүрүлөт.
Паспорттун, жана аны алмаштыруучу документтердин, партиялык, профсоюздук, аскер билеттеринин, депутаттык күбөлүктүн, кызматтык күбөлүктөрдүн, ошондой эле мыйзам боюнча көчүрмөлөрдүн тууралыгын күбөлөндүрүүгө жол берилбеген башка документтердин көчүрмөлөрүнүн тууралыгын күбөлөндүрүүгө тыюу салынат.
50. Выписканын тууралыгы выписка алынган документте алардын ортосундагы маселелерге байланышпаган айрым өзүнчө чечимдер камтылса гана күбөлөндүрүлүшү мүмкүн. Выписка кайсы бир маселе боюнча документтин бөлүгүнүн толук текстине жүргүзүлүүгө тийиш.
51. Граждан тарабынан берилген документтин көчүрмөсүнүн тууралыгы кызмат адамы тарабынан төмөнкүдөй учурларда күбөлөндүрүлөт: документтеги граждандын конгон колунун түп нускасы ал граждан иштеген же окуган нотариалдык орган же юридикалык жак тарабынан, ал жашаган жердеги турак жай-эксплуатациялык уюм же болбосо ал дарыланып жаткан стационардык дарылоо мекемесинин администрациясы тарабынан күбөлөндүрүлөт.
52. Документтин көчүрмөсүнүн тууралыгы анын тууралыгын нотариалдык тартипте күбөлөндүрүлгөн же түп нускадагы документ чыккан юридикалык жак тарабынан берилген документтин көчүрмөсү күбөлөндүргөн шартта кызмат адамы тарабынан күбөлөндүрүлөт. Мындай учурда документтин көчүрмөсү мөөр басылып жана документтин түп нускасы ошол юридикалык жакта тургандыгы жөнүндө белги коюлуу менен алардын бланкасында жазылууга тийиш.
Көчүрмөнүн тууралыгы юридикалык жактын жетекчисинин колу менен тастыкталат.
53. Документтерди берүүнүн белгилүү бир эрежеси аныкталган документтердин көчүрмөлөрүнүн жана выпискаларынын тууралыгын күбөлөндүрүүдө кызмат адамы бул берилген документтин ошол эрежелерге туура келишин (мисалы, билим берүү жөнүндө, ЗАГС органдары тарабынан берилген документтер) текшерүүгө милдеттүү.
54. Оңдолгон же болбосо жасалма, сөздөрдү чийип салган же башкача оңдолгон, ошондой эле карандаш менен толтурулган документтердин копиясы күбөлөндүрүлбөйт.
55. Юридикалык жактардан чыккан жана алардын көчүрмөлөрүн күбөлөндүрүү үчүн берилген документтердин зарыл реквизиттери (фирмалык бланка же үч бурчтуу штамп, берилген күнү, кызмат адамынын колу, мөөрү) болууга тийиш. Мындай реквизиттер болбосо документтердин көчүрмөсү күбөлөндүрүлбөйт.
56. Документтин күбөлөндүрүүчү көчүрмөсү же анын выпискасы документтин түп нускасынан алынат. Көчүрмөнүн тексти анын түп нускасына сөзмө-сөз дал келүүгө тийиш. Документке тиркелген мөөрдүн оттискасында камтылган реквизиттер документти берген юридикалык жактын аталышына дал келүүгө тийиш.
57. Документтердин көчүрмөлөрүн жана выпискаларын күбөлөндүрүүдө документтин ээсинин сөзсүз катышуусу талап кылынбайт. Нотариалдык иш жүргүзүүгө ыйгарым укуктуу кызмат адамы документти берген граждандын ким экендигин аныктайт.
58. Бир барактан ашкан көлөмдөгү документке калган барактары тиркелип, номер коюлуп жана печать менен ырасталууга тийиш.
5. Документтерге коюлган колдун түп нускасын күбөлөндүрүү
59. Кызмат адамы документтин мазмуну мыйзамга карама-каршы келбеген жана бүтүмдүн жазылышын камтыбаган документке коюлган колдун түп нускасын күбөлөндүрөт.
Эреже катарында ар кандай уюмдарга багытталган арыздар дагы: мурастык укуктарды толтурууга байланышкан нотариалдык конторага жазылган арыздагы, мүлккө менчик укугуна байланыштуу (биргелешип тапкан мүлктү бөлүп алууга жубайынын макулдугу жөнүндө, сатып алууга артыкчылыктуу укуктан баш тартуу жөнүндө ж.б.) арыздагы, үй-бүлөлүк мамилелерге байланышкан (ажырашууга макулдук берүү, бала багып алуу, опекун дайындоо ж.б. жөнүндө) арыздар дагы граждандардын колунун түп нускалары күбөлөндүрүлөт. Мурастан баш тартуу жөнүндө арыз милдеттүү нотариалдык күбөлөндүрүүдөн өтүүгө тийиш.
Мурас калтырууда, ишеним катта жана бүтүмдүн мазмуну жазылган башка документке майыптыгынан, оорусунан, же башка себептерден улам өз колу менен кол кое албаган адам үчүн башка бирөөлөр кол койсо, анын түп нускасы гана күбөлөндүрүлүшү мүмкүн.
60. Коюлган колдун түп нускасын күбөлөндүрүүдө кызмат адамы документте баяндалган фактыларды күбөлөндүрбөйт, ал болгону ошол адам койгон колду ырастайт.
61. Коюлган колду күбөлөндүрүүдө кызмат адамы анын тууралыгын жана ыйгарым укугун текшерет.
62. Документтеги граждандын койгон колунун түп нускасы, эгерде анда күбөлөндүрүү укугу мамлекеттик органдарга гана тиешелүү боло тургандыгы ырасталса (мисалы, төрөлгөн убагы, нике, өлгөндүгү ж.б.) ал күбөлөндүрүлбөйт.
N 1 форма
Мурасты
КҮБӨЛӨНДҮРҮҮЧҮ ЖАЗУУ
Бул мурас мен тарабынан __________________________________________ _______________________________________________________________________
(аты-жөнү, кызматы, жергиликтүү өз алдынча башкарууну
аткаруучу-тескөөчү органдарынын аталышы)
Мураска менин катышуумда гражданин _______________________________ ________________ кол койду. Мурас калтыруучунун ким экендиги аныкталып,
(аты-жөнү)
ишке жарамдуулугу текшерилди.
Реестрде катталды N ______________________________________________
мамлекеттик пошлина алынды _______________________________________
Гербдүү мөөр _______________
(кызматы, колу)
Форма N 2
Дене түзүлүшүнүн кемдигинен, оорусунан
же башка кандайдыр бир себептерден улам жеке
өзү кол кое албаган адамдын атынан мурасты
КҮБӨЛӨНДҮРҮҮЧҮ ЖАЗУУ
Бул мурас мен тарабынан _________________________________________
______________________________________________________________________
(аты-жөнү, кызматы, жергиликтүү өз алдынча башкаруунун
аткаруучу-тескөөчү органынын аталышы)
Төмөнкүдөй себептен (мурас калтыруучу жеке өзү кол кое албаган себептен) анын өтүнүчү боюнча гражданин (мурас калтыруучунун аты-жөнү) менин катышуумда мураска гр. (кол коюучунун аты жөнү) кол койду. Мурас калтыруучунун ким экендиги аныкталып, ишке жарамдуулугу текшерилди. Мураска кол койгон адамдын ким экендиги аныкталды.
Реестрде катталды N ______________________________________________
мамлекеттик пошлина алынды _______________________________________
Гербдүү мөөр _______________
(кызматы, колу)
N 3 форма
Гражданин тарабынан берилген ишеним катты
КҮБӨЛӨНДҮРҮҮЧҮ ЖАЗУУ
Бул ишеним кат мен тарабынан _____________________________________ _______________________________________________________________________
(аты-жөнү, кызматы, жергиликтүү өз алдынча башкаруунун
аткаруучу-тескөөчү органынын аталышы)
Ишеним катка гражданин ___________________________________________
(кол коюучунун аты-жөнү)
кол койду. Анын ким экендиги аныкталып, ишке жарамдуулугу текшерилди.
Реестрде катталды N ______________________________________________
мамлекеттик пошлина алынды _______________________________________
Гербдүү мөөр _______________
(кызматы, колу)
N 4 форма
Башкага ишеним берүү тартибинде гражданин
тарабынан берилген ишеним катты
КҮБӨЛӨНДҮРҮҮЧҮ ЖАЗУУ
Бул ишеним кат мен тарабынан _____________________________________ _______________________________________________________________________
(аты-жөнү, кызматы, жергиликтүү өз алдынча башкаруунун
аткаруучу-тескөөчү органынын аталышы)
Ишеним катка гражданин ____________________________________ атынан
(кол коюучунун аты-жөнү)
ишеним кат боюнча аракеттенүүчү гр. (өкүлдүн аты-жөнү) Менин катышуумда кол койду.
Анын ким экендиги аныкталып, ишке жарамдуулугу жана анын укугу текшерилди.
Реестрде катталды N ______________________________________________
мамлекеттик пошлина алынды _______________________________________
Гербдүү мөөр _______________
(кызматы, колу)
N 5 форма
Юридикалык жак тарабынан берилген ишеним катты
КҮБӨЛӨНДҮРҮҮЧҮ ЖАЗУУ
Бул ишеним кат мен тарабынан _____________________________________ _______________________________________________________________________
(аты-жөнү, кызматы, жергиликтүү өз алдынча башкаруунун
аткаруучу-тескөөчү органынын аталышы)
Ишеним катка (юридикалык жактын аталышы) атынан менин катышуумда (юридикалык жактын өкүлүнүн кызматы, аты жөнү) кол коюлду.
(Юридикалык жактын аталышы) укуктук жактан жөндөмдүүлүгү жана анын өкүлүнүн ыйгарым укугу текшерилди.
Кол койгон адамдын ким экендиги аныкталып, ишке жарамдуулугу текшерилди.
Реестрде катталды N ______________________________________________
мамлекеттик пошлина алынды _______________________________________
Гербдүү мөөр _______________
(кызматы, колу)
N 6 форма
Кайра ишеним берүү тартибинде юридикалык жак
тарабынан берилген ишеним катты
КҮБӨЛӨНДҮРҮҮЧҮ ЖАЗУУ
Бул ишеним кат мен тарабынан _____________________________________ _______________________________________________________________________
(аты-жөнү, кызматы, жергиликтүү өз алдынча башкаруунун
аткаруучу-тескөөчү органынын аталышы)
Ишеним катка (юридикалык жактын аталышы), атынан ишеним кат боюнча аракеттенүүчү анын өкүлү гр. (өкүлдүн аты-жөнү) менин катышуумда (юридикалык жактын өкүлүнүн кызматы, аты жөнү) кол койду.
Кол койгон адамдын ким экендиги аныкталып, ишке жарамдуулугу жана ыйгарым укугу текшерилди.
Реестрде катталды N ______________________________________________
мамлекеттик пошлина алынды _______________________________________
Гербдүү мөөр _______________
(кызматы, колу)
N 7 форма
14 жашка чыга электердин мыйзамдуу өкүлү
(ата-энеси) тарабынан берилген ишеним катты
КҮБӨЛӨНДҮРҮҮЧҮ ЖАЗУУ
Бул ишеним кат мен тарабынан _____________________________________ _______________________________________________________________________
(аты-жөнү, кызматы, жергиликтүү өз алдынча башкаруунун
аткаруучу-тескөөчү органынын аталышы)
Ишеним катка өзүнүн жашы жете элек баласы үчүн (аты-жөнү, туулган жылы жана күнү) мыйзамдуу өкүл катарында аракеттенүүчү гр. (аты-жөнү) менин катышуумда кол койду.
Кол койгон адамдын ким экендиги аныкталып, ишке жарамдуулугу текшерилди.
Реестрде катталды N ______________________________________________
мамлекеттик пошлина алынды _______________________________________
Гербдүү мөөр _______________
(кызматы, колу)
N 8 форма
Өзү жана өзүнүн 14 жашка чейинки жашы
жете элек балдары үчүн аракеттенүүчү граждан
тарабынан берилген ишеним катты
КҮБӨЛӨНДҮРҮҮЧҮ ЖАЗУУ
Бул ишеним кат мен тарабынан _____________________________________ _______________________________________________________________________
(аты-жөнү, кызматы, жергиликтүү өз алдынча башкаруунун
аткаруучу-тескөөчү органынын аталышы)
Ишеним катка өзү үчүн жана өзүнүн жашы жете элек балдарынын (аты-жөнү, туулган жылы жана күнү) мыйзамдуу өкүл катарында аракеттенүүчү гр. (аты-жөнү) менин катышуумда кол койду.
Кол койгон адамдын ким экендиги аныкталып, ишке жарамдуулугу текшерилди.
Реестрде катталды N ______________________________________________
мамлекеттик пошлина алынды _______________________________________
Гербдүү мөөр _______________
(кызматы, колу)
N 9 форма
Ата-энесинин (багып алуучунун, камкордук көрүүчүнүн)
макулдугу менен аракеттенүүчү жашы жете электер
(14төн 18 жашка чейинки) тарабынан
берилген ишеним катты
КҮБӨЛӨНДҮРҮҮЧҮ ЖАЗУУ
Бул ишеним кат мен тарабынан _____________________________________ _______________________________________________________________________
(аты-жөнү, кызматы, жергиликтүү өз алдынча башкаруунун
аткаруучу-тескөөчү органынын аталышы)
Ишеним катка (атасынын, энесинин, багып алуучунун, камкордук көрүүчүнүн аты-жөнү) макулдугу менен аракеттенүүчү жашы жете элек (аты-жөнү, туулган жылы жана күнү) менин катышуумда кол койду. Кол койгон адамдын ким экендиги аныкталып, ишке жарамдуулугу текшерилди.
Гражданин (атасынын, энесинин, багып алуучунун, камкордук көрүүчүнүн аты-жөнү) ким экендиги аныкталып, анын ыйгарым укугу текшерилди.
Реестрде катталды N ______________________________________________
мамлекеттик пошлина алынды _______________________________________
Гербдүү мөөр _______________
(кызматы, колу)
N 10 форма
Дене түзүлүшүнүн кемдигинин, оорусунан же
кандайдыр бир башка себептерден улам жеке
өзү кол кое албаган граждан тарабынан
берилген ишеним катты
КҮБӨЛӨНДҮРҮҮЧҮ ЖАЗУУ
Бул ишеним кат мен тарабынан _____________________________________ _______________________________________________________________________
(аты-жөнү, кызматы, жергиликтүү өз алдынча башкаруунун
аткаруучу-тескөөчү органынын аталышы)
Ишеним катка гражданин (берүүчүнүн аты-жөнү) макулдугу менен аракеттенүүчү жашы жете элек (аты-жөнү, туулган жылы жана күнү) менин катышуумда кол койду. Кол койгон адамдын ким экендиги аныкталып, ишке жарамдуулугу текшерилди.
Гражданин (атасынын, энесинин, багып алуучунун, камкордук көрүүчүнүн аты-жөнү) ким экендиги аныкталып, анын ыйгарым укугу текшерилди.
Реестрде катталды N ______________________________________________
мамлекеттик пошлина алынды _______________________________________
Гербдүү мөөр _______________
(кызматы, колу)
N 11 форма
Телеграмма-ишеним катка
КҮБӨЛӨНДҮРҮҮЧҮ ЖАЗУУ
Бул ишеним кат мен тарабынан _____________________________________ _______________________________________________________________________
(аты-жөнү, кызматы, жергиликтүү өз алдынча башкаруунун
аткаруучу-тескөөчү органынын аталышы)
Реестрде катталды N ______________________________________________
мамлекеттик пошлина алынды _______________________________________
Гербдүү мөөр _______________
(кызматы, колу)
N 12 форма
Документтин көчүрмөсүнүн
тууралыгын ырастоо жөнүндө
КҮБӨЛӨНДҮРҮҮЧҮ ЖАЗУУ
_________ жылдын "_______" _____________
Бул ишеним кат мен тарабынан _____________________________________ _______________________________________________________________________
(аты-жөнү, кызматы, жергиликтүү өз алдынча башкаруунун
аткаруучу-тескөөчү органынын аталышы)
Документтин түп нускасы менен бул көчүрмөнүн туура экендигин күбөлөндүрөм, акыркысында сызып-чийүү, жасалма, өчүрүлгөн сөздөр жана башка туура эмес оңдоолор же кандайдыр бир өзгөчөлүктөр болгон жок.
Реестрде катталды N ______________________________________________
мамлекеттик пошлина алынды _______________________________________
Гербдүү мөөр _______________
(кызматы, колу)
N 13 форма
Документтин выпискасынын тууралыгын ырастоо жөнүндө
КҮБӨЛӨНДҮРҮҮЧҮ ЖАЗУУ
Бул ишеним кат мен тарабынан _____________________________________ _______________________________________________________________________
(аты-жөнү, кызматы, жергиликтүү өз алдынча башкаруунун
аткаруучу-тескөөчү органынын аталышы)
Документтин түп нускасы менен бул выписканын туура экендигин күбөлөндүрөм, акыркысында сызып-чийүү, жасалма, өчүрүлгөн сөздөр жана башка туура эмес оңдоолор же кандайдыр бир өзгөчөлүктөр болгон жок.
Реестрде катталды N ______________________________________________
мамлекеттик пошлина алынды _______________________________________
Гербдүү мөөр _______________
(кызматы, колу)
N 14 форма
Документтин көчүрмөсүнөн көчүрүлгөндүн
тууралыгын ырастоо жөнүндө
КҮБӨЛӨНДҮРҮҮЧҮ ЖАЗУУ
_________ жылдын "_______" _____________
Мен ______________________________________________________________ _______________________________________________________________________
(аты-жөнү, кызматы, жергиликтүү өз алдынча башкаруунун
аткаруучу-тескөөчү органынын аталышы)
Документтин көчүрмөсүнөн бул көчүрмөнүн туура экендигин күбөлөндүрөм, акыркысында сызып-чийүү, жасалма, өчүрүлгөн сөздөр жана башка туура эмес оңдоолор же кандайдыр бир өзгөчөлүктөр болгон жок.
Реестрде катталды N ______________________________________________
мамлекеттик пошлина алынды _______________________________________
Гербдүү мөөр _______________
(кызматы, колу)
N 15 форма
Коюлган колдун тууралыгын ырастоо жөнүндө
КҮБӨЛӨНДҮРҮҮЧҮ ЖАЗУУ
_________ жылдын "_______" _____________
Мен ______________________________________________________________ _______________________________________________________________________
(аты-жөнү, кызматы, жергиликтүү өз алдынча башкаруунун
аткаруучу-тескөөчү органынын аталышы)
Гражданин (документке кол койгон адамдын аты-жөнү) менин катышуумда койгон колунун тууралыгын күбөлөндүрөм. Документке кол койгон адамдын ким экендиги аныкталды.
Реестрде катталды N ______________________________________________
мамлекеттик пошлина алынды _______________________________________
Гербдүү мөөр _______________
(кызматы, колу)
N 16 форма
Ишеним кат боюнча аракеттенген граждандын
койгон колунун тууралыгын ырастоо жөнүндө
КҮБӨЛӨНДҮРҮҮЧҮ ЖАЗУУ
_________ жылдын "_______" _____________
Мен ______________________________________________________________ _______________________________________________________________________
(аты-жөнү, кызматы, жергиликтүү өз алдынча башкаруунун
аткаруучу-тескөөчү органынын аталышы)
Гражданин (берген адамдын аты-жөнү) ишеним каты боюнча аракеттенген граждан (документке кол койгон адамдын аты-жөнү) менин катышуумда койгон колунун тууралыгын күбөлөндүрөм.
Документке кол койгон адамдын ким экендиги аныкталып, анын ыйгарым укугу текшерилди.
Реестрде катталды N ______________________________________________
мамлекеттик пошлина алынды _______________________________________
Гербдүү мөөр _______________
(кызматы, колу)
N 17 форма
Юридикалык жактын өкүлүнүн койгон колунун
тууралыгын ырастоо жөнүндө
КҮБӨЛӨНДҮРҮҮЧҮ ЖАЗУУ
_________ жылдын "_______" _____________
Мен ______________________________________________________________ _______________________________________________________________________
(аты-жөнү, кызматы, жергиликтүү өз алдынча башкаруунун
аткаруучу-тескөөчү органынын аталышы)
(Юридикалык жактын аталышы, кызмат адамы, өкүлдүн аты-жөнү) менин катышуумда кол койду. Өкүлдүн ким экендиги аныкталып, анын ыйгарым укугу текшерилди.
Реестрде катталды N ______________________________________________
мамлекеттик пошлина алынды _______________________________________
Гербдүү мөөр _______________
(кызматы, колу)
N 18 форма
Ата-энесинин (багып алуучунун, камкордук көрүүчүнүн)
макулдугу менен аракеттенүүчү жашы жете электер
(14төн 18 жашка чейинки) койгон колдун
тууралыгын ырастоо жөнүндө
КҮБӨЛӨНДҮРҮҮЧҮ ЖАЗУУ
_______ жылдын "_______" ___________
Мен ______________________________________________________________ _______________________________________________________________________
(аты-жөнү, кызматы, жергиликтүү өз алдынча башкаруунун
аткаруучу-тескөөчү органынын аталышы)
(Атасынын, энесинин, багып алуучунун, камкордук көрүүчүнүн аты-жөнү) макулдугу менен аракеттенүүчү гр. (аты-жөнү, туулган жылы, күнү) менин катышуумда койгон колунун тууралыгын күбөлөндүрөм.
Документке кол койгон адамдын жана граждандын (Атасынын, энесинин, багып алуучунун, камкордук көрүүчүнүн аты-жөнү) ким экендиги аныкталып, анын ыйгарым укугу текшерилди.
Реестрде катталды N ______________________________________________
мамлекеттик пошлина алынды _______________________________________
Гербдүү мөөр _______________
(кызматы, колу)
N 19 форма
Дене түзүлүшүнүн кемдигинин, оорусунан же
кандайдыр бир башка себептерден улам жеке
өзү кол кое албаган граждан тарабынан
берилген ишеним катты
КҮБӨЛӨНДҮРҮҮЧҮ ЖАЗУУ
_______ жылдын "_______" ___________
Мен ______________________________________________________________ _______________________________________________________________________
(аты-жөнү, кызматы, жергиликтүү өз алдынча башкаруунун
аткаруучу-тескөөчү органынын аталышы)
Гражданин (документке башка адамга кол коюуну тапшырган адамдын аты-жөнү) үчүн анын тапшыруусу боюнча (кол коюуну тапшырган адамдын өзү кол кое албагандыгынын себеби) гражданин (кол койгон адамдын аты-жөнү) колунун тууралыгын күбөлөндүрөм.
Реестрде катталды N ______________________________________________
мамлекеттик пошлина алынды _______________________________________
Гербдүү мөөр _______________
(кызматы, колу)
N 20 форма
Телеграф боюнча берилген документтеги
коюлган колдун тууралыгын ырастоо жөнүндө
КҮБӨЛӨНДҮРҮҮЧҮ ЖАЗУУ
Коюлган колдун тууралыгы _________________________________________ _______________________________________________________________________
(аты-жөнү, кызматы, жергиликтүү өз алдынча башкаруунун
аткаруучу-тескөөчү органынын аталышы)
күбөлөндүрүлдү.
_______ жылдын "_______" ___________
Реестрде катталды N ______________________________________________
мамлекеттик пошлина алынды _______________________________________
Гербдүү мөөр _______________
(кызматы, колу)
N 21 форма
Реестрден көчүрмөнүн тууралыгын ырастоо жөнүндө
КҮБӨЛӨНДҮРҮҮЧҮ ЖАЗУУ
_______ жылдын "_______" ___________
Мен ______________________________________________________________ _______________________________________________________________________
(аты-жөнү, кызматы, жергиликтүү өз алдынча башкаруунун
аткаруучу-тескөөчү органынын аталышы)
__________ жыл, китепче N _____, реестр N _______ үчүн нотариалдык контордун (аталышы) нотариалдык иштерди каттоо үчүн реестрден алынган ушул көчүрмөнүн тууралыгын күбөлөндүрөм.
Реестрде катталды N ______________________________________________
мамлекеттик пошлина алынды _______________________________________
Гербдүү мөөр _______________
(кызматы, колу)
Жергиликтүү өз алдынча башкарууну
аткаруучу-тескөөчү органдарынын
кызмат адамы тарабынан нотариалдык
иштерди жасоонун тартиби жөнүндө
Инструкцияга
N 2 Тиркеме
20-пунктка
Нотариалдык иштерди каттоо үчүн
РЕЕСТР
┌────────┬────────┬───────────┬─────────┬───────────┬────────┬────────┐
│ Нотар- │ Нотар- │ Граждандын│ Нотар- │Нотариалдык│ Мампош-│ Нотар- │
│ иалдык │ иалдык │ аты-жөнүн,│ иалдык │ иштердин │ линанын│ иалдык │
│иштердин│ иштер │юридикалык │ иштерди │ кыскача │алынган-│ жактан │
│ катар │жасалган│ жактын │ жасоого │ мазмуну, │ дыгы │ анык- │
│ номер │ күн │ аталышы │катышкан │документтин│ же │ талган │
│ │ │ │ адамдын │ аталышы │ андан │ доку- │
│ │ │ │ ким │ │бошотул-│ ментти │
│ │ │ │экендигин│ │ гандыгы│ алган- │
│ │ │ │аныктоочу│ │ жөнүндө│ дыгы │
│ │ │ │документ │ │ белги │тууралуу│
│ │ │ │ │ │ │ тил кат│
├────────┼────────┼───────────┼─────────┼───────────┼────────┼────────┤
│ │ │ │ │ │ │ │
└────────┴────────┴───────────┴─────────┴───────────┴────────┴────────┘
Жергиликтүү өз алдынча башкарууну
аткаруучу-тескөөчү органдарынын
кызмат адамы тарабынан нотариалдык
иштерди жасоонун тартиби жөнүндө
Инструкцияга
N 3 Тиркеме
28-пунктка
Мурастарды эсепке алуунун
АЛФАВИТТИК КИТЕПЧЕСИ
┌─────────────────────┬─────────────────┬──────────────┬──────────────┐
│ Мурас калтыруучунун │ Мурасты │Реестр боюнча │ Мурасты жоюу │
│ аты-жөнү │күбөлөндүргөн күн│ номер │жөнүндө белги │
├─────────────────────┼─────────────────┼──────────────┼──────────────┤
│ │ │ │ │
└─────────────────────┴─────────────────┴──────────────┴──────────────┘
Жергиликтүү өз алдынча башкарууну
аткаруучу-тескөөчү органдарынын
кызмат адамы тарабынан нотариалдык
иштерди жасоонун тартиби жөнүндө
Инструкцияга
N 4 Тиркеме
Инструкциянын 38-пунктуна
Мурастык мүлктү коргоого
чара көрүү боюнча арыздарды
ЭСЕПКЕ АЛУУ КИТЕПЧЕСИ
┌─┬──────┬──────┬────────┬────────┬────────┬────────┬────────┬────────┐
│N│ Арыз │ Арыз │ Өлгөн │Мурастык│Мурастык│Мурастык│Мураска │Эскертүү│
│ │түшкөн│кимден│адамдын │мүлктүн │ мүлктү │ мүлктү │ укук │ │
│ │ күн, │келип │аты-жөнү│ турган │коргоого│ баалоо │тууралуу│ │
│ │ ай, │түштү │ │ жери │ чара │ │күбөлүк │ │
│ │ жыл │ │ │ │көрүлгөн│ │берилген│ │
│ │ │ │ │ │күн, ай │ │күн, ай │ │
│ │ │ │ │ │жана жыл│ │жана жыл│ │
├─┼──────┼──────┼────────┼────────┼────────┼────────┼────────┼────────┤
│ │ │ │ │ │ │ │ │ │
└─┴──────┴──────┴────────┴────────┴────────┴────────┴────────┴────────┘
Жергиликтүү өз алдынча башкарууну
аткаруучу-тескөөчү органдарынын
кызмат адамы тарабынан
нотариалдык иштерди жасоонун
тартиби жөнүндө Инструкцияга
N 5 Тиркеме
45-пунктка
Жергиликтүү өз алдынча башкаруунун
аткаруучу-тескөөчү органынын баалуулуктарды
ЭСЕПКЕ АЛУУ КИТЕПЧЕСИ
┌───┬───────────┬────────┬─────────┬──────┬──────┬──────────┬─────────┐
│N │ Баалуу- │ Өлгөн │ Баалуу- │ Саны │ Баасы│Баалуулук-│ Баалуу- │
│ │ луктар │адамдын │луктардын│ │ │ тар │ луктар- │
│ │түшкөн күн,│(кимдин │ кеңири │ │ │ тапшырыл-│ ды │
│ │ай жана жыл│ баалу- │сүрөттө- │ │ │ ган │ берүү же│
│ │ │ луктар │ лүп │ │ │ күн, ай, │ аларды │
│ │ │алынган-│жазылышы │ │ │ жыл жана │ сатуу │
│ │ │ дыгы) │ │ │ │ квитан- │ үчүн │
│ │ │аты-жөнү│ │ │ │ циянын │ финансы │
│ │ │ │ │ │ │ номер │ орган- │
│ │ │ │ │ │ │ │ дарына │
│ │ │ │ │ │ │ │ өткөрүп │
│ │ │ │ │ │ │ │ берүү │
│ │ │ │ │ │ │ │ жөнүндө │
│ │ │ │ │ │ │ │ белги │
├───┼───────────┼────────┼─────────┼──────┼──────┼──────────┼─────────┤
│ │ │ │ │ │ │ │ │
└───┴───────────┴────────┴─────────┴──────┴──────┴──────────┴─────────┘
Евразия экономикалык комиссиясы
//ком
