КОММЕРЦИЯЛЫК УЮМДАРДЫ МАМЛЕКЕТТИК КАТТОО ЖОЛ-ЖОБОСУН ӨТКӨРҮҮ ТАРТИБИ, ЗАРЫЛ БОЛГОН ДОКУМЕНТТЕРДИН ТИЗМЕГИ ЖАНА ЧЕЧИМДЕРДИН ҮЛГҮЛӨРҮ (ЖЧК, КЖК, ААК, ЖАК, КК, ДЧ, ж.б. түрүндө)

Юридикалык жактарды, филиалдарды (өкүлчүлүктөрдү) жана ММК каттоо > Мамлекеттик каттоо жол-жобосун өткөрүү тартиби жана зарыл болгон документтердин тизмеги жана үлгүлөрү >

КОММЕРЦИЯЛЫК УЮМДАРДЫ МАМЛЕКЕТТИК КАТТОО ЖОЛ-ЖОБОСУН ӨТКӨРҮҮ ТАРТИБИ ЖАНА ЗАРЫЛ БОЛГОН ДОКУМЕНТТЕРДИН ТИЗМЕГИ (ЖЧК, КЖК, ААК, ЖАК, КК, ДЧ, ж.б. түрүндө)

1. Коммерциялык уюмдарды мамлекеттик каттоодон өткөрүү үчүн уюштуруучу (уюштуруучулар) төмөнкүлөрдү аткаруусу зарыл:

- юридикалык жакты түзүү жөнүндө чечимди кабыл алуу;

- юридикалык жактардын,филиалдардын (өкүлчүлүктөрдүн)Бирдиктүү мамлекеттик реестринде камтылган, башка юридикалык жактардын фирмалык аталышынан айырмаланган фирмалык аталышты тандоо;

- юридикалык жактар өз фирмалык аталыштарында Кыргыз Республикасынын мамлекеттик жана расмий тилдеринде тийиштүүлүгүнө жараша кыргыз, орус алфавиттеринин тамгаларын гана, ал эми англис тилинде - латын алфавитинин тамгаларын пайдаланууга тийиш. Мисалы:

Ø Мамлекеттик тилдеги толук фирмалык аталышы:

"КФК" жоопкерчилиги чектелген коому

Ø Расмий тилдеги толук фирмалык аталышы:

Общество с ограниченной ответственностью "КФК"

(Туура эмес фирмалык аталыш: (~~"КФК"(«~~~~KFK»)~~ ~~жоопкерчилиги чектелген коому)~~

2. Мамлекеттик каттоонун мөөнөттөрү

Юридикалык жакты мамлекеттик каттоо документтерди тапшырган учурдан тартып төмөнкүдөй мөөнөттөрдө жүзөгө ашырылат:

ü коммерциялык уюмдар – 3 жумуш күндѳ;

ü финансы-кредиттик мекемелер (банк, микрофинансылык компания, микрокредиттик компания, микрокредиттик агенттик ж.б.) - 10 календардык күндѳ.

3. Коммерциялык уюмдарды мамлекеттик каттоо үчүн зарыл болгон документтердин тизмеги:

- Кыргыз Республикасынын Өкмөтүнүн 2011-жылдын 28-январындагы № 31 токтому менен бекитилген түр боюнча каттоо арызы;

- мамлекеттик каттоо жөнүндө чечимдин түп нускасы;

- финансы-кредиттик мекеменинжетекчисинин колтамгасы коюлган уставы эки нускада;

- финансы-кредиттик мекеменинбардык уюштуруучулардын колтамгасы коюлган уюштуруу келишими эки нускада (эгерде юридикалык жак 2 ден ашык уюштуруучу менен түзүлүп жатса);

- Улуттук банктын же анын аймактык бөлүгүнүн жазуу жүзүндөгү макулдугу - финансы-кредиттик мекеме үчүн;

- уюштуруучунун паспортунун көчүрмөсү (жеке жактын);

- уюштуруучуну (юридикалык жакты) мамлекеттик каттоо (кайра каттоо) жөнүндө күбөлүктүн көчүрмөсү - эгерде ал жергиликтүү юридикалык жак болуп эсептелинсе;

- мамлекеттик реестрден легалдаштырылган көчүрмө же өз өлкөсүнүн мыйзамдары боюнча уюштуруучу иштөөдөгү деп саналгандыгын (юридикалык жак) тастыктаган башка документ - эгерде ал чет өлкөлүк юридикалык жак болуп эсептелинсе.

Кыргыз Республикасы катышуучу болгон (КМШ өлкөлөрү) тиешелүү эл аралык келишимдерге жана макулдашууларга катышуучу мамлекеттердин юридикалык жактары үчүн документтерди легалдаштыруу талап кылынбайт;

- түзүлүп жаткан юридикалык жактын жетекчисинин паспортунун көчүрмөсү;

- ишеним каттын түп нускасы - эгерде жак ишеним каттын негизинде иш алып барса.

Кошумча маалымат

1. Мамлекеттик каттоо жөнүндө чечим милдеттүү түрдө төмөнкүлөрдү камтышы зарыл:

- катталуучу юридикалык жактын мамлекеттик жана расмий тилдердеги фирмалык аталышын;

- жайгашкан жерин (юридикалык дарегин);

- фамилиясын, атын, атасынын атын, жашаган жерин (жеке жактар үчүн), толук фирмалык аталышын, жайгашкан жерин (юридикалык жактар үчүн) көрсөтүү менен, ар бир уюштуруучу жөнүндө маалыматтарды;

- юридикалык жактын уставдык капиталынын (пайлык фондунун) өлчөмүн жана уставдык капиталындагы (пайлык фондундагы) ар бир уюштуруучунун үлүштөрүнүн (пайларынын) өлчөмүн;

- аткаруучу органдын жетекчисинин фамилиясын, атын, атасынын атын;

- уставды, уюштуруу келишиминин бекитүү жөнүндө, ошондой эле төмөнкү текстти:

«Юридикалык жакты түзүү жөнүндө уюштуруучунун (уюштуруучулардын) чечиминде андагы көрсөтүлгөн маалыматтардын, ошондой эле мамлекеттик каттоо үчүн тапшырылган документтердеги маалыматтардын аныктыгы, мамлекеттик каттоо учуруна карата уставдык капиталды (пайлык фондду) төлөө тартиби сакталгандыгы жана мыйзамда белгиленген учурларда, юридикалык жакты түзүү маселелери тиешелүү мамлекеттик жана (же) жергиликтүү өз алдынча башкаруу органдары менен макулдашылгандыгы ырасталат»;

2. Коммерциялык уюмду түзүү жөнүндө уюштуруучунун (уюштуруучулардын) чечимине ар бир уюштуруучу колтамга коет жана ар бир жеке жактын-уюштуруучунун колтамгасы нотариалдык күбөлөндүрүлөт. Керектүү документтер каттоо органына уюштуруучу (уюштуруучулар) - жеке жак (жеке жактар) тарабынан түздөн-түз берилген учурда анын (алардын) колтамгасын нотариалдык милдеттүү күбөлөндүрүү талап кылынбайт. Юридикалык жактын ыйгарым укуктуу өкүлүнүн колтамгасы юридикалык жактын мөөрү менен бекитилүүгө же нотариалдык күбөлөндүрүлүүгө тийиш.

3. Жоопкерчилиги чектелген коом үчүн уставдык капиталдын минималдуу жана максималдуу өлчөмү аныкталган эмес;

4. Акционердик коом үчүн уставдык капиталдын өлчөмү эсептик көрсөткүчтүн бир миӊ өлчөмүнөн кем эмес болушу керек, б.а. 100 000 сом;

5. Жоопкерчилиги чектелген коом бир гана жактан турган башка чарбалык коомду жападан-жалгыз катышуучу катары кармай албайт;

6. Жоопкерчилиги чектелген коомдун катышуучуларынын саны 30дан ашпайт;

7. Ачык акционердик коомдун уюштуруучуларынын саны чектелген эмес. Жабык акционердик коомдун уюштуруучуларынын саны 50дөн ашпайт;

8. Кооперативдин мүчөлөрүнүн саны жети адамдан кем болбошу зарыл;

9. Банктар, камсыздандыруу уюмдары, микрофинансылык компаниялар акционердик коом түрүндө гана түзүлүшү мүмкүн;

10. Чет тилде түзүлгөн документтер каттоочу органга мамлекеттик же расмий тилдеги нотариалдык күбөлөндүрүлгөн котормосу менен кошо тапшырылат;

11. Табигый монополиялардын субъекттерин каттоодо мамлекеттик монополияга каршы органдын жазуу жүзүндөгү макулдугу талап кылынат.

- Кыргыз Республикасынын Өкмөтүнө караштуу Монополияга каршы жөнгө салуу мамлекеттик агенттиги (Кыргыз Республикасынын табигый жана уруксат берилген монополиялардын субъекттеринин мамлекеттик республикалык реестринде чарбалык субъекттердин болуусу жаатындагы субъекттер боюнча), Бишкек ш., Байтик Баатыр көч., 7Б/1-үй, тел.: 0(312) 88 11 60.

- Кыргыз Республикасынын Өкмөтүнө караштуу Отун-энергеткалык комплексин жөнгө салуу боюнча мамлекеттик агенттик (ОЭК жаатындагы табигый жана уруксат берилген монополиялардын субъекттери боюнча ), Бишкек ш., Ахунбаев көч., 119-үй, тел.: 0(312) 56 28 97.

Коммерциялык уюмдардын чечимдеринин жана уставтарынын үлгүлөрү

ЖЧКанын 1 уюштуруучусунун чечими
(Жүктөп алуу)

ЖЧКанын 2 жана андан көп уюштуруучуларынын чечими
(Жүктөп алуу)

ЖЧКнын уставы
(Жүктөп алуу)
__________________________________________________________

КЖКанын 1 уюштуруучусунун чечими
(Жүктөп алуу)

КЖКанын 2 жана андан көп уюштуруучуларынын чечими
(Жүктөп алуу)

КЖКнын уставы
(Жүктөп алуу)
__________________________________________________________

ААКнын 1 уюштуруучусунун чечими
(Жүктөп алуу)

ААКанын 2 жана андан көп уюштуруучуларынын чечими
(Жүктөп алуу)

ААКнын уставы
(Жүктөп алуу)
__________________________________________________________

ЖАКтын 1 уюштуруучусунун чечими
(Жүктөп алуу)

ЖАКтын 2 жана андан көп уюштуруучуларынын чечими
(Жүктөп алуу)

ЖАКтын уставы
(Жүктөп алуу)
__________________________________________________________

ККын 7 жана андан көп уюштуруучуларынын чечими
(Жүктөп алуу)

ККнын уставы
(Жүктөп алуу)
__________________________________________________________

Мөөрү 2020.02.25 12:12:24