Эл аралык гуманитардык укуктун нормаларын имплементациялоо боюнча туруктуу иштөөчү Кыргыз Республикасынын Юстиция министрлигинин алдындагы Ведомстволор аралык комиссиясынын ишинин регламенти

Кыргыз Республикасынын Юстиция

министрлигинин алдындагы

Ведомстволор аралык комиссиясынын

отурумунун 2010-жылдын 20-августундагы № 1

протоколу менен бекитилген

 

 

 

1.1.Эл аралык гуманитардык укуктун нормаларын имплементациялоо боюнча туруктуу иштөөчү Кыргыз Республикасынын Юстиция министрлигинин алдындагы Ведомстволор аралык комиссиясынын ишинин регламенти (мындан ары- Регламент) эл аралык гуманитардык укуктун нормаларын имплементациялоо боюнча туруктуу иштөөчү Кыргыз Республикасынын Юстиция министрлигинин алдындагы Ведомстволор аралык комиссиясынын (мындар ары – Комиссия) ишин уюштуруу, отурумун өткөрүү жана чечимин кабыл алуу тартибин аныктайт.

 

 

2.1. Комиссия мыйзамдарды талдоонун негизинде иштелип чыккан, Комиссия тарабынан бекитилген эл аралык гуманитардык укукту имплементациялоо боюнча иш-чаралар планына ылайык өзүнүн ишин жүргүзөт.

 

2.2. Комиссиянын отуруму зарыл болгондугуна жараша кварталда бир жолкудан кем эмес өткөрүлөт. Эгер Комиссиянын отурумунда Комиссия мүчөлөрүнүн үчтөн экиси катышкан болсо, Комиссиянын отуруму ыйгарым укуктуу болуп саналат. Чечимдер катышкандардын көпчүлүк добушу менен чыгарылат, бирок каралып жаткан маселе боюнча Комиссиянын таламдаш мүчөлөрүнүн болушу өзгөчө зарыл. Алар катышпаган учурда бул маселе күн тартибинен алынып, Комиссиянын кийинки отурумуна которулат.

 

2.3. Комиссиянын отурумунун күн тартибинин долбоорун Комиссиянын Секретариаты отурумга чейин жети күн мурдатан даярдайт жана тиешелүү материалдар менен Комиссиянын төрагасына берет.

 

Комиссиянын төрагасы менен жактырылган отурумдун күн тартибинин долбоору жана тиешелүү материалдар Комиссиянын мүчөлөрүнө отурумдун күнүнө чейинки 5 жумушчу күндөн кеч эмес жиберилет. Комиссиянын отурумунун күн тартиби Комиссиянын катышкан мүчөлөрүнүн көпчүлүк добушу менен тикеден-тике отурумда бекитилет.

Комиссиянын мүчөлөрүнүн сунуштары боюнча күн тартибине өзгөртүүлөр киргизилиши мүмкүн.

 

2.4. Комиссиянын протоколу менен жактырылган ченемдик укуктук актылардын долбоорлору ченемдик укуктук актылардын долбоорлорун иштеп чыккан мамлекеттик органдар тарабынан Кыргыз Республикасынын мыйзамдарында белгиленген тартипте Кыргыз Республикасынын Өкмөтүнүн кароосуна киргизилет.

 

 

3.1.Комиссиянын ишине төрага жетекчилик кылат.

 

Комиссиянын төрагасы:

 

-  белгиленген мөөнөттө Комиссиянын отурумун өткөрөт жана имплементациялоо боюнча берилген материалдарды кароо боюнча ишти уюштурат;

- эл аралык гуманитардык укук жаатында иш жүргүзүүчү башка мамлекеттердин тиешелүү органдарында жана эл аралык уюмдарда Комиссиянын атынан чыгат;

- Комиссиянын ишин жана кабыл алынган чечимдерди  көзөмөлдөйт;

- Комиссиянын ишин жетектөө боюнча башка функцияларды аткарат.

 

 

4.1. Комиссиянын мүчөлөрү төмөнкүлөргө укуктуу:

 

-  Кыргыз Республикасынын эл аралык гуманитардык укук жаатындагы эл аралык укуктарын ишке ашыруунун негизги багыттары жөнүндө Кыргыз Республикасынын Өкмөтүнө сунуштарды белгиленген тартипте киргизүүгө;

 

- Кыргыз Республикасы катышуучусу болуп саналган мыйзамда белгиленген тартипте күчүнө кирген эл аралык келишимдерди имплементациялоо чегинде мыйзамдарды өркүндөтүү боюнча сунуштарды киргизүүгө;

 

- отурумдун күн тартибине жана жүргүзүү тартибине сунуштарды киргизүүгө;

 

- күн тартибине киргизилген маселелерди талкуулоого катышуу, отурумда талкууланып жаткан ченемдик укуктук актылардын долбоорлоруна өзгөртүү киргизүүгө;

 

-  талкууланып жаткан маселелер боюнча добуш берүүгө катышууга;

 

- Комиссиянын кезексиз отурумдарын чакыруу боюнча сунуштарды киргизүүгө;

 

- Комиссиянын отурумунун протоколу менен таанышууга.

 

4.2. Комиссиянын мүчөлөрү төмөнкүлөргө милдеттүү:

 

- Комиссиянын отурумуна катышууга;

 

- Комиссиянын отурумунун күн тартибине киргизилген маселелер боюнча материалдарды даярдоого;

 

- жыл сайын, өтүп бараткан жылдын 1-декабрынан кечиктирилбей Кийинки жылга Комиссиянын иш планына сунуштар киргизүүгө.  Андыктан, киргизилүүчү сунуштар жетекчи менен макулдашылышы жана Комиссиянын мүчөсүн билдирген мамлекеттик органдын же уюмдун расмий каты менен Комиссияга жиберилиши керек.

 

- улуттук мыйзамдарда эл аралык келишимдердин нормаларын имплементациялоого багытталган, анын ичинде Комиссиянын бекитилген планына ылайык ченемдик укуктук актылардын долбоорлорун Комиссиянын кароосуна киргизүүгө;

 

- ченемдик укуктук актынын иштеп чыккан долбоорлорунун толуктугу, ар тараптан жана калыс талдоо үчүн жекече жоопкерчилик тартууга.

 

4.3. Эгерде Комиссиянын мүчөсү жүйөлүү себептер менен Комиссиянын отурумуна катыша албаса, өзү өкүлү болуп саналган тиешелүү мамлекеттик орган же уюм Комиссиянын Секретариатына ал жөнүндө күн мурун маалымдоого жана белгиленген тартипте Комиссиянын мүчөсүнүн атынан добуш берүүгө укук берилген отурумга башка кызматкерди жиберүүгө милдеттүү.

 

4.4. Эгерде Комиссиянын мүчөлөрү Комиссиянын өткөрүлө турган отурумун тоотпосо (жүйүлүү себепсиз Комиссиянын отурумунда жок болсо), Комиссиянын төрагасы ал жөнүндө тиешелүү мамлекеттик органга же уюмга тиешелүү чара көрүү үчүн кат жиберет.

 

4.5. Комиссиянын мүчөлөрү мамлекеттик органдардын жана уюмдардын жетекчилери менен макулдашылган иштелип чыккан ченемдик укуктук актылар боюнча позицияларын берүүгө тийиш.

 

4.6. Комиссиянын чечими протокол менен таризделет.

 

4.7. Протоколду катчы жүргүзөт жана Комиссиянын төрагасы жана катчысы кол коет.

 

4.8. Комиссиянын отурумунун протоколунан көчүрмө түрдө Комиссиянын чечими кызыкдар органдарга билдирилет.

 

4.9. Комиссиянын ишине эл аралык гуманитардык укук жаатындагы иштерди жүргүзгөн кызыкдар органдардын, эл аралык уюмдардын жана башка субъекттердин кеңеш берүү добуш укугу бар өкүлдөрү катыша алышат.

 

4.10. Юстиция министрлиги Улуттук Кызыл жарым ай коому (макулдашуу боюнча) жана Эл аралык Кызыл Крест комитети (макулдашуу боюнча) менен биргеликте Комиссиянын зарыл уюштуруучулук- методикалык жана техникалык камсыздоо ишин жүргүзөт.

 

 

5.1. Комиссиянын ишин уюштуруучулук жактан камсыздоону Юстиция министрлигинин адистеринен түзүлгөн Секретариат жүргүзөт. Секретариаттын өздүк курамы Юстиция министрлигинин буйругу менен бекитилет.

 

5.2.Комиссиянын Секретариатынын функциясы:

 

- эл аралык гуманитардык укук жаатындагы мыйзамдардын жана башка ченемдик укуктук актылардын долбоорлорун укуктук экспертизалоо жана иштеп чыгууну жүргүзүү;

 

- Комиссиянын чечимдерин аткарууну уюштуруу боюнча документтердин долбоорлорун даярдоо;

 

- Мамлекеттик органдардан жана уюмдардан келип түшкөн кошумча маселелерди күн тартипке киргизүү жөнүндө сунуштарды; Комиссиянын кароосуна киргизилүүчү ченемдик укуктук актылардын долбоорлорун;  Комиссиянын боло турган отурумуна чейин алдын ала билдирүүнү Комиссиянын мүчөлөрүнө жөнөтүү;

 

- мамлекеттик органдардын адистештирилген эскпертизасын жүргүзүү үчүн ченемдик укуктук актылардын долбоорлорун тиешелүү органдарга же уюмдарга Комиссиянын тапшырмалары боюнча жөнөтүү;

 

- эл аралык гуманитардык укук нормаларын имплементациялоо боюнча сунуштарды иштеп чыгуу.

 

5.3. Өзүнө жүктөлгөн милдеттерди аткарууда секретариат төмөнкүлөргө укуктуу:

 

- мамлекеттик органдардан жана уюмдардан Секретариатка жүктөлгөн милдеттерди аткаруу үчүн зарыл болгон материалдарды жана маалыматтарды сурап алууга;

 

- Секретариаттын компетенциясына тиешелүү маселелер боюнча кат кабар алынууга;

 

- Комиссиянын тапшырмаларында каралган башка ыйгарым укуктарды аткарууга.