Эл аралык кызматтыштык башкармалыгы

2016-жылдын «___»_________№ ____

Кыргыз Республикасынын

Юстиция министрлигинин

буйругуна 5-тиркеме

Эл аралык кызматташтык башкармалыгы жөнүндө Жобо

1. I.          Жалпы жоболор

1. Эл аралык кызматташтык башкармалыгы (мындан ары – Башкармалык) – Юстиция министрлигинин тышкы саясий иш-милдетин жүргүзгөн, ошондой эле эки тараптуу жана көп тараптуу эл аралык келишимдеринин долбоорлорун даярдаган жана укуктук экспертизадан өткөргөн Кыргыз Республикасынын Юстиция министрлигинин (мындан ары – Юстиция министрлиги) борбордук аппаратынын түзүмдүк бөлүкчөсү болуп эсептелет.

2. Башкармалык өз ишинде Кыргыз Республикасынын Конституциясын, Кыргыз Республикасы катышуучусу болуп эсептелген, мыйзамда белгиленген тартипте күчүнө кирген эл аралык келишимдерди, Кыргыз Республикасынын башка ченемдик укуктук актыларын, Юстиция министрлигинин чечимдерин, ошондой эле ушул Жобону жетекчиликке алат.

3. Башкармалык өзүнүн иш аракеттин Башкармалыктын компетенциясына кирген маселелер боюнча Юстиция министрлигинин борбордук аппаратынын башка түзүмдүк бөлүкчөлөрү, ведомстволук жана аймактык бөлүнүштөрү жана мамлекеттик органдар менен тыгыз байланышта жүргүзөт.

4. Башкармалык өз ишин Юстиция министринин тейлеген орун басарынын жетекчилиги алдында жүргүзөт.

II. Башкармалыктын милдеттери жана функциялары

5. Башкармалыктын милдеттери болуп төмөнкүлөр саналат:

• тиешелүү тартипте укук маселелери боюнча эл аралык байланыштарды жүргүзүү, эки тараптуу жана көп тараптуу эл аралык келишимдердин долбоорлорун даярдоого катышуу;
• эл аралык келишимдердин долбоорлорун, аларды жактыруу жөнүндө жана эл аралык келишимдердин долбоорлору тууралуу Кыргыз Республикасынын Өкмөтүнүн, Кыргыз Республикасынын Президентинин буйруктарын экспертизадан өткөрүү;
• Юстиция министрлигинин компетенциясына кирген маселелер боюнча эл аралык кырдаалды жана тажрыйбаны комплекстүү изилдөөсүн жана талдоосун камсыз кылуу;
• Кыргыз Республикасынын тышкы саясат концепциясына ылайык Кыргыз Республикасынын укуктук маселеси боюнча тышкы саясий курсун ишке ашыруу;
• Юстиция министрлигинин аймактык жана ведомстволук бөлүнүштөрүнүн эл аралык ишин координациялоо;
• - ЕврАзЭс, КМШ, ШКУ, ЖККУ жана башка мамлекеттер аралык жана өкмөттөр аралык бирикмелер менен өз ара мамиле түзүү маселелери боюнча Юстиция министрлигинин ведомстволук жана аймактык бөлүнүштөрүнүн эл аралык ишин координациялоо;
• чет өлкөлөрдө Кыргыз Республикасынын жеке жана юридикалык жактарынын  укуктарын жана кызыкчылыктарын коргоо тармагында тиешелүү тартипте укуктук маселелер боюнча  көмөк көрсөтүү.

6. Башкармалык алдыга коюлган милдеттерге жетишүү үчүн төмөнкүдөй функцияларды аткарат:

• эл аралык келишимдердин долбоорлорун экспертизадан өткөрөт;
• эл аралык каржылык келишимдер боюнча юридикалык корутундуларды берет;
• Башкармалыктын компетенциясына кирген маселелер боюнча мамлекеттик программалардан жана долбоорлордон келип чыккан иш-чараларды уюштурат жана аткарат;
• Башкармалыктын компетенциясына кирген маселелер боюнча мамлекеттик органдардын жана жергиликтүү өз алдынча башкаруу органдарынын, юридикалык жактардын жана жеке адамдардын каттарына жана суроо-талаптарына жооп берет;
•  Башкармалыктын компетенциясына кирген маселелер боюнча, ошондой эле Кыргыз Республикасынын аймагынан сырткары өкмөттөр аралык комиссиялардын ишине катышат;
• Юстиция министрлигинин жетекчилигинин эл аралык иш сапарларын уюштурат жана өткөрөт;
• чет өлкөлүк делегациялардын Юстиция министрлигине келишине, кетишине, кыска мөөнөттөгү сапарларына байланышкан  протоколдук иш-чараларды уюштурат жана өткөрөт;
• өзүнүн компетенциясынын чегинде Юстиция министрлигинин линиясы боюнча эл аралык сүйлөшүүлөрдү жүргүзүүгө жана келишимдерге кол коюуга  катышат жана тиешелүү сунуштарды киргизет;
• Юстиция министрлигинин ведомстволук жана аймактык бөлүнүштөрүнүн чет мамлекеттер жана эл аралык уюмдар менен мамиле түзүүдөгү укуктук маселелер боюнча эл аралык иши жөнүндө маалымат сурап алат;
• Башкармалыктын компетенциясына кирген маселелер боюнча семинарларга жана тегерек столдорго катышат жана уюштурат;
• квалификацияны жогорулатуу менен байланышкан иш-чараларга, тажрыйба алмашууларга катышат.

III. Башкармалыктын укуктары

7. Башкармалык өзүнө жүктөлгөн функцияларды аткаруу үчүн төмөнкүлөргө укуктуу:

• мамлекеттик органдардан, жергиликтүү өз алдынча башкаруу органдардан, илимий ишканалардан жана окуу жайлардан, коомдук жана эл аралык уюмдардан, Юстиция министрлигинин борбордук аппаратынын түзүмдүк бөлүкчөлөрүнөн, ведомстволук жана аймактык бөлүнүштөрүнөн Башкармалыкка жүктөлгөн функцияларды аткаруу үчүн зарыл материалдарды жана маалыматтарды сурап алууга жана алууга;
• мыйзамдарда белгиленген тартипте эл аралык, донордук жана коомдук уюмдардын каржы каражаттарын  Юстиция министрлигинин кызматкерлерин окутуу үчүн тартууга;
• Кыргыз Республикасынын мыйзамдарына ылайык башка ыйгарым укуктарга.

IV. Башкармалыктын түзүмү жана штаты

8. Башкармалыктын түзүмү жана штаттык саны Юстиция министрлигинин буйругу менен бекитилет.

V. Башкармалыктын кызматкерлери

9. Башкармалыктын кызматкерлери болуп жогорку юридикалык билимдүү, Кыргыз Республикасынын мамлекеттик кызмат жөнүндө мыйзамы менен белгиленген тартипте кызматка дайындалган жана кызматтан бошотулган, өзүнүн функцияларын ушул Жобого жана Башкармалыктын кызматкерлеринин бекитилген кызматтык нускамаларына ылайык жүзөгө ашырган мамлекеттик кызматчылар эсептелинет.

10. Башка мамлекеттик органдар жана жергиликтүү өз алдынча башкаруу органдар, юридикалык жана жеке жактар менен өз ара мамиле түзүүдө Башкармалыктын кызматкерлери Юстиция министрлигинин өкүлдөрү болушат.

11.Кызматкерлер Кыргыз Республикасынын мыйзамдарына ылайык, кызматтык нускамада жана Кыргыз Республикасынын ченемдик укуктук актыларында каралган ага жүктөлгөн кызматтык милдеттерди аткарбоо же анын күнөөсү боюнча туура эмес аткаруу үчүн тартиптик жоопкерчилигин тартат.

VI. Башкармалыктын жетекчилиги

12. Башкармалыкты начальник жетектейт.

13. Начальник Башкармалыктын ишине жетекчилик кылат жана анын атынан Юстиция министрлигинин жетекчилиги, башка мамлекеттик органдар, юридикалык жана жеке адамдар алдында чыгат.

14. Башкармалыктын начальниги Башкармалыкка жүктөлгөн милдеттердин жана иштердин аткарылышы, эмгек жана аткаруучулук тартибинин абалы, ошондой эле гендердик тең салмактуулукту эске албастан Башкармалыктын кызматкерлеринин ортосундагы милдеттердин бөлүштүрүлүшү үчүн жеке жоопкерчилик тартат.

15. Башкармалыктын начальниги жок болгон учурда, анын милдетин убактылуу Башкармалыктын башкы адиси аткарат.