24 Тогуздун айы, 2017
Кыр Рус Eng
little middle big
fbgpgp rss
mobile logo
Юстиция министрлиги
Кыргыз Республикасынын
search
Урматтуу коноктор жана достор! Кыргыз Республикасынын Юстиция министрлигинин расмий сайтына кош келиңиздер!

Урматтоо менен, Кыргыз Республикасынын Юстиция министри Уран Ахметов

Электрондук кабылдама

+996 (312) 65-18-05

Бишкек ш., Жаш Гвардия көч., 32

ep@minjust.gov.kg

Дб-Иш, 09:00-18:00


Ишеним телефону:

+996 (312) 65-10-10

СУРОО БЕРҮҮ

Каржы-чарба бѳлүмү


2016-жылдын «___»_________№ ____

Кыргыз Республикасынын

Юстиция министрлигинин

буйругуна 9-тиркеме

 

 

Каржы-чарба бөлүмү жөнүндө Жобо

 

  1. I.                   Жалпы жоболор

 

1. Каржы-чарба бөлүмү (мындан ары – Бөлүм) бухгалтердик эсепти жана каржылык отчеттуулуктун бирдиктүү тутумун жүргүзүү боюнча ишти, ошондой эле чарбачылык иш аракетти координациялаган жана жетектеген Кыргыз Республикасынын Юстиция министрлигинин (мындан ары – Юстиция министрлиги) борбордук аппаратынын түзүмдүк бөлүкчөсү болуп эсептелет.

2. Бөлүм өз ишинде Кыргыз Республикасынын Конституциясын, Кыргыз Республикасы катышуучусу болуп эсептелген, мыйзамда белгиленген тартипте күчүнө кирген эл аралык келишимдерди, Кыргыз Республикаснын башка ченемдик укуктук актыларын, Юстиция министрлигинин чечимдерин, ошондой эле ушул Жобону жетекчиликке алат.

3. Бөлүм өз ишин Бөлүмдүн компетенциясына кирген маселелер боюнча Юстиция министрлигинин борбордук аппаратынын башка түзүмдүк бөлүкчөлөрү, ведомстволук жана аймактык бөлүнүштөрү жана мамлекеттик органдар менен тыгыз байланышта жүргүзөт.

4. Бөлүм өз ишин Юстиция министрлигинин статс-катчысынын жетекчилигинде жүргүзөт.

II. Бөлүмдүн милдеттери жана функциялары

 

5. Бөлүмдүн милдеттери болуп төмөнкүлөр эсептелет:

  • Юстиция министрлигинин борбордук аппараты боюнча жана Юстиция министрлигинин ведомстволук жана аймактык бөлүнүштөрү үчүн бюджеттин долбоорун түзүү;
  • Юстиция министрлиги үчүн жалпы чыгымдардын жана административдик квалификацияга ылайык  ведомстволук жана аймактык бөлүнүштөр боюнча чыгымдардын  сметасын түзүү;
  • Юстиция министрлигинин борбордук аппаратынын, ведомстволук жана аймактык бөлүнүштөрүнүн штаттык тизимдерин түзүү;
  • Юстиция министрлигинин борбордук аппаратынын түзүмдүк бөлүкчөлөрүнүн, аймактык жана ведомстволук бөлүнүштөрүнүн бухгалтердик эсепти, отчеттуулукту уюштуруу жана чыгымдардын сметасынын аткарылышын жана туура коюлушун контролдоо;
  • мамлекеттик каражаттардын туура чыгымдалышын контролдук кылуу;
  • белгиленген тартипте бухгалтердик отчетторду жана баланстарды түзүү жана тиешелүү органдарга берүү;
  • баштапкы документтерди андан ары жөнөкөйлөштүрүү жана кыскартуу, эсеп жүргүзүүнүн формаларын жана ыкмаларын компьютерлештирүү боюнча иш-чараларды өткөрүү.
  • Юстиция министрлигинин муктаждыгы үчүн товарларды сатып алуу, ишти аткарууда жана кызмат көрсөтүүлөрдө бюджеттик каражаттарды эффективдүү жана сарамжалдуу колдонуу;
  • Юстиция министрлигинин материалдык-техникалык жактан камсыздоо, куруу жана анын имаратын оңдоо боюнча ишти уюштуруу.

6. Бөлүм алдыга коюлган милдеттерге жетишүү үчүн төмөнкүдөй функцияларды аткарат:

  • Юстиция министрлигинин борбордук аппаратынын түзүмдүк бөлүкчөлөрүндө, аймактык жана ведомстволук бөлүнүштөрүндө каржы отчеттуулугунун жана бухгалтердик эсептин бирдиктүү тутумунун иштешин уюштуруу жана камсыз кылуу;
  • каржы жана бухгалтердик документтердин  аткаруучуларга оперативдүү берилишин камсыз кылуу;
  • документтерди кабыл алуу, эсебин алуу  жана сактоо жана архивге мамлекеттик сактоого өткөрүп берүү;
  • каржы жана бухгалтердик отчет түзүү маселелери боюнча Юстиция министрлигинин аймактык жана ведомстволук бөлүнүштөрүнө практикалык жана методикалык жардам көрсөтүү;
  • Юстиция министрлигинин борбордук аппаратынын түзүмдүк бөлүкчөлөрүн, аймактык жана ведомстволук бөлүнүштөрүн бланк продукциясы жана так отчеттуулук бланктары менен камсыз кылуу;
  • каржы жаатындагы ченемдик укуктук актыларга өзгөртүүлөрдү жана толуктоолорду киргизүү боюнча сунуштарды даярдоо;
  • Финансы министрлигинин бөлүмдөрү менен өз ара иштешүү, бөлүмдүн ыйгарым укуктарына кирген маселелер боюнча буйруктардын долбоорлорун даярдоо;
  • Юстиция министрлигин кыймылдуу жана кыймылсыз мүлктөрүнүнүн, алардын мындан ары иштөө максаттуулугун жана бекемдүүлүгүн аныктоо менен иш жүзүндөгү абалын талдоо;
  • каржы, энергетика, мамлекеттик мүлк чөйрөлөрүндөгү ыйгарым укуктуу мамлекеттик органдары менен мамлекеттик сатып алууларга, күзгү-кышкы мезгилге даярдык көрүүгө, кыймылдуу жана кыймылсыз мүлктү ижарага алууга, сатып өткөрүүгө тиешелүү маселелер боюнча иш алып баруу;
  • кыймылдуу жана кыймылсыз мүлктөрдү алуу, сатуу, ижарага берүү, куруу жана имараттарды жана курулмаларды оңдоо маселелери боюнча документацияларды даярдоо;
  • куруу-оңдоо ишине жана алар бүткөндөн кийин эксплутацияга кабыл алууга күндөлүк техникалык көзөмөл жүргүзүү менен  имараттарды жана курулмаларды оңдоону уюштуруу.

 

III. Бөлүмдүн укуктары

 

7. Бөлүм өзүнө жүктөлгөн милдеттерди аткаруу үчүн төмөнкүлөргө укуктуу:

  • Юстиция министрлигинин аймактык жана ведомстволук бөлүнүштөрүндө каржы тартибинин белгиленген тартибин жана бухгалтердик эсептин жүргүзүлүшүн текшерүүнү уюштурууга;
  • мамлекеттик органдардан жана жергиликтүү өз алдынча башкаруу органдарынан, илимий мекемелерден жана окуу жайынан, коомдук жана эл аралык уюмдардан, ошондой эле Юстиция министрлигинин ведомстволук жана аймактык бөлүнүштөрүнөн Бөлүмгө жүктөлгөн функцияларды аткаруу үчүн зарыл маалыматты, документтерди жана материалдарды сурап алууга жана алууга;
  • Кыргыз Республикасынын мыйзамдарына ылайык башка ыйгарым укукту жүргүзүүгө.

 

IV. Бөлүмдүн түзүмү жана штаты

 

8. Бөлүмдүн түзүмү жана штаттык саны Юстиция министрлигинин буйругу менен бекитилет.

V. Бөлүмдүн кызматкерлери

 

9. Бөлүмдүн кызматкерлери болуп жогорку экономикалык билимдүү, Кыргыз Республикасынын мамлекеттик кызмат жөнүндө мыйзамы менен белгиленген тартипте кызматка дайындалган жана кызматтан бошотулган, өзүнүн функцияларын ушул Жобого жана Бөлүмдүн кызматкерлеринин бекитилген кызматтык нускамаларына ылайык жүзөгө ашырган мамлекеттик кызматчылар эсептелинет.

10. Башка мамлекеттик органдар жана жергиликтүү өз алдынча башкаруу органдары, юридикалык жана жеке адамдар менен өз ара мамиле түзүүдө Бөлүмдүн кызматкерлери Юстиция министрлигинин өкүлдөрү болушат.

11. Кызматкерлер Кыргыз Республикасынын мыйзамдарына ылайык, кызматтык нускамада жана Кыргыз Республикасынын ченемдик укуктук актыларында каралган ага жүктөлгөн кызматтык милдеттерди аткарбоо же анын күнөөсү боюнча туура эмес аткаруу үчүн тартиптик жоопкерчилигин тартат.

 

VI. Бөлүмдүн жетекчилиги

 

12. Бөлүмдү башчысы жетектейт.

13. Бөлүм башчы ишине жетекчилик кылат жана анын атынан Юстиция министрлигинин жетекчилиги, башка мамлекеттик органдар, юридикалык жактар жана жеке адамдар алдында чыгат.

14. Бөлүм башчысы жүктөлгөн милдеттердин жана иштердин аткарылышы, эмгек жана аткаруучулук тартибинин абалы, ошондой эле гендердик тең салмактуулукту эске албастан Бөлүмдүн кызматкерлеринин ортосундагы милдеттердин бөлүштүрүлүшү үчүн жеке жоопкерчилик тартат.

15. Бөлүм башчысы жок болгон учурда, анын милдетин убактылуу Бөлүмдүн башкы адиси аткарат.

 

Только зарегистрированные пользователи могут оставлять комментарии

Бул категорияда эч кандай материалдар...

ЧУА маалыматтар базасы

Кененирээк

Юридикалык кызматтарды ташып жеткирүүчүлөрдүн картасы

Кененирээк

Юридикалык жактардын маалыматтар базасы

Кененирээк

Юридикалык жактарды каттоо

Кененирээк

Апостилдештирүү

Кененирээк

Нотариат жана адвокатура

Кененирээк

09879dde8e7ee19948cdf3712dc816b420170731110412.gif1a006d90a40d69b9a15aeadf2ed1250720170913044422.gif

Жылнаама

ПнВтСрЧтПтСбВс

Жаңылыктар -

Анонстор -

Сурамжылоо

Жеке жана мамлекеттик нотариустар тарабынан аткарылып жаткан кайсы нотариалдык иш-аракеттер Сизде кѳбүрѳѳк кызыгууну жаратат?


Система Orphus

Сайттын эски версиясы