Юстиция министрлиги «Кыргызстан социал-демократиялык партиясы» саясий партиясынын жетекчисинин алмашышы боюнча төмөнкүлөрдү билдирет:

КРнын Юстиция министрлигинин дарегине «Кыргызстан Социал-демократиялык партиясы» саясий партиясын кайра каттоо боюнча документтер келип түшкөн эмес. Бирок, 2019-жылдын 5-апрелинде "Юридикалык жактарды, филиалдарды (өкүлчүлүктөрдү) мамлекеттик каттоо жөнүндө" КРнын Мыйзамынын 18-беренесинин талаптарынын алкагында Юстиция министрлигинин дарегине С.Абдрахмановдун колу менен «Кыргызстан социал-демократиялык партиясы» саясий партиясынын жетекчисин, саясий кеӊештин курамын жана саясий партиянын жайгашкан жерин алмаштыруу жөнүндө кабардама келип түшкөн. Бул кабардамага аталган партиянын 2019-жылдын 3-апрелинде өткөн 18-съездинин протоколунун көчүрмөсү жана жаӊы жетекчинин (С.Абдрахмановдун) паспортунун көчүрмөсү тиркелген.

Аталган мыйзамдын 18-беренесине ылайык юридикалык жак мамлекеттик реестрде камтылган маалыматтарга өзгөртүүлөр жана толуктоолор тууралуу чечим кабыл алынган учурдан тартып 30 календардык күндүн ичинде каттоочу органга маалымдоого милдеттүү, анын ичинде төмөнкү маалыматтар өзгөргөн учурда:

- жетектөөчү органынын курамы, жетекчиси;

- жайгашкан жери (юридикалык дареги).

Бул учурда, каттоочу органга жаӊы жетекчини тандоо жана жайгашкан жерин өзгөртүү жөнүндө чечимди, ошондой эле паспорттун же инсандыгын күбөлөндүргөн башка документтин көчүрмөсүн тиркөө менен, юридикалык жактын жетекчисинин колу менен кабардама берилет. Башкача айтканда, юридикалык жактын жетекчисин алмаштыруу жөнүндө юстиция министрлигине жиберилген кабардама юридикалык жактын милдети болуп саналат, ал эми Юстиция министрлиги үчүн аталган билдирүү кабарландыруу мүнөзүндө болот.

Кабарландыруу мүнөзү документтерде көрсөтүлгөн маалыматтардын тууралыгы жана аныктыгы үчүн юридикалык жоопкерчиликти арыз ээси болушун талап кылат.

Мындай учурларда каттоочу орган кабардаманы алып, 7 жумушчу күндүн ичинде мамлекеттик реестрге тиешелүү маалыматтарды киргизет жана бул жөнүндө тиешелүү мамлекеттик органдарга кабарлайт, андыктан, бул иш-аракеттер Юстиция министрлиги тарабынан мыйзамда белгиленген тартипте жасалган.

Маалымат иретинде: «Юридикалык жактарды, филиалдарды (өкүлчүлүктөрдү) мамлекеттик каттоо жөнүндө» КРнын Мыйзамы боюнча партияны мамлекеттик кайра каттоо жана маалыматтары өзгөргөндүгү боюнча кабардаманы кароо жол-жоболору олуттуу түрдɵ айырмаланат (айырмасы тɵмɵндɵ):

Жол-жобонун аталышы / айырмасы	Саясий партиянын маалыматтары өзгөргөндүгү боюнча кабардама	Саясий партияны кайра каттоо
Документтердин саны боюнча	- кабардама; - документтер, анын тапшыруу негиздерине жараша (мисалы, эгер жетекчи алмашса, жетекчи ɵзгɵргɵндүгү тууралуу чечимди камтыган съезддин протоколу); - жаӊы жетекчинин паспортунун кɵчүрмɵсү (Мыйзамдын 18-беренеси).	- каттоо арызы; - мамлекеттик реестрде жазылган маалыматтарга киргизилүүчү өзгөртүүлөр жана толуктоолор жөнүндө съездин протоколу; Съездин протоколуна съездин төрагасы менен катчысынын кол тамгалары коюлат жана партиянын мөөрү менен бекитилет. Мөөр жок болсо, көрсөтүлгөн адамдардын кол тамгалары нотариалдык түрдө күбөлөндүрүлөт; - мамлекеттик каттоо (кайра каттоо) жөнүндө күбөлүк; - партиянын мурдагы уставы; - жаңы редакциядагы же болбосо киргизилген өзгөртүүлөрү жана толуктоолору менен партиянын уставы эки нускада (Мыйзамдын12-беренеси).
Кароо жол-жобосу боюнча	Каттоочу орган кабардаманы алып, мамлекеттик реестрге тиешелүү маалыматтарды киргизет жана бул жөнүндө салык, статистика жана Социалдык фонд органдарына кабарлайт (Мыйзамдын 18-беренеси) Кабардаманы аткаруусуз кайтаруу каралган эмес.	Арызды кабыл алган учурдан тартып каттоочу орган белгиленген мөөнөттө төмөндөгүлөргө милдеттүү: - юридикалык жакты мамлекеттик кайра каттоо үчүн зарыл документтердин тизмегинин болушун, аларда камтылган маалыматтарда так эместиктер же дал келбестиктердин жоктугун текшерүүгө; - тапшырылган документтердин мазмунунун мыйзамдарга ылайык келишин текшерүүгө; - тиешелүү буйрук чыгарууга жана салык, статистика, Социалдык фонд органдарына маалымдоого, мамлекеттик кайра каттоо жөнүндө маалыматты мамлекеттик реестрге киргизүүгө; - мамлекеттик кайра каттоо жөнүндө күбөлүк берүүгө; - партиянын бир нуска уставын каттоочу органдын штампы менен берүүгө. (Мыйзамдын 12-беренеси). Кароонун жыйынтыгы боюнча, негиз бар болгон учурда, партияны кайра каттоодон баш тартуу боюнча буйрук чыгарылышы мүмкүн (Мыйзамдын 21-беренеси).
Кароо мɵɵнɵтү боюнча	7 жумушчу күндүн ичинде (Мыйзамдын 18-беренеси)	30 календардык күндүн ичинде(Мыйзамдын 8-беренеси)
Акысы боюнча	Акысыз	Тɵлɵм алынат (Мыйзамдын 9-беренеси)

‹						›
Пн	Вт	Ср	Чт	Пт	Сб	Вс

Кыргыз Республикасынын

Юстиция министрлиги

Кыргыз Республикасынын

Юстиция министрлиги

Электрондук кабылдама

Юстиция министрлиги «Кыргызстан социал-демократиялык партиясы» саясий партиясынын жетекчисинин алмашышы боюнча төмөнкүлөрдү билдирет:

Ченемдик укуктук актылардын маалымат базасы

Кыймылдуу мүлккө карата укук талабынын бирдиктүү мамлекеттик реестри

Юридикалык жактардын, филиалдардын (өкүлчүлүктөрдүн) жана ММК электрондук базасы

Юридикалык жактарды, филиалдарды (өкүлчүлүктөрдү) жана ММК каттоо

Апостилдештирүү

Нотариат жана адвокатура

Маалымат булактарына жазылып алуу

Акыркы кабар күнгө чейин бергиле

Кыргыз Республикасынын

Юстиция министрлиги