Кыргызстандын Юстиция министрлигинин өкулдөрү Азербайжандын кыймылдуу күрөөлүк камсыз кылуунун реестрин жүргүзүү чөйрөсүндөгү иш тажрыйбасы менен таанышты

Кыргызстандын делегациясы 2019-жылдын 14-октябрынан 19уна чейин Юстиция министринин орун басары Максатбек Есеналиевдин жетекчилигинде кыймылдуу күрөөлүк камсыз кылуунун реестрин жүргүзүү чөйрөсүндө тажрыйба алмашуу максатында Азербайжан Республикасына барып келишти.

Делегациянын курамына Кыргыз Республикасынын Өкмөтүнүн Аппаратынын, Кыргыз Республикасынын Юстиция министрлигинин жана «Кыргызстандын банктарынын союзу» юридикалык жактардын бирикмесинин өкүлдөрү кирген.

Сапардын алкагында делегация мүчөлөрү Азербайжан Республикасынын кыймылдуу мүлктү чектөөнү каттоо чөйрөсүндөгү мыйзамдар, ал чөйрөдөгү эл аралык жана жергиликтүү тажрыйба, ошондой эле кыймылдуу мүлктү чектөө реестринин иштөө технологиясыменен таанышышты.

Белгилеп кетсек, 2018-жылы Азербайжандын Финансылык рынокторду контролдоо боюнча Палатасы «Кыймылдуу мүлктү чектөөнүн мамлекеттик реестри» тутумун киргизген. Аталган тутум чакан жана орто бизнести өнүктүрүүгө, ошондой эле бизнестин финансылык ресурстарга жетүү мүмкүнчүлүктөрүн жеңилдетүүгө багытталган.

Бул реестр мамлекеттик каттоодон өтпөгөн кыймылдуу мүлккө карата чектөөлөрдүн базасын түзүүгө, бул маалыматка кредиттик уюмдардын эркин киришин камсыз кылууга, аны пайдалануу укуктарын чектөө менен күрөөлүк камсыз кылууну тандоо мүмкүнчүлүгүн кеңейтүүгө шарт түзөт.

Өз кезегинде Кыргыз Республикасынын Юстиция министрлигинин өкүлдөрү «Түндүк» электрондук ведомстволор аралык өз ара аракеттенүү системасы аркылуу башка мамлекеттик органдар менен маалымат алмашууга мүмкүнчүлүк берген «Кыймылдуу мүлккө талап укуктарынын бирдиктүү мамлекеттик реестри» Автоматташтырылган маалымат тутумунун иштеши менен тааныштырышты.

Сапардын алкагында тараптар өлкөлөрдүн ортосундагы кыймылдуу мүлктү чектөөнү каттоо чөйрөсүндөгү тажрыйба алмашуунун маанилүүлүгүн белгилеп, мындан ары кызматташууну өрчүтүүгө даяр экендиктерин билдиришти.

Бул иш-чара Дүйнөлүк банктын колдоосу менен “Финансы секторун өнүктүрүү” долбоорунун “Камсыздалган бүтүмдөрдү каттоо жана карыздардын түзүмүн өзгөртүү системаларын модернизациялоо” компонентинин алкагында, Кыргыз Республикасынын Президентинин «2019-жылды Региондорду өнүктүрүү жана өлкөнү санариптештирүү жылы деп жарыялоо жөнүндө» Жарлыгын жана «Санарип Кыргызстан 2019-2023» Санариптик трансформациянын концепциясын ишке ашыруу максатында уюштурулган.

Азыркы учурда аталган долбоордун алкагында Кыргыз Республикасында финансы секторунун туруктуулугун бекемдөө жана финансылык кызмат көрсөтүүлөргө жетүү мүмкүнчүлүктөрүн кеңейтүү иштери жүрүүдө. 2017-жылы Юстиция министрлиги тарабынан ишке киргизилген, Кыймылдуу мүлккө талап укуктарынын бирдиктүү мамлекеттик реестринин иштеши боюнча жумуштар аткарылууда.

‹						›
Пн	Вт	Ср	Чт	Пт	Сб	Вс

Кыргыз Республикасынын

Юстиция министрлиги

Кыргыз Республикасынын

Юстиция министрлиги

Электрондук кабылдама

Кыргызстандын Юстиция министрлигинин өкулдөрү Азербайжандын кыймылдуу күрөөлүк камсыз кылуунун реестрин жүргүзүү чөйрөсүндөгү иш тажрыйбасы менен таанышты

Ченемдик укуктук актылардын маалымат базасы

Кыймылдуу мүлккө карата укук талабынын бирдиктүү мамлекеттик реестри

Юридикалык жактардын, филиалдардын (өкүлчүлүктөрдүн) жана ММК электрондук базасы

Юридикалык жактарды, филиалдарды (өкүлчүлүктөрдү) жана ММК каттоо

Апостилдештирүү

Нотариат жана адвокатура

Маалымат булактарына жазылып алуу

Акыркы кабар күнгө чейин бергиле

Кыргыз Республикасынын

Юстиция министрлиги