Юстиция министрлиги коомдук талкулоого жарандык маселелерге тиешелуу ЧУАнын долбоорун чыгарды

Кыргыз Республикасынын Өкмөтүнө караштуу Мамлекеттик каттоо кызматы “2013-жылдын 10-августундагы № 174 “Кыргыз Республикасынын жарандыгынын маселелерин кароонун тартиби жөнүндө жобону жана Кыргыз Республикасынын Президентине караштуу Жарандык маселелери боюнча комиссия жөнүндө жобону бекитүү тууралуу” Кыргыз Республикасынын Президентинин Жарлыгына өзгөртүүлөрдү киргизүү жөнүндө” Кыргыз Республикасынын Президентинин Жарлыгынын долбоору иштелип чыкты.

Долбоор Кыргыз Республикасынын Өкмөтүнө караштуу Мамлекеттик каттоо кызматы (мындан ары - МКК) тарабынан иштелип чыккан автоматташтырылган маалымат тутумун киргизүү жолу менен Кыргыз Республикасынын жарандыгына кабыл алуу жана Кыргыз Республикасынын жарандыгынан чыгуу жөнүндө арыздарды кароодо мамлекеттик органдардын ишин оптималдаштыруу максатында иштелип чыккан. Азыркы мезгилде МКК автоматташтырылган маалыматтык тутумдарды ийгиликтүү ишке киргизди, анын жардамы менен Кыргыз Республикасынын жаранынын паспорту, документтерди алуу, жарандардын жашаган жеринде каттоо, жарандык абалдын актыларын каттоо, чет өлкөлүк жарандарды жана жарандыгы жок адамдарды каттоо жүзөгө ашырылат.

Долбоор менен жарандыкка кабыл алуу жана жарандыгынан чыгуу жөнүндө арыз ыйгарым укуктуу мамлекеттик органдардын кызматкерлери тарабынан электрондук кол тамгасы колдонулуп, МКК автоматташтырылган маалымат тутуму аркылуу жүргүзүлөт деп белгилөө сунушталат. Алсак, Кыргыз Республикасынын жарандыгын кабыл алуу жана андан чыгуу маселелерин координациялоодо Кыргыз Республикасынын дипломатиялык өкүлчүлүктөрү же консулдук мекемелери, Кыргыз Республикасынын Улуттук коопсуздук мамлекеттик комитети жана МКК ортосунда электрондук документ жүргүзүүнү орнотууну, ошондой эле андан ары жарандык маселелери боюнча комиссияга кайрылууну белгилөө сунушталат.

Ошондой эле, жарандыкка арыз берүү же Кыргыз Республикасынын жарандыгынан чыгуу үчүн жеке идентификациялык номери милдеттүү шарт болуп саналат. Ушул ченем берилген жеке идентификациялык номери боюнча адамды аныктоо максатында киргизилген.

Долбоор менен чет өлкөлүк жарандарга жана жарандыгы жок адамдарга жарандыкты алууга кайрылганда, ошондой эле «Кыргызтест» мамлекеттик мекемеси тарабынан тестирлөөнүн натыйжасында берилген Кыргыз Республикасынын мамлекеттик же расмий тилин билгендигин тастыктаган документтер сунушталат.

Долбоор Кыргыз Республикасынын Өкмөтүнө караштуу Мамлекеттик каттоо кызматында иштеп жаткан автоматташтырылган маалымат тутумуна байланыштуу чет өлкөлүк жарандарга жана жарандыгы жок адамдарга жашаган жеринен маалым кат берүүнү жокко чыгарат.

Долбоор менен сиз https://www.gov.kg/ru/npa/s/2375 шилтемеси аркылуу таанышсаңыз болот.