Кыргыз Республикасынын Юстиция министринин милдетин аткаруучу Марат Джаманкулов кеңейтилген кеңешме өткөрдү

2021-жылдын 2-февралында КР Юстиция министринин милдетин аткаруучу Марат Джаманкулов Юстиция министрлигинин борбордук аппаратынын кызматкерлери менен кеңейтилген кеңешме өткөрдү, анын жүрүшүндө ал жетектеп турган учурдагы акыркы эки жылда министрликтин ишинин жыйынтыктарына токтолду.

I. Санариптештирүү тармагында

- Юридикалык жактарды электрондук каттоо;

- юридикалык жактардын, филиалдардын (өкүлчүлүктөрдүн) электрондук маалыматтардын базасы;

- “Кыймылдуу мүлккө талап укуктарынын бирдиктүү мамлекеттик реестри» автоматташтырылган маалыматтык системасы” модернизацияланган;

- “Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталы” (koomtalkuu.gov.kg);

- “Электрондук нотариат”;

- "Пробация" автоматташтырылган маалыматтык системасынынпилоттук-күжүрмөн режимде “Пробациянын кардарларын каттоо” жана “Сотко чейинки пробация” модулдары;

- “КРнын Укуктук маалыматтардын борборлоштурулган банкы” киргизилген.

Белгилей кетсек, Укуктук маалыматтардын борборлоштурулган банкынын колдонуучуларынын саны жылдан жылга туруктуу өскөнү байкалууда, ошого байланыштуу мамлекеттик органдардын сайттарына киргендердин саны боюнча Юстиция министрлигинин расмий сайты алдыда турат.

Көрсөтүлгөн маалыматтык системалардын үзгүлтүксүз иштөөсү үчүн сервердик жай салынып, дизелдик генератор сатып алынган.

II. Соттук-укуктук реформа тармагында:

2019 жылдын 1-сентябрдан баштап Юстиция министрлигине караштуу пробация департаменти иштейт, Пробация департаментинин түзүмү 178 бирдик штат менен бекитилген, бирок жыл сайын 2023-жылга чейин 300 бирдикке чейин көбөйүшү күтүлөт.

Материалдык-техникалык камсыздоо алкагында Пробация департаментинин борбордук аппаратынын административдик мекемеси 2020-жылдын биринчи жарым жылдыгында реконструкцияланып бүтүп, толук иш алып баруу үчүн керектүү эмерек жана жабдыктар менен камсыздалган.

Эл аралык донорлордун Кыргыз Республикасындагы БУУӨП жана БУУнун БКБнын Программалык кеңсесинин колдоосу менен сегиз райондук пробация органдарында кеңсе жабдуулары жана эмеректери менен 6 022,2 мин сомго оңдоп-түзөө иштери жүргүзүлдү.

Акысыз консультациялык-укуктук жардам көрсөтүү боюнча:

Жалпысынан, республика боюнча аймактык юстиция башкармалыктарынын алдында калкка акысыз консультация берүү жана юридикалык жардам көрсөтүү боюнча 30 Борбор иштейт.

2020-жылдын башынан 11000 ашык адамга квалификациялуу юридикалык жардам көрсөтүлгөн.

2020-жылдын МКЮЖ системасында квалификациялуу юридикалык жардам көрсөтүү үчүн юристтердин мамлекеттик реестрине 385 адвокат киргизилген.

Өкмөттүн чечими менен адвокат көрсөткөн квалификациялуу юридикалык жардамга акы төлөө тарифи 1,5 -2 эсеге көбөйтүлдү.

2020-жылы МКЮЖ боюнча БКга квалификациялуу юридикалык жардам көрсөткөндүгү үчүн адвокаттарга 47 млн.331 миң 9 сом төлөп берилген. Белгилей кетчү нерсе, үзгүлтүксүз юридикалык жардам көрсөтүү боюнча бюджет 2 млн.сомго көбөйтүлгөн.

Мамлекеттик кызмат көрсөтүүлөрдүн сапатын жакшыртуу боюнча:

Кыргыз Республикасынын Өкмөтүнүн буйругу менен Юстиция министрлигине 10,0 млн.сом Юстиция үйлөрүн үчүн алты имарат курууга бөлүнгөн. Курулуш жумуштары башталды:

Жалал-Абад облусу – Таш-Көмүр шаары;

Жалал-Абад облусу – Ала-Бука айылы;

Ош облусу – Кара-Суу шаары;

Талас облусу – Покровка айылы (Манас району);

Ысык-Көл облусу – Кызыл-Суу айылы (Жети-Өгүз району);

Нарын облусу – Чаек айылы (Жумгал району).

III. Стратегиялык пландаштыруу тармагында

Жакынкы 10 жылга Кыргыз Республикасынын Юстиция министрлигин өнүктүрүүнүн артыкчылыктуу багыттарын аныктоо максатында министрлик тарабынан 2020-2030-жылдарга Кыргыз Республикасынын юстиция органдарын өнүктүрүү Программасынын долбоору иштелип чыккан.

Кыргыз Республикасынын юстиция органдарын 2020-2030-жылдарга өнүктүрүү Программасы министрликтин ишин системалуу жана план ченемдүү өркүндөтүү максатында даярдалган жана

- Кыргыз Республикасынын Өкмөтүнө караштуу Мамлекеттик соттук-эксперттик кызматын;

- Мамлекеттик каттоо кызматын;

- сот аткаруучуларын;

- Кыргызпатентти Юстиция министрлигинин карамагына өткөрүп берүү каралган.

Мындан тышкары, мамлекеттин укуктук саясатын куруунун, укуктук системаны өнүктүрүүнүн негизги багыттарын аныктаган жана стратегиялык документтерди иштеп чыгуунун артыкчылыктуу негизи болгон 2021-2025-жылдарга Кыргыз Республикасынын Укуктук саясатынын Концепциясынын долбоору иштелип чыккан.

Концепцияда каралган чараларды ишке ашыруу Кыргыз Республикасында демократиялык, светтик, социалдык, укуктук мамлекетти курууга өбөлгө туүзөт.

IV. Эл аралык уюмдар менен кызматташуу тармагында

Министрликтин ишинин ар кандай тармактарын өнүктүрүү (мамлекеттик кызмат көрсөтүүлөрдү, пробация иштерин ж.б. санариптештирүү) үчүн Европа реконструкциялоо жана өнүктүрүү банкы (ЕРӨБ), Бүткүл дүйнөлүк банк, USAID, ЕС,БУУ БКБ, БУУӨПсыяктуу эл аралык уюмдар менен кызматташуу алкагында 1,5 млн. АКШ доллары тартылган.

Кыргыз Республикасынын Өкмөтүнүн буйругу менен Кыргыз Республикасы менен Европа Бирлигинин ортосундагы “Бардыгы үчүн акыйкаттык: Кыргыз Республикасынын юстиция секторунда адамга багытталган реформаны ишке ашыруу (JUST4ALL)” долбоору боюнча Финансылык макулдашуу жактырылган. Келишимге ылайык, Европа Бирлиги 12 миллион 690 миң евро бөлүшү керек.

Юстиция министрлиги менен БУУнун Өнүктүрүү программасынын ортосундагы “Кыргыз Республикасында укуктук мүмкүнчүлүктөрдү кеңейтүү үчүн сот адилеттигине туруктуу жетүү мүмкүнчүлүгү” Стандарттык макулдашуусунун алкагында 2 автобус сатылып алынган, алар аркылуу “Тилектештик автобусу”акциясы өткөрүлгөн, анын жыйынтыктары боюнча Ош жана Чүй облустарынын 1915 жараны акысыз укуктук жардам алышкан.

I. Кызматкерлер үчүн шарттарды түзүү

Кызматкерлер үчүн жагымдуу шарттарды түзүү максатында Юстиция министрлигинин ведомстволук бөлүнүштөрүнүн жана аймактык бөлүнүштөрүнүн, мамлекеттик нотариалдык конторалардын кызматтык бөлмөлөрүн оңдоо иштери жүргүзүлдү.

- ведомстволук нотариалдык архив түзүлгөн, имарат анын аныкталган дарек боюнча: Бишкек шаары, ул. Ч. Айтматов, 1.

Ошондой эле жаңы Конституциянын долбоорун иштеп чыгуу мезгилинде Юстиция министрлиги Конституциялык кеңешменин катчылыгы катары болду.

Марат Джаманкулов жогоруда аталган жетишкендиктер юстиция органдарынын алдына коюлган милдеттерди ишке ашыруу боюнча министрликтин кызматкерлеринин биргелешкен ишинин жыйынтыгы экендигин белгилеп, бардык кесиптештерине жана өнөктөштөрүнө жемиштүү иш үчүн ыраазычылыгын билдирди.

Ошону менен бирге ак ниеттүү жана үзүрлүү эмгеги, юстиция органдарын өнүктүрүүгө көмөк көрсөткөндүгү, иште жогорку көрсөткүчтөргө жетишкендиги үчүн илимий чөйрөдөн, юристтерден жана судьялардан өзгөчөлөнгөн кызматкерлерди ведомстволук сыйлыктар менен сыйлады.

Жыйынтыгында Марат Джаманкулов бардык катышуучуларга чың ден соолук, ийгиликтерди жана бакубат турмуш каалады.

Мөөрү