Кыргыз Республикасынын Юстиция министрлиги, иш-аракеттердин кайталанышына жол бербөө максатында, финансы-кредит мекемелерине насыялар боюнча бүтүмдѳрдү тариздѳѳ маселелери боюнча нотариалдык кеңселерге баруудан карманууну сунуштайт

Күрөө келишимин күбөлөндүрүү нотариалдык иш-аракеттердин тизмесинде ал мамлекеттик нотариус тарабынан гана жүзөгө ашырылат деп каралган эмес,. Башкача айтканда, жарандар жана юридикалык жактар күрөө келишимин жеке нотариус менен күбөлөндүрүүгө укуктуу.

Мындан тышкары, түзүлгөн күрөө келишиминин алкагында күрөөгө коюлган мүлккө мамлекеттик нотариус тарабынан тыюу салуусу милдеттүү эмес, ал өз ыктыяры менен гана жүзөгө ашырылат.

Башкача айтканда, күрөө келишими түзүлгөн учурдан тартып, ушул мүлктү ээликтен ажыратуу үчүн оорчулук (камакка алуу) келип чыгат. Демек, транспорт каражаттарын жана кыймылсыз мүлктү каттоо органдары күрөө берүүчүнүн талабы боюнча каржы-кредит мекемелери тарабынан берилген күрөө келишимдеринин негизинде өз компетенциясынын чегинде тыюу салуулары мүмкүн.

Ошол эле учурда, жарандарга жана юридикалык жактарга нотариалдык кызмат көрсөтүүлөрдүн жеткиликтүүлүгүн камсыз кылуу үчүн, ошондой эле мамлекеттик нотариалдык кеңселердин жумушун жеңилдетүү максатында, Юстиция министрлигинин сунушу боюнча айрым жеке нотариустар макул болуп, насыя бүтүмдѳрүн каттоодо нотариалдык иш-аракеттер үчүн акыны төмөндөтүштү. Мисалы, буга чейин насыя алууда жеке нотариустар күрѳѳ келишимин 3000 ден 4000 сомго чейин күбѳлѳндүрүп келишсе, азыр бүтүмдөрдүн татаалдыгына жараша, бардык кошумча бүтүмдөр менен мамлекеттик жыйымдардын наркын кошкондо 1000 ден 2000 сомго чейин баасы төмөндөдү (нотариустардын тизмеги тиркелет).

Кызмат кѳрсѳтүүнүн баасын жана жеке нотариуска кайрыла турган убакытты шилтеме аркылуу текшере аласыз: http://minjust.gov.kg/ky/content/1546 .

Кѳрсѳтүлгѳн тизме жеке нотариустардын ѳз каалоосуна жараша жаңыланып турат. Банктар жана башка финансы-кредит мекемелер жана жарандар чоң кезектерди күтпөстөн, жеке нотариустардан тез жана ыңгайлуу кызматтарды ала алышат.

Эскерте кетсек, Бишкек жана Ош шаарларынын, Ош облусунун Кара-Суу, Ноокат жана Өзгѳн райондорундагы мамлекеттик нотариустары алты күндүк иш графигине ѳтүшкѳн. Эми жарандар жана юридикалык жактар ишемби күндѳрү да саат 15:00гѳ чейин нотариалдык кызматтарды алуу үчүн жогоруда белгиленген шаарлардын жана райондордун нотариалдык кеңселерине кайрыла алышат.

‹						›
Пн	Вт	Ср	Чт	Пт	Сб	Вс

Кыргыз Республикасынын

Юстиция министрлиги

Кыргыз Республикасынын

Юстиция министрлиги

Электрондук кабылдама

Ченемдик укуктук актылардын маалымат базасы

Кыймылдуу мүлккө карата укук талабынын бирдиктүү мамлекеттик реестри

Юридикалык жактардын, филиалдардын (өкүлчүлүктөрдүн) жана ММК электрондук базасы

Юридикалык жактарды, филиалдарды (өкүлчүлүктөрдү) жана ММК каттоо

Апостилдештирүү

Нотариат жана адвокатура

Маалымат булактарына жазылып алуу

Акыркы кабар күнгө чейин бергиле

Кыргыз Республикасынын

Юстиция министрлиги