Адвокаттар билимдерин жогорулатууда

2011-жылдын 4 жана 5- октябрында «Парк-отель» конференц-залында Кыргыз Республикасынын Юстиция министрлиги адвокаттар үчүн окутуу тренингин жүргүздү.

Тренингде «Мамлекет кепилдеген юридикалык жардам жөнүндө» Кыргыз Республикасынын Мыйзамынын тергөөчүлөрдүн, соттордун, адвокаттардын жана координаторлордун өз ара байланышын камсыз кылуучу жоболорун жүзөгө ашыруу механизмдери талкууланды.  Ошондой эле, аталган жардамды көрсөтүү жана адвокаттардын эмгек акысын төлөп берүүнүн тартиби тууралуу маселелер баюнча кызуу дискуссия болду. Мамлекет кепилдеген юридикалык жардам берүү маселеси боюнча доклады менен Адам укуктары жана адвокатура боюнча башкармалыгынын башчысы - М.Сейдалиева, аталган башкармалыктын башкы адиси - Н.Ибраимов, Кыргыз Республикасынын Президентине караштуу Мамлекет кепилдеген юридикалык жардам боюнча улуттук кеңештин мүчөсү - М.Бахаутдинов жана «Юридикалык жардам» Коомдук фондунун Аткаруучу директору Г.Додобаева чыгып сүйлөштү. Талкуулоо учурунда тренингдин катышуучулары тарабынан мамлекет кепилдеген юридикалык жардам тутумун өркүндөтүүгө байланыштуу сунуштар түштү. Белгилеп кетсек, буга чейин жогоруда көрсөтүлгөн фонддун каржылоосунда Кыргыз Республикасынын Юстиция министрлиги тарабынан республиканын түштүк жана түндүк аймактарынын укук коргоо жана сот органдарынын өкүлдөрүнүн катышуусунда төрт окутуу тренингдери өткөрүлгөн. Эскерте кетсек, 2009-жылы «Мамлекет кепилдеген юридикалык жардам жөнүндө» Кыргыз Республикасынын Мыйзамы кабыл алынып, 2011-жылдын 1-январынан баштап күчүнө кирген. «Мамлекет кепилдеген юридикалык жардам жөнүндө» Кыргыз Республикасынын Мыйзамын ишке ашыруу максатында Кыргыз Республикасынын Өкмөтүнүн 2011-жылдын 23-сентябрындагы    № 594 токтому менен адвокаттын мамлекет кепилдеген юридикалык жардамды көрсөтүү боюнча эмгегине акы төлөөнүн тарифтери бекитилген. Азыркы учурда Кыргыз Республикасынын Президентине караштуу Мамлекет кепилдеген юридикалык жардам боюнча улуттук кеңеш тарабынан юридикалык жардам көрсөтүү боюнча мамлекеттик реестрге адвокаттарды тандоону жүзөгө ашыруу аяктоодо. Мамлекет кепилдеген юридикалык жардам боюнча улуттук кеңеш тарабынан жогоруда көрсөтүлгөн реестр бекитилгенден кийин, ага киргизилген адвокаттар менен Кыргыз Республикасынын Юстиция министрлиги тарабынан аталган жардамды көрсөтүү боюнча келишимдер
Мөөрү

2011.10.07 13:40:38