КР Жогорку Кеңешинин кароосунда турган мыйзам долбоору боюнча КР Юстиция министрлигинин маалыматы

Ушул тапта Юстиция министрлиги тарабынан колдонуудагы мыйзамдарды 2010-жылдын 27-июнундагы референдумда кабыл алынган Кыргыз Республикасынын Конституциясынын жаңы редакциясынын ченемдерине ылайык келтирүү боюнча иш улантылууда. Бүгүн Юстиция министрлиги төмөнкү мыйзам долбоорлору боюнча Кыргыз Республикасынын Өкмөтүнүн Жогорку Кеңештеги расмий өкүлү болуп эсептелет: - «Кыргыз Республикасынын Жаза-процесстик кодексине өзгөртүүлөрдү жана толуктоолорду киргизүү жөнүндө»; - «Кыргыз Республикасынын Кылмыш-жаза кодексине өзгөртүүлөрдү жана толуктоолорду киргизүү жөнүндө»; - «Тынч чогулуулар жөнүндө»; - «Кыргыз Республикасынын адвокатурасы жана адвокаттык иши  жөнүндө»; - «Кыргыз Республикасында тышкы соода ишин мамлекеттик жөнгө салуу жөнүндө» Кыргыз Республикасынын Мыйзамына өзгөртүү киргизүү тууралу»; - «2010-жылдын 10-декабрында Москва шаарында кол коюлган 1993-жылдын 24-декабрындагы ар кыл мамлекеттердин чарбалык субъекттеринин ортосундагы чарбалык талаш-тартыштарды кароодо мамлекеттик алымдын өлчөмү жана аны алуунун тартиби жөнүндө Макулдашууга өзгөртүүлөрдү киргизүү тууралу Протоколду ратификациялоо жөнүндө». Өлкөнүн Башкы Мыйзамында түптөлгөн ченемдерди жүзөгө ашыруу максатында «Кыргыз Республикасынын Жаза-процесстик кодексине өзгөртүүлөрдү жана толуктоолорду киргизүү жөнүндө» жана «Кыргыз Республикасынын Кылмыш-жаза кодексине өзгөртүүлөрдү жана толуктоолорду киргизүү жөнүндө» Мыйзам долбоорлору иштелип чыккан. Ага ылайык кылмыш-жаза мыйзамдарын андан ары өнүктүрүү демократиялык кайра түзүүлөрдүн жаңы багытынын негизинде жүргүзүлмөкчү, анын маңызы болуп адам жана жаран укуктарынын жана эркиндиктеринин артыкчылыгы болуп саналат. «Тынч чогулуулар жөнүндө» Мыйзам долбоору ар кимдин тынч чогулууларга укугун жүзөгө ашыруу менен байланышкан коомдук мамилелерди жөнгө салуу максатында иштелип чыккан. Мыйзам долбоору тынч чогулууларды өткөрүүнүн эрежелерин, ошондой эле чогулууларды жөнгө салууга, тынч мүнөздө болбогон же тынч мүнөзүн жоготкон чогулууларга тыюу салынган, чектелген жана токтотулган  учурларда катышкан бийлик органдарынын аракеттенүү эрежелерин аныктайт. Бүгүн Кыргызстанда адвокатура институту азыркы жарандык коомчулуктун маанилүү куралы катары  жарандардын жана юридикалык жактардын укуктарын жана мыйзамдуу таламдарын коргоого шарт түзө тургандыктан, коомдун жана мамлекеттин турмушунда адвокатуранын жаңыча ролу улам барган сайын өсүп бараткандыктан Юстиция министрлиги тарабынан  «Кыргыз Республикасынын адвокатурасы жана адвокаттык иши жөнүндө» Мыйзам долбоору иштелип чыккан. Мындан тышкары Юстиция министрлиги  «Кыргыз Республикасында тышкы соода ишин мамлекеттик жөнгө салуу жөнүндө» Кыргыз Республикасынын Мыйзамына өзгөртүү киргизүү тууралу» Мыйзам долбоорун Жогорку Кеңеште кароо процессин жылдырууда. Ушул долбоор Кыргыз Республикасынын Юстиция министрлигинин алдындагы  ченемдик укуктук актыларды инвентаризациялоо боюнча ведомстволор аралык комиссиясынын ишинин алкагында иштелип чыккан жана жогоруда аталган мыйзам менен «Кыргыз Республикасынын ченемдик укуктук актылары жөнүндө» Мыйзамдын ченемдеринин ортосундагы карама-каршылыктарды жоюуга багытталган. Ошондой эле «2010-жылдын 10-декабрында Москва шаарында кол коюлган 1993-жылдын 24-декабрындагы ар кыл мамлекеттердин чарбалык субъекттеринин ортосундагы чарбалык талаш-тартыштарды кароодо мамлекеттик алымдын өлчөмү жана аны алуунун тартиби жөнүндө Макулдашууга өзгөртүүлөрдү киргизүү тууралу Протоколдун 3-беренесинин 3-бөлүгүн жана  КР Өкмөтүнүн Аппаратынын 2011-жылдын 19-апрелиндеги чыгыш № 6-7243 тапшырмасын жүзөгө ашыруу алкагында «2010-жылдын 10-декабрында Москва шаарында кол коюлган 1993-жылдын 24-декабрындагы ар кыл мамлекеттердин чарбалык субъекттеринин ортосундагы чарбалык талаш-тартыштарды кароодо мамлекеттик алымдын өлчөмү жана аны алуунун тартиби жөнүндө Макулдашууга өзгөртүүлөрдү киргизүү тууралу Протоколду ратификациялоо жөнүндө» Мыйзам долбоору ички мамлекеттик жол-жоболорду аткаруу багытында иштелип чыккан. Ченемдик укуктук актылардын жогорудагы долбоорлору боюнча кеңири маалымат менен Сиздер Жогорку Кеңештин расмий сайтында төмөнкү шилтемелер боюнча таанышсаңыздар болот: 1. «Кыргыз Республикасынын Жаза-процесстик кодексине өзгөртүүлөрдү жана толуктоолорду киргизүү жөнүндө» Мыйзам долбоору; www.kenesh.kg/lawprojects/lps.aspx?view=projectinfo&id=124435 2. «Кыргыз Республикасынын Кылмыш-жаза кодексине өзгөртүүлөрдү жана толуктоолорду киргизүү жөнүндө» Мыйзам долбоору; www.kenesh.kg/lawprojects/lps.aspx?view=projectinfo&id=124445 3. «Тынч чогулуулар жөнүндө» Мыйзам долбоору; www.kenesh.kg/lawprojects/lps.aspx?view=projectinfo&id=124480 4. «Кыргыз Республикасынын адвокатурасы жана адвокаттык иши  жөнүндө» Мыйзам долбоору; www.kenesh.kg/lawprojects/lps.aspx?view=projectinfo&id=123973 5. «Кыргыз Республикасында тышкы соода ишин мамлекеттик жөнгө салуу жөнүндө» Кыргыз Республикасынын Мыйзамына өзгөртүү киргизүү тууралу» Мыйзам долбоору; www.kenesh.kg/lawprojects/lps.aspx?view=projectinfo&id=124497 6. «2010-жылдын 10-декабрында Москва шаарында кол коюлган 1993-жылдын 24-декабрындагы ар кыл мамлекеттердин чарбалык субъекттеринин ортосундагы чарбалык талаш-тартыштарды кароодо мамлекеттик алымдын өлчөмү жана аны алуунун тартиби жөнүндө Макулдашууга өзгөртүүлөрдү киргизүү тууралу Протоколду ратификациялоо жөнүндө» Мыйзам долбоору. www.kenesh.kg/lawprojects/lps.aspx?view=projectinfo&id=124444  
Мөөрү

2011.10.10 17:31:37