Юстиция министрлиги Сокулуктун жергиликтүү кеңештеринин өкүлчүлүктүү органдарынын жооптуу катчыларын ченем жаратуу техникасына үйрөттү. Окутуу Кыргызстандын жергиликтүү өз алдынча башкаруунун бардык өкүлчүлүктүү органдары үчүн өткөрүлөт

2021-жылдын 20-декабрында Юстиция министрлигинин Укуктук маалымат бѳлүмү тарабынан Сокулук районунун айылдык кеңештеринин жооптуу катчыларына жергиликтүү өз алдынча башкаруунун өкүлчүлүктүү органдарынын ченемдик укуктук актыларын ченемдик укуктук актылардын мамлекеттик реестрине киргизүү боюнча окуу семинары өткөрүлдү.

Бул иш-чара Укуктук маалыматтын борборлоштурулган банкынын иши менен тааныштыруу жана жергиликтүү өз алдынча башкаруунун өкүлчүлүктүү органдарынын ченемдик укуктук актыларын чыгарууда ченем жаратуу ыкмаларын үйрөтүү жана аларды ченемдик укуктук актылардын мамлекеттик реестрине киргизүү үчүн берүүдө аларды үйрөтүү үчүн өткөрүлдү.

Ошол эле учурда, көп  кетирилүүчү каталар каралды:

• жергиликтүү өз алдынча башкаруунун өкүлчүлүктүү органындары тарабынан токтомдорду кабыл алууда,  токтомдо укук ченеми жок болгонуна карабастан, алар жергиликтүү өз алдынча башкаруунун өкүлчүлүктүү органынын  ченемдик укуктук актысы катары Мамлекеттик реестрге киргизүү үчүн Юстиция министрлигине жиберишет.
• жарыялоонун жана аларды ченемдик укуктук актылардын мамлекеттик реестрине киргизүүнүн тартиби, айрым учурларда мөөнөтү боюнча актуалдуулугун жоготкон токтомдор жиберилет, тагыраагы, бул токтом менен  мааракелик иш-чараларды өткөрүүгө каражат бөлүнгөн, бул иш-чаралар бир жыл  мурун  өтсөдагы аткаруу органы ал токтомду юридикалык күчкө ээ  кылуу үчүн жарыялоого жиберет.

Ошону менен бирге семинардын катышуучуларынын (жооптуу катчыларынын) суроо-талабы боюнча Кыргыз Республикасынын мыйзамдарына киргизилген жаңылыктар жана жергиликтүү өз алдынча башкаруу органдарынын бөлүгүндө ченемдик укуктук актыларга киргизилген өзгөртүүлөр боюнча кошумча маалымат берилди.

Семинардын жыйынтыгында катышуучулар презентация үчүн ыраазычылыктарын билдиришип, маалымат катары жергиликтүү өз алдынча башкаруунун өкүлчүлүктүү органынын токтомдорун кабыл алууда мыйзамдуулукту сактоо максатында, жергиликтүү кеңештин депутаттарына, айыл өкмөттөрүнө жана райондук мамлекеттик администрациясынын кызматкерлерине ченемдик укуктук актылардын ченем жаратуу техникасы боюнча семинар өткөрүүнү суранышты.

Ошону менен бирге, Кыргыз Республикасынын укуктук маалыматтардын борборлоштурулган банкынын жаңы маалымат базасын түзүүнүн алкагында Кыргыз Республикасынын бардык аймактарында жергиликтүү кеңештердин өкүлчүлүктүү органдарынын бардык жооптуу катчылары жана жергиликтүү өз алдынча башкаруу органдарынын кызматкерлери (эгерде кааласа) үчүн окуу семинарлары өткөрүлөөрүн маалымат ирээтинде маалымдайбыз.