Юстминде Укуктук агартуу борбору алдындагы Медиаборбор ишин баштады

2022-жылдын 16-майында Юстминде Укуктук агартуу борбору алдындагы Медиаборбор ишин баштады.

Иш-чарага Юстиция министри Аяз Баетов, орун басары Орозбек Сыдыков жана АКШнын Кыргыз Республикасындагы Эл аралык өнүктүрүү боюнча Агенттигинин жаңы шайланган директору Кай Адамс айым, “Жигердүү жарандар” долбоорунун жетекчиси Наталья Пипия, “Укук булагы” долбоорунун жетекчиси Фрэд Хьюстон катышты.

USAID өзүнүн "Укук булагы" долбоорунун алкагында министрликте жаңы түзүлгөн бөлүмдөргө: Юстиция министрлигинин Укуктук агартуу борборуна жана Ченем жаратуу жана укук үстөмдүгү институтуна укуктук сабаттуулукту жогорулатууда, мыйзамдарды иштеп чыгууда жана өркүндөтүүдө өз функцияларын аткарууга жардам берүүчү техникалык жабдууларды тапшырды.

Медиаборбор - бул уникалдуу долбоор, анын иши Юстминдин Укуктук агартуу борборунун жана Ченем жаратуу жана укук үстөмдүгү институтунун колдоосу менен Кыргызстандын калкын укуктук агартууга, укуктук сабаттуулукту жана маданиятты калыптандырууга багытталган.

USAID "Укук булагы" долбоорунун алкагында министрликке жаңы түзүлгөн бөлүмдөрдүн өз функцияларын аткаруусуна жардам берүүчү техникалык жабдууларды тапшырды.

USAID миссиянын директору Кайя Адамс өз сөзүндө USAID Юстиция министрлиги менен өнөктөштүгү бардык адамдар үчүн жеткиликтүү, мазмундуу жана адилеттүү сот адилеттигин жайылтууга багытталгандыгын баса белгиледи. "Кызмат калыс көрсөтүлгөндө, кызматкерлер элди укканда, сот адилеттигинин сапаты жогорулайт дегенге кошулабыз " – деди Адамс.

Юстиция министри Аяз Баетов USAID көрсөткөн колдоосу үчүн ыраазычылыгын билдирди:

– "Укуктук агартуу борбору Министрликтин өзүнчө түзүмдүк бөлүмү катары түзүлгөн. Эми анда Медиаборбор дагы иштеп жатат жана жакында акысыз укуктук жардамдын ишеним телефону ишке киргизилет. Борбор бүткүл республика боюнча юстиция органдарынын жана башка мамлекеттик органдардын зор потенциалын, ошондой эле коомчулук менен байланыш каналдарын пайдалануу менен калктын укуктук сабаттуулугун жогорулатуу боюнча иш – чараларды өткөрүүгө багытталган" - деп белгиледи ал.

Ушул жылдын башында "Укук булагы" USAID долбоору Министрлик менен адамга багытталган сот адилеттигине жеткиликтүүлүктү кеңейттүү жөнүндө кызматташуу Меморандумга кол койгон. Юстиция министрлигинин USAID долбоору менен кызматташуусу калктын аярлуу топторуна жана алыскы райондорго көңүл буруу менен жарандарга акысыз юридикалык жардам көрсөтүү системасын андан ары өнүктүрүүгө багытталган. Буга укуктук кызматтарды жакшыртуу максатында, калктын укуктук муктаждыктарын изилдөө, укуктук сабаттуулукту жогорулатуу боюнча кеңири масштабдагы кампанияларды жүргүзүү жана муктаж болгон жарандарга укуктук жардам көрсөтүүнү кеңейтүү кирет.