Калкка акысыз консультациялык-укуктук жардам көрсөтүү боюнча Декада

Кыргыз Республикасынын Юстиция министрлигинин жетекчилиги алдында өткөрүлгөн калкка акысыз консультациялык-укуктук жардам көрсөтүү боюнча Декада аяктады.

КРнын Юстминине караштуу Юридикалык жардам кызматы тарабынан калкка укуктук жардам көрсөтүү боюнча Декадасы үстүбүздөгү жылдын 6-13-декабрында респбликанын бардык аймактарында өткөрүлдү.

8 күндүн ичинде 7280 адам акысыз консультациялык-укуктук жардам алышты.

Алардын ичинен:

Бишкек ш. – 824

Чүй облусу – 1088

Ош ш. жана Ош облусу-1319

Жалал-Абад облусу – 1039

Талас облусу – 991

Ысык-Көл облусу – 668

Нарын облусу – 987

Баткен облусу – 364

Анын ичинде: аялдар – 3909, эркектер – 3371.

Социалдык статусу боюнча: аз камсыз болгон жарандар – 1194, пенсионерлер – 1435, иш менен камсыз болгон адамдар – 1669,– жумушсуз адамдар – 2712, жашы жете элек - 169, ден-соолугунун мүмкүнчүлүгү чектелген адамдар - 101.

Жарандык статусу боюнча: КРнын жарандары – 7236, чет өлкөлүк адамдар – 42, жарандыгы жок адамдар – 2.

Негизинен жарандардан кайрылуулар үй – бүлөлүк укук (2092), мүлккө байланыштуу (1259), эмгектик укук мамилелер (332), жер маселелери (906), социалдык коргоо (883), жарандарды документтештирүү чөйрөсүндөгү маселелер (410) суроолору менен кайрылышты.

Декаданын алкагында 5000ден ашуун таратылуучу материалдар чыгарылып, таратылды. ЖОЖдордо лекциялар уюштурулуп, анда 500 студент адам укуктарын коргоо жана акысыз юридикалык жардам көрсөтүү темасы боюнча лекцияларды угушту. Ошондой эле жаштардын укуктук аң-сезимин өнүктүрүү максатында студенттер жана жогорку класстардын окуучулары арасында «Менин укугум» темасы боюнча сынак өткөрүлдү. Жеңүүчүлөр «Раритет» китеп дүкөнүнүн сертификаттары менен сыйланышты.

Декаданын жүрүшүндө бүткүл өлкө боюнча калкка акысыз консультациялык-укуктук жардам мамлекет кепилдеген юридикалык жардам системасынын координаторлору жана адвокаттары, юстиция органдарынын кызматкерлери, мамлекеттик нотариустар жана башка мамлекеттик органдардын (КР СФ, КР ЭСКММ, калкты жана жарандык абалдын актыларын каттоо департаменти) кызматкерлери тарабынан көрсөтүлдү.

Ошондой эле, калкка акысыз консультациялык-укуктук жардам көрсөтүү боюнча кеңселер күчөтүлгөн режиминде иштешти.

Мындан тышкары, Декадага ишмердүүлүгү укуктук жардам көрсөтүү менен байланышкан бир катар коммерциялык эмес уюмдардын, ошондой эле ЖОЖдордун юридикалык клиникаларынын өкүлдөрү катышышты.

Кеңештер онлайн форматында дагы берилди. Жарандар консультация алуу үчүн телефон байланышы (чалуулар), мессенджерлер (ватсап), ТВ жана радиодогу түз эфирлер аркылуу кайрылышып, тиешелүү юридикалык консультацияларды алышышты.

Декаданын жыйынтыгы боюнча калктын укуктук сабаттуулугунун деңгээли салыштырмалуу төмөн жана мында ары да колдоого муктаж экендиги аныкталды. Бул өзгөчө өлкөнүн алыскы региондоруна тиешелүү.

Эсиңиздерге сала кетсек, укуктук жардам Декадасын өткөрүүнүн негизги максаты калктын аярлуу катмарын укуктук жактан корголушунун деңгээлин жогорулатуу, ошондой эле юридикалык жардам көрсөтүү, укуктук агартуу, сот адилеттигине жеткиликтүүлүктү камсыз кылуу, жарандардын укуктарын, эркиндиктерин жана мыйзамдуу кызыкчылыктарын ишке ашырууга көмөк көрсөтүү болуп саналат.

Декада «Жигердүү жарандар» программасынын долбоорунун колдоосу менен өткөрүлдү.

Кыргыз Республикасынын Юстиция министрлиги эскертет, калкка юридикалык жардам жыл боюу жеткиликтүү. Биздин мамлекетибиздин жашоочулары Юридикалык жардам кызматынын юристтерине, жактоочуларына (адвокаттары) өзүнө ыңгайлуу учурда кайрылышса болот. Кененирээк маалымат http://minjust.gov.kg/ru/content/782, http://ukuk-jardam.gov.kg/ сайттарына жайгаштырылган.