КР юстиция министри А.Шыкмаматов II Эл аралык юридикалык форумга жана Европа экономикалык шериктештигине мүчѳ мамлекеттердин юстиция министрлеринин Кеңешинин 19-отурумуна катышты

Үстүбүздѳгү  жылдын 16-21-майында  Россия Федерациясынын Санкт-Петербург шаарында II Эл аралык юридикалык форум жана  Европа экономикалык шериктештигине мүчѳ мамлекеттердин юстиция министрлеринин Кеңешинин 19-отуруму болуп ѳттү. II Эл аралык юридикалык форум жаатында. Санкт-Петербургдагы эл аралык юридикалык форум  Россия Федерациясынын президенти В.В.Путиндин колдоосу менен Россия Федерациясынын юстиция министрлиги жана «Петербург эл аралык юридикалык форуму» Фонду тарабынан ѳткѳрүлүп келатат. Быйылкы форумду ошондогу президент Д.Медведев ачып, ага 51 ѳлкѳдѳн 2 миңден ашуун делегаттар катышты, алардын 25и расмий делегацияларды түздү, алардын 13үн улуттук министрлер жетектеп барышкан. Форумдун алкагында «21-кылымдагы укуктук саясат: глобалдык дүйнѳдѳгү  укуктун жаңы эрегиштери» пленардык отуруму, «РФ жарандык кодексин модернизациялоо» конференциясы жана «Укуктук тутумдагы ачык ѳкмѳт» демилгесин жүзѳгѳ ашыруунун механизмдери» темасындагы отурум, эң актуалдуу юридикалык темаларга арналган 38ден ашык тегерек стол ѳткѳрүлдү. Форумда талкууланган башкы темалардын бири  «Аткаруу ѳндүрүшүнүн эл аралык укуктук аспекттери» болуп, анда КР юстиция министри А.Шыкмаматов тѳрага болду. Ушул тегерек столдо аткаруу ѳндүрүшүнүн маселери жана аларды чечүүнүн жолдору талкууланды. Ушул тегерек столго Гаага конференциясынын эл аралык жеке укук боюнча биринчи катчысы, Франциянын кассациялык сотунун тѳрагасы, Россиянын башкы сот приставы, Франциянын сот приставдарынын улуттук палатасынын жана Нидерландынын нотариустарынын падышалык ассоциациясынын президенттери, Марокко падышалыгынын жана Беларусь Республикасынын юстиция министрлери, ошондой эле РФ жогорку арбитраждык сотунун тѳрагасынын орун басары катышты. Жалпысынан  Санкт-Петербургдагы эл аралык юридикалык форум   азыркы укук тутумдарынын ар кыл адистиктеги ѳкүлдѳрүнүн юридикалык тажрыйбасынын бардык спектрлери боюнча кеңири баарлашуунун ѳзгѳчѳлѳнгѳн  кең  аянтына айланды. Европа экономикалык шериктештигине мүчѳ мамлекеттердин юстиция министрлеринин Кеңешинин 19-отуруму жаатында. Ушул отурумдун ишине ЕврАзЭС интеграция комитетинин катчылыгынын  укуктук департаментинин жооптуу катчысы, ошондой эле Кыргызстандын, Россиянын, Белоруссиянын, Казакстандын жана Тажикстандын юстиция министрликтеринин жетекчилери катышты. Европа экономикалык шериктештигине мүчѳ мамлекеттердин юстиция министрлеринин Кеңешинин 19-отурумунун күн тартибине 10 маселе киргизилди. Европа экономикалык шериктештигине мүчѳ мамлекеттердин юстиция министрлеринин жетекчилери мурда кабыл алынган чечимдердин аткарылышынын жүрүшү жѳнүндѳ маселени карашты, ЕврАзЭСке мүчѳ мамлекеттердин жарандык мыйзамдарын ѳнүктүрүүнүн концепциясынын долбоорунун  жана ЕврАзЭСке мүчѳ мамлекеттердин жарандык мыйзамдарынын негиздеринин долбоорунун үстүндѳ жүргүзүлгѳн  ишти талкуулашты. Мындан тышкары сот экспертизасы тармагында ЕврАзЭСке мүчѳ мамлекеттердин юстиция министрликтеринин соттук-экспертизалык ишин ѳркүндѳтүүгѳ багытталган бир катар иш-чараларды ѳткѳрүү жѳнүндѳ чечим кабыл алынды. КР юстиция министри А.Шыкмаматов  Европа экономикалык шериктештигине мүчѳ мамлекеттердин юстиция министрлеринин Кеңешинин 10 жылдыгына арналган эл аралык илимий-практикалык конференцияны 2012-жылдын III кварталында Кыргыз Республикасында ѳткѳрүүнү сунушталды. Отурумдун жыйынтыгы боюнча укуктук тармакта кѳп кырдуу кызматташтыкты мындан ары ѳнүктүрүүнүн багыттары аныкталды.  
Мөөрү

2012.06.01 16:20:47