Урматтуу мекендештер! Сизди Кыргыз Республикасынын Юстиция министрлигинин атынан жана жеке өзүмдүн атымдан Кыргыз Республикасынын көз карандысыздык күнү менен чын дилимден куттуктайм!

Ушул жылы биз Кыргызстандын эгемендүүлүк күнүнүн 25 жылдыгын майрамдап жатабыз. Майрам өзү жаш болгону менен, календардын күндөрүндөгү  башка майрамдарга салыштырсак,  өтө чоӊ жалпы мамлекеттик мааниге ээ. 1991-жылдын ушул  күнү мамлекеттин  турмушунун бардык чөйрөлөрүндө тереӊ кайра түзүүлөр менен байланышкан, Кыргызстандын учурдагы  тарыхынын жаӊы мезгили башталган. Бул жылдар аралыгында өлкөбүз башынан көп окуяларды кечирди. Кыргызстан экономикалык кыйынчылыктарга, саясий оош кыйыштарга, сыноолорго  дуушар болду, бирок ушул аралыктагы тарых көрсөткөндөй Кыргызстан бул кыйынчылыктарга  моюн сунган жок.

Бүгүн көз карандысыздык алган күндөн тартып 25 жыл өткөндөн кийин, Кыргызстан туруктуу стратегиялык багыты жана мындан аркы өнүгүүгө чоӊ дарамети менен өнүгүү жолуна түшкөн мамлекетке айланды деп ишенимдүү айтсак болот.  Биздин республика, дүйнөлүк деӊгээлдеги ар кандай интеграциялык процесстерге жана долбоорлорго катышуу менен өзүнүн эл аралык кадыр-баркын бекемдөөнү улантууда. Кыргыз элинин маданияты бүткүл дүйнө жүзүнө таанылууда. Кыргызстан  келечекке туруктуулук жана тынчтыктын шартында  кадам таштоодо.  Ушул жана башка  жетишкендиктер өз мекенибиз үчүн сыймыктануу сезимин жаратууда.

Эгемендүүлүк күнү  Кыргызстандын мындан ары өнүгүшү жөнүндө ойлонууга  себеп экендигин белгилей кетким келет. Анык патриоттун милдети бул  мекенибиздин  жаркын келечеги үчүн  ак кызмат кылуу, өлкөбүздүн бейпил, бакубат жашоосу үчүн кам көрүү. Бүгүн ар бирибиз өнүккөн жана бакубат, жылдан жылга демократиялык принциптер чыӊдалган, мыйзамдын үстөмдүгү, теӊчилдик жана өз ара түшүнүшүү өкүм сүргөн  мамлекетте жашоону кыялданабыз. Жана бул жаатта,  урматтуу кесиптештер биздин ишибиз зор мааниге ээ. Бир гана юрисстер адилеттүлүктүн үлгүсүн жана мыйзамдын сөзүн иш жүзүнө ашырышат, конституциялык негиздердин кол тийбестигин камсыздашат, адамдардын укуктарын жана эркиндиктерин, өз өлкөсүнүн кызыкчылыктарын коргошот. Ушундай гана өлкө эгемендүү боло алат. Ошондуктан  бүгүн Кыргызстандын жыргал жашоосуна кылган жаратман эмгегиӊиздер үчүн ар бириӊиздерге ыраазычылык билдирүү мен үчүн чоӊ сыймык.

Урматтуу кыргызстандыктар!

Ушул таптагы  кыйынчылыктарга карабастан, Кыргызстандын өз келечегин бекем курууга  пайдубалы бар экендигин белгилей кетким келет, жана республикабыздын социалдык экономикалык өнүгүү багытындагы ар бир кадамы биздин жүрөгүбүздү сүйүнүчкө жана сыймыка толтурат.

 Жаркын майрам күнү Сиздерге чыӊ ден-соолук, бакыт-таалай, ишиӊиздерге ийгилик каалайм. Ар дайым элибизде ынтымак жергебизде тынчтык болсун!