Кыргыз Республикасынын Юстиция министри Уран Ахметовнун 2017-жаӊы жыл менен куттуктоосу

Урматтуу Кыргызстандыктар!

Сиздерди кирип келген 2017-жаӊы жылыӊыздар менен чын дилимден куттуктайм!

Жаӊы жыл бул ар бирибиз чыдамсыздык менен күткөн эӊ сүйүктүү майрамыбыз. Анткени сааттын жебеси он экини көрсөткөндө биз жаӊы мезгилге, өнүгүүнүн жаӊы этабына өтөбүз, алдыбызга жаӊы максаттарды жана милдеттерди коёбуз. Өтүп бара жаткан 2016-жылды ийгиликтүү жана жемиштүү жылдардан болду деп биз ишенимтүү айта алабыз. Бул жылы 2017-жылы жаӊы багытка  - өнүгүү жана жогорулоо багытына чыгууга  жардам бере турчу бир далай окуялар болуп өттү. Кыргызстандын жана анын элинин бакубатчылыгына  багытталган маанилүү демилгелер ишке ашырылды. Бүгүн, биз эртеӊки күнгө ишенимдүү карай алабыз жана бул үчүн бизде социалдык-экономикалык өнүгүүнүн ачык жана так пландары, аларды ишке ашыруу үчүн реалдуу мүмкүнчүлүктөр – бардык негиздер бар. Ошол эле мезгилде, Кыргыз Республикасынын Юстиция министрлиги үчүн негизги артыкчылыктары болуп юстиция органдарына калктын ишениминин деӊгээлин жогорулатуу, биздин жарандарыбыздын укуктарын жана эркиндиктерин коргоонун актуалдуу маселелери жана өлкөнүн калкынын укуктук маданиятын өнүктүрүү боюнча иштерди жүргүүзүү кала берээрин белгилей кетким келет. Ушул жылы биз бул багытта алгылыктуу жыйынтыктарга жетүү үчүн аза эмес күчүбүздү жумшадык. Биринчи жолу, «Өз укуктарыӊды бил» урааны алдында  акысыз юридикалык жардамдарды көрсөтүү боюнча бир катар акциялар өткөрүлдү, «Тилектештик автобусу» долбоорунун  алкагында  юристтердин калктуу пункттарга баруулары уюштурулган, акысыз юридикалык жардам көрсөтүү боюнча жаӊы борборлор ачылган. Ошондой эле мамлекет кепилдеген юридикалык жардамды алууга укугу бар адамдардын чөйрөсүн кеӊейте турчу, «Мамлекет тарабынан кепилденген юридикалык жардам жөнүндө»  жаӊы социалдык-багыттуу Кыргыз Республикасынын мыйзамы кабыл алынган. Мындан тышкары, калктын жаӊы методдорду колдонуу менен мамлекеттик органдардан сапаттуу кызматтарды алууга муктаждыгын эске алып, Юстиция министрлиги кийинки жылы өзүнүн алдына калкты онлайн тейлөөгө өтүү боюнча, анын ичинде юридикалык жактарды онлайн каттоо тутумун киргизүү боюнча  бир катар амбициялуу максаттарды койду. Бул жарандар үчүн азыркы мезгилдеги бизнести ачуу жол-жобосун жөнөкөйлөтүүгө, бизнес чөйрөнү жакшыртууга, каттоо жүргүзүүчү юстиция органдарынын ишин өркүндөтүүгө түрткү берет. Андыктан, 2017-жылы юстиция органдарын чоӊ-чоӊ иштер жана жооптуу милдетер күтүп турат. Коюлган максаттарды ишке ашырууда Кыргыз Республикасынын Юстиция министрлиги туруктуу иштээрин белгилей кетким келет.  Ошол эле мезгилде бардык Кыргызстандыктарды түшүнүү мамилеси, ишеним жана министрликтин ишине катышышкандыгы үчүн ыраазычылык билдирем.

Урматтуу мекендештер !

Кирип келген 2017-жыл бардыгыбыз үчүн ийгиликтин жылы болсун, жаӊы мүмкүнчүлүктөрдү ачып берсин жана бардык максаттарыбыз жана баштаган иштерибиз ишке ашсын. Бардык терс көрүнүштөр өтүп бара жаткан жыл менен кетсин, алдыга ишенимдүү кадам таштап, жаӊы ийгиликтерди багынтыӊыз! Бардыгыӊыздарга оптимизмди, бекем ден соолукту,  бакубатчылкты каалайм.  
Мөөрү

2016.12.31 14:49:49