Ысык-Көл облусунун мамлекекттик нотариустары тарабынан мектеп окуучуларына жана мамлекеттик мекемелерге укуктук түшүндүрүү иш-чараларын уюштурулду

Ысык-Көл облусунун Тоӊ районунун мамлекеттик нотариусу У. Галиев Бөкөнбаев айылындагы Бөкөнбаев атындагы орто мектебиин окуучуларына жана мугалимдерине лекция окуду. Мамлекеттик нотариус окуучуларга жана мугалимдерге диний экстремиздин коомго коркунучтуу экендигин, коррупцияны алдын алуунун жана  анын кесепеттери жөнүндө жана чаралар үчүн жазасы  коомдук коркунучтуу жосун экендиги тууралуу айтып берди. Иш-чаранын жүрүшүндө коррупциянын пайда болушуна өзүбүз билип туруп жол берип жатканыбыз жөнүндө айтылып төмөндөгүдөй мисалдар айтылды: Жол кыймылынын эрежелерин бузган учурда жол коопсуздук милициясынын кызматкерлери автоунааны токтоткон учурда кызматкерге айып протоколун толтурбоо үчүн акча сунуштайбыз бирок көпчүлүктөр аны кылмыш экенин билишпейт. Ошондой эле, диний экстремизм кооптуу экендиги айтылды мисалы бейтааныш адамдар менен көчөдө сүйлөшүүго кооптуу экендигин айтып берди. Мындан тышкары У. Галиев Тоӊ районунун ЖААК бөлүмүнүн кызматкерлерине жана райондун жакшоочулары менен жолугушуп «Коррупцияны алдын алуу» Кыргыз Республикасынын мыйзамынын талптарын түшүндүрүү иштерин жүргүздү.Коррупцияны кандай жол менен алдын алуу, коррупцияга аралашкан аткаминерлерден кантип сактануу керектигин жана укук коргоо органдарынын ишеним телефондорун таратылып берилди. Белгилей кетчү жагдай ушул өткөрүлгөн иш-чаралар Кыргыз Республикасынын калкынын укуктук ан-сезимин жогорулатуу боюнча Концепциясынын жана Кыргыз Республикасынын юстиция министрлигинин 2017-жылга карата коррупцияны алдын алуу иш-чараларынын планына ылайык жүргүзүлдү.
Мөөрү

2017.04.04 18:23:52