«Министр байланышта» акциясынын өткөрүлгөндүгү жөнүндө отчет

Кыргыз Республикасынын Юстиция министрлиги 2014-жылдын 15 жана 16-декабрында Кыргыз Республикасынын Өкмөтүнүн жүргүзүлүп жаткан «Ачык Өкмөт» саясатынын алкагында «Министр байланышта» акциясын уюштурду. Бул акциянын алкагында басма сөз каражаттары үчүн интервьюлар, радио жана телевидениеге чыгып сүйлөөлөр, ошондой эле министрдин, анын орун басары жана министрликтин аймактык бөлүмдөрүнүн жетекчилеринин катышуусу менен басма-сөз жыйындары уюштурулган. Көрсөтүлгөн иш-чараларда Кыргыз Республикасынын Юстиция министрлиги А.Шыкмаматов, ЖМКнын ар кандай каналдары аркылуу Кыргыз Республикасынын Өкмөтүнүн программасынын максаттарына милдеттерине жетишүү боюнча 2014-жылга Юстиция министринин милдеттенмелери иш аракеттер планы боюнча түшүндүрүү кампаниясын өткөрдү. Белгиленген акциянын жүрүшүндө министр А.Шыкмаматов КТРК «Замана» студиясынын түз эфирине чыгып сүйлөдү. Түз эфир убагында мамлекет кепилдеген юридикалык жардамга, Кыргыз Республикасынын Укуктук маалыматтарынын борбордоштурулган банкына, юридикалык жактарды каттоо, адвокатура ж.б тийиштүү 10дон ашык суроолор берилген, булар боюнча министр тарабынан толук жооптор берилген. Телекөрүүчүлөрдүн суроолоруна жооп берип жатып, министр Юстиция министрлиги Кыргыз Республикасынын Ченемдик укуктук актыларынын мамлекеттик реестрин жүргүзөөрүн жана 2013-жылдын 1-сентябрынан тарта министрликтин сайтында жарандарга МББда камтылган Кыргыз Республикасынын каалаган ЧУАнын текстине акысыз кирүү мүмкүнчүлүгү берилген, Кыргыз Республикасынын Ченемдик укуктук актыларынын мамлекеттик реестринин жаӊыланган издөөчү тутуму ишке киргенин белгиледи. Ошону менен, министр азыркы мезгилде министрлик тарабынан  калктын укуктук маӊкуртчулук жана укуктук сабатсыздык сыяктуу социалдык кемчиликтерди жок кылуу максатында, 2015-2018-жылдар мезгилине укуктук маданиятты көтөрүү жана укуктук агартуу боюнча  стратегиянын долбоорун иштеп чыгуу боюнча ведомстволор аралык жумушчу топ түзүлгөндүгү жөнүндө телекөрүүчүлөрдү маалымдады. Министр иш-чаралар планын ишке ашырууга мамлекеттик бийликтин бардык органдары  тартылаарын анткени бул стратегия мамлекеттик мааниге ээ экендигин белгиледи. Ошондой эле министр А.Шыкмаматов «Азаттык» радиосунун түз эфирине катышты, ал жерден министр өткөн мезгилге министрлик тарабынан жасалган иштердин негизги этаптары жөнүндө айтып берди, ага улай эле радио угуучулардын суроолоруна да жооп берди. Мындан тышкары, ЖМК өкүлдөрү үчүн Юстиция министри А.Шыкмаматовдун катышуусунда «Кабар» маалымат агенттигинде жыйынтыктоочу басма-сөз жыйыны өткөрүлдү. Өз сөзүндө министр министрликтин ишмердүүлүгүнө байланышкан актуалдуу маселелерди козгоп өттү. Атап айтканда,  2014-жылдын 26-ноябрында өткөрүлгөн Кыргыз Республикасынын адвокаттарынын биринчи уюштуруу съезди жөнүндө, Кыргыз Республикасынын Юстиция министрлигине караштуу соттук экспертизалардын мамлекеттик борбору жөнүндө, ЧУАларга коррупцияга каршы экспертиза ж.б. жөнүндө. ЖМК өкүлдөрүн төмөндөгүдөй маселелер кызыктырганын белгилеп кетүү зарыл алар: «Кумтөрдү» улутташтыруу, «Centerra Gold Inc.» акциялары боюнча эл аралык доолор, жарандардын биометрикалык маалыматтарын тапшыруу зарылдыгы, саясий партияларды каржылоо, ошондой эле «Чет элдик агенттер жөнүндө». Жалпысынан журналисттер тарабынан 16 суроо берилген аларга министр толук жооп берген. «Centerra Gold Inc.» арест коюлган акцияларына байланыштуу журналисттердин суроосуна жооп берип жатып министр: «Акцияларга арест коюлган, бирок арест акция боюнча дивиденддерди алуу токтойт дегенди түшүндүрбөйт. Бул күрөөгө коюлган мүлк сыяктуу, биз аны сата албайбыз же болбосо башкача колдоно албайбыз, бирок дивиденддер бизге түшө берет» деп айтып өттү. Ошондой эле, министр өз сөзүндө адвокаттык ишмердүүлүккө тийиштүү журналисттердин суроосуна жооп берип жатып, азыркы мезгилде Кыргызстанда өзүн өзү жөнгө салган адвокатура органы жок экендигин айтып өттү. Мындай органсыз адвокатуранын көз карандысыздыгы жөнүндө сөз кылуу мүмкүн эмес деп белгиледи министр. «Институт адвокаттык ишмердүүлүк жөнүндө мыйзамды кайра карап чыгууга муктаж. Баарыбызга бул жөнүндө ойлонууга убакыт келди. Мындай муктаждык бышып жетилди. Эгерде карасак, бүгүнкү күндө бардык механизмдер адамдын эркиндиктерин жана укуктарын коргоого эмес, мамлекетти коргоого багытталган, бирок Конституция аларды ыйык катары аныктайт» деп түшүндүрдү өз сөзүндө министр. Жеке биометрикалык маалыматтардын коопсуздук маселеси боюнча министр төмөнкүнү белгиледи: Жеке маалыматтардын коопсуздугу Кыргызстандын Конституциясы менен корголгон. Мисалы, жарандын маалыматтарын уруксаатсыз кайсы-бир бийликтин органы карай албайт. Техникалар сайттагы каралган  маалыматтардын саны жөнүндө маалыматты белгилеп турат». Мындан тышкары министр биометрикалык маалыматтарды чогултуу 2015-жылдагы шайлоолорду таза өткөрүүгө багытталгандыгын белгиледи. Ошондой эле, «Министр байланышта» акциясынын алкагында «Эркин-Тоо» гезитинин бетине Юстиция министрлигинин тышкы саясий ишмердүүлүгү жөнүндө макалалар чыгат. Мындан тышкары, 2014-жылдын 12-декабрында КТРКнын «Биринчи Радио» түз эфиринде белгиленген акциянын алкагында, Кыргыз Республикасынын Юстиция министрлигинин статс-катчысынын м.а. Н.Таштанов чыгып сүйлөп, радио угуучулардын суроолоруна жооп берди. Өз сөзүндө статс-катчынын м.а. Н.Таштанов жалпы министрликтин ишмердүүлүгү жөнүндө, ошондой эле юстиция органдары тарабынан көрсөтүлүүчү кызматтар жөнүндө айтып берди. Жалпысынан радио угуучулардан 13 суроо түшүп толук жооптор алынган. Булар менен бирге, «Министр байланышта» акциясы 2014-жылдын 12-декабрында жергиликтүү телерадио көрсөтүүлөрдө министрликтин аймактык бөлүмдөрүнүн жетекчилери тарабынан дагы өткөрүлгөн. Атап айтканда, Ысык-Көл облустук юстиция башкармалыгынын башкы адиси Эсен Өмүров «Артек FM» радиосуна чыгып сүйлөп, Ысык-Көл юстиция башкармалыгынын 2014-жылдагы ишмердүүлүгү жөнүндө айтып берген жана радио угуучулардын суроолоруна жооп берген. Мындан тышкары, Ысык-Көл облустук юстиция башкармалыгынын начальниги У.Акулуеванын облустук телекөрсөтүүнүн «Маек» телеберүүсүнө чыгып сүйлөөсү уюуштурулган. Мындан ары, Талас облустук юстиция башкармалыгынын начальниги  Б.Жайлообаев «NEXT FM» радиосунун эфиринде чыгып сүйлөп министрликтин жана Талас облустук юстиция башкармалыгынын ишмердүүлүгү жөнүндө кенен маалымат берип, ошондой эле акысыз юридикалык жардамды алуу жол-жобосу жөнүндө айтып берди. Баткен облустук юстиция башкармалыгынын начальниги А.Зияев дагы мамлекеттик нотариус менен биргеликте «Баткен ТВ» жергиликтүү телеканалына чыгып сүйлөп, «Мамлекет кепилдеген юридикалык жардам жөнүндө» Кыргыз Республикасынын мыйзамынын ченемдерин түшүндүрүп беришти, ошондой эле Кыргыз Республикасынын Укуктук маалыматтардын борбордоштурулган банкынын иштеши жөнүндө айтып беришти. Мындан тышкары, Ош облустук жана Ош шаардык Юстиция башкармалыгынын начальнигинин орун басары Р.Таштанов «ЭлТр» коомдук  телерадиокомпаниясынын эфирине чыгып сүйлөп, юстиция башкармалыгынын милдеттери жөнүндө айтып берди, ошондой эле Кыргыз Республикасында апостилди жүргүзүү жол-жобосун кененирээк түшүндүрдү. Алар боюнча кечиктирилгис чечим кабыл алууну талап кылган, жарандардын актуалдуу суроолору келип түшкөндө министр А.Шыкмаматовдун жеке контролуна  алынып анын ичинен кээ бирлери боюнча тиешелүү чаралар кабыл алынды. Өткөрүлгөн иш чаралардын жыйынтыгы боюнча тиешелүү пресс-релиздер министрликтин расмий сайтына жарыяланган.
Мөөрү

2014.12.22 17:07:01