КР Өкмөтү тарабынан КР Юстиция министрлигинин бөлүнүштөрүнүн символика белгилери бекитилди

Кыргыз Республикасынын Өкмөтүнүн 2020-жылдын 9-июнунда № 312 токтому менен Кыргыз Республикасынын Юстиция министрлигинин алдындагы Пробация департаментинин жана Мамлекет кепилдеген юридикалык жардамды координациялоо боюнча борборунун символика белгилери бекитилди.

Кыргыз Республикасынын Юстиция министрлигинин алдындагы Пробация департаментинин символика белгисинин сүрөттөлүшү

Пробация департаментинин символикасы көк түс менен жээктелген алтын түстөгү алкактан турат, анын ортосунда коргоонун символу катары тегерек калкандын сүрөтү жайгашкан, ошондой эле ал бекемдиктин, асылдыктын, күч-кубаттын белгиси болуп саналат.

Анын ортосунда жаңы жашоого мүмкүнчүлүктөрдүн ачылышынын символу катары оймолору менен улуттук оймолору менен ачкычтын сүрөтү жайгашкан. Жогорку планда тараза – адилетүүлүктүн атрибуту, төмөнкү планда эркиндикти, келечекке карай бийик ойлор менен көз караштарды билдирүүчү символ катары канатын жайган бүркүттүн сүрөтү тартылган.

Сүрөт алкакка алынып, анын жогорку иймегине “КЫРГЫЗ РЕСПУБЛИКАСЫНЫН ЮСТИЦИЯ МИНИСТРЛИГИ” деген сөздөр, төмөнкү иймегине “ПРОБАЦИЯ ДЕПАРТАМЕНТИ” деген сөздөр жайгаштырылган.

Улуттук оймолордун элементтери улуттук тарых менен маданияттын өнүгүү динамикасын чагылдырып, кыргыздын байлыгын жана байыркы эл экендигин көрсөтүп турат.

Символикада үч түс колдонулган – көк, ак жана алтын түс. Ак түс аруулукту, ак ниеттүүлүктү, чындыкты, ал эми көк — адилеттүүлүктү, акылмандыкты жана адам укуктарынын жогорку баалуулугун, алтын түс - руханий агартууну жана тунук ойлорду билдирет.

Кыргыз Республикасынын Юстиция министрлигинин алдындагы Мамлекет кепилдеген юридикалык жардамды координациялоо боюнча борборунун символика белгисинин сүрөттөлүшү

Кыргыз Республикасынын Юстиция министирлигинин алдындагы Мамлекет кепилдеген юридикалык жардамды координациялоо борборунун символикасы ак жана көк эки түстөгү эки чарчыга бөлүнгөн тик бурчтуктан турат. Чарчыларда таразанын табактары симметриялуу жайгашкан, бири көк фондогу чарчыга ак түстө, ал эми экинчиси ак фондогу чарчыга көк түстө берилген. Таразанын туткасы кыргыз улуттук оймодогу стилге саналып симметриялуу формада жасалган.

Тараза табактары ынсаптуулукту жана сот адилеттигин билдирет. Таразанын туткасына бириктирилген 2 улуттук оймо жарандын укуктарын жана эркиндигин камсыздоонун семантикалык символу болуп саналат.

Символикада эки түс колдонулган - ак жана көк. Ак түс тынчтыкты, аруулуктуу, ак ниеттүүлүктү жана чындыкты билдирет, ал эми көк - акылмандыктын, адилеттүүлүктү жана адам укуктарынын жогорку баалуулугун билдирет.

Тик бурчтуктун деңгээлинде оң тарабында “ЮРИДИКАЛЫК ЖАРДАМ”деген сөздөр, “ЮРИДИКАЛЫК ЖАРДАМ” деген сөздөрдүн деңгээлинде ылдый жагында андан кичирээк шрифт менен“КЫРГЫЗ РЕСПУБЛИКАСЫНЫН ЮСТИЦИЯ МИНИСТРЛИГИНИН АЛДЫНДАГЫ МАМЛЕКЕТ КЕПИЛДЕГЕН ЮРИДИКАЛЫК ЖАРДАМДЫ КООРДИНАЦИЯЛОО БОЮНЧА БОРБОРУ” деген сөздөр жайгаштырылган.

Кыргыз Республикасынын Юстиция министирлигинин алдындагы Мамлекет кепилдеген юридикалык жардамды координациялоо борборунун символикасынын вертикалдуу версиясы да бар, анын айрымасы “МАМЛЕКЕТ КЕПИЛДЕГЕН ЮРИДИКАЛЫК ЖАРДАМ” деген сөздөр тик бурчтуктун төмөн жагында ортолотуп жайгаштырылган.

‹						›
Пн	Вт	Ср	Чт	Пт	Сб	Вс

Кыргыз Республикасынын

Юстиция министрлиги

Кыргыз Республикасынын

Юстиция министрлиги

Электрондук кабылдама

КР Өкмөтү тарабынан КР Юстиция министрлигинин бөлүнүштөрүнүн символика белгилери бекитилди

Ченемдик укуктук актылардын маалымат базасы

Кыймылдуу мүлккө карата укук талабынын бирдиктүү мамлекеттик реестри

Юридикалык жактардын, филиалдардын (өкүлчүлүктөрдүн) жана ММК электрондук базасы

Юридикалык жактарды, филиалдарды (өкүлчүлүктөрдү) жана ММК каттоо

Апостилдештирүү

Нотариат жана адвокатура

Маалымат булактарына жазылып алуу

Акыркы кабар күнгө чейин бергиле

Кыргыз Республикасынын

Юстиция министрлиги