Мамлекет кепилдеген юридикалык жардам боюнча мыкты медиа материал сынагынын жеңүүчүлөрү сыйланды

Журналисттер жана блогерлер арасында мамлекет кепилдеген юридикалык жардам (МКЮЖ) системасы жөнүндө медиа материал даярдоо боюнча сынактын жеңүүчүлөрүн сыйлоо аземи юстиция министринин орун басары Марат Канулькулов жана БУУӨПнын Кыргыз Республикасындагы туруктуу өкүлүнүн орун басары Томица Паовичтин катышуусунда болуп өттү.

Мамлекет кепилдеген юридикалык жардам системасы жана МКЮЖ чөйрөсүндөгү мамлекеттик саясатты ишке ашыруудагы мамлекеттик органдын ролу жөнүндө мыкты медиа материалдар сынагы 2020-жылдын июнь айынан декабрь айына чейин БУУӨП жана Финляндиянын Тышкы иштер министрлигинин «Кыргыз Республикасындагы укуктук мүмкүнчүлүктөрдү кеңейтүү үчүн туруктуу сот адилеттигине жетүү» долбоорунун колдоосу менен Кыргыз Республикасынын Юстиция министрлигин астындагы Мамлекет кепилдеген юридикалык жардамды координациялоо борбору тарабынан өткөрүлгөн.

Сынакка 31 материал келип түшкөн. Курамына Юстиция министрлигинин өкүлдөрү, медиаэксперттер жана БУУӨПнын өкүлдөрү кирген сынактык комиссиянын мүчөлөрүнүн чечими менен төмөнкү авторлор жеңүүчүлөр деп табылды:

“Мыкты журналисттик иш” номинациясы

1-орун “Кыргыз Республикасынын Юстиция министрлиги Ысык-Көл жана Нарын облустарына акысыз юридикалык жардам көрсөтүүдө” аттуу мамлекеттик тилде даярдаган видеоматериалы үчүнЫсык-Көл облустук медиаборборунун журналисти Гүлбарчын Молдоевага берилди.

2-орун «Укуктук жардам» радио уктуруусу үчүн “Биринчи радио – КТРКнын” кабарчысы Салтанат Калдыбаевага ыйгарылды.

3-орун эки конкурсантка ыйгарылды:

“Демократия сабактары” автордук программасынын алкагында “Акысыз укуктук жардам” видеокөрсөтүүсү үчүн КТРКнын программалар дирекциясынын директору Байма Сутеновага жана “Мамлекет кепилдеген укуктук жардам” аталыштагы радиоматериалы үчүн “Биринчи радио – КТРКнын” башкы редактору Таалайкүл Сыдыкбековага ыйгарылды.

“Мыкты блог” номинациясы

1-орун“Караңгыда көз болгондор” материалы үчүн Дариха Мамбетовага ыйгарылды.

2-орун“Укугуңардын бузулушуна жол бербегиле” материалы үчүн Бехзад Тожибаевге берилди.

3-орун“Мамлекет кепилдеген юридикалык жардам тууралуу” видеоблогу үчүн Туланбек уулу Ильяска ыйгарылды.

Ошондой эле, Мамлекет кепилдеген юридикалык жардам тууралуу “Карантин маалындагы интервью”, “МКЮЖ боюнча жактоочу – бул сыймык!” жана “Жактоочу болуу – бул менин милдетим!” аталыштагы материалдар сериясы үчүн Элмира Арапова кызыктыруучу байгеге ээ болду.

БУУӨПнын Кыргыз Республикасындагы туруктуу өкүлүнүн орун басары Томица Паович:“Юридикалык жардам адилеттүү соттук териштирүүгө укугун кошуу менен башка укуктарды жүзөгө ашыруу үчүн негизи жана адилеттүүлүккө жана коомчулуктун мамлекеттик акыйкат сот процесстерине ишеним жаралуусуна негиз болууну камсыз кылууда маанилүү кепилдик болуп саналат. Журналисттер менен блогерлер калктын укуктук сабаттуулугун жогорулатууда, анын ичинде мамлекет кепилдеген юридикалык жардам тууралуу маалыматтарды таратууда маанилүү роль ойнойт”, - деп белгилеп өттү.

Юстиция министринин орун басары Марат Канулькулов конкурстун активдүү катышуучуларынын үчүн ыраазычылык билдирип: “Мамлекет тарабынан көрсөтүлүүчү юридикалык жардам жөнүндө калкты маалымдоо, маалыматтык коштоо, калктын мамлекет кепилдеген юридикалык жардамга жеткиликтүүлүгүн камсыздоонун маанилүү түзүүчүсү болуп эсептелет.

Ушуга байланыштуу журналисттер менен блогерлердин МКЮЖ маселесин чагылдырууга катышуусун баалоо татаал” деп билдирди.

Ошондой эле, М.Э.Канулькулов өнөктөштөр БУУӨП аркылуу «Кыргыз Республикасындагы укуктук мүмкүнчүлүктөрдү кеңейтүү үчүн туруктуу сот адилеттигине жетүү» долбоорун ишке ашырууга активдүү катышкандыгы жана конкурсту уюштургандыгы үчүн ыраазычылык билдирди.

Сынак калктын алсыз катмарынын укуктук мүмкүнчүлүктөрүн кеңейтүү, МКЮЖ системасы боюнча калктын укуктук кабардар болуусу жана Юстиция министрлигинин өлкөнүн калкына акысыз юридикалык жардам көрсөтүү багытындагы ишин кеңири чагылдыруу максатында өткөрүлдү.

Эске салсак, БУУӨПнын колдоосу менен Чүй жана Ош облустарында Акысыз юридикалык жардам көрсөтүүчү 15 борбор ачылган.

‹						›
Пн	Вт	Ср	Чт	Пт	Сб	Вс

Кыргыз Республикасынын

Юстиция министрлиги

Кыргыз Республикасынын

Юстиция министрлиги

Электрондук кабылдама

Мамлекет кепилдеген юридикалык жардам боюнча мыкты медиа материал сынагынын жеңүүчүлөрү сыйланды

Ченемдик укуктук актылардын маалымат базасы

Кыймылдуу мүлккө карата укук талабынын бирдиктүү мамлекеттик реестри

Юридикалык жактардын, филиалдардын (өкүлчүлүктөрдүн) жана ММК электрондук базасы

Юридикалык жактарды, филиалдарды (өкүлчүлүктөрдү) жана ММК каттоо

Апостилдештирүү

Нотариат жана адвокатура

Маалымат булактарына жазылып алуу

Акыркы кабар күнгө чейин бергиле

Кыргыз Республикасынын

Юстиция министрлиги