Жусуп Абдрахмановдун 120 жылдыгына карата көргөзмө жана тегерек стол өткөрүлдү

Бүгүн, 12-майда, Кыргыз Республикасынын Юстиция министрлигинин алдындагы Архив агенттигинде Кыргызстандын көрүнүктүү мамлекеттик ишмери Жусуп Абдрахмановдун 120 жылдыгына арналган "Улуу патриот" деп аталган мааракелик көргөзмө жана тегерек стол болуп өттү.

Иш-чарага мамлекеттик органдардын өкүлдөрү, Россия Федерациясынын, Казакстан Республикасынын жана Өзбекстан Республикасынын элчиликтеринин өкүлдөрү, тарыхчы окумуштуулар, Ж.Абдрахмановдун туугандары, ошондой эле маданият ишмерлери ж.б. катышты.

Көргөзмөгө борбордук мамлекеттик архивдердин фонддорунан алынган архивдик материалдар коюлду.

Мааракелик көргөзмөнү Кыргыз Республикасынын Юстиция министринин орун басары Кынатбек Сманалиев ачты. Ал Жусуп Абдрахмановдун бүткүл өмүрү өз элине кызмат өтөөгө, элинин жаркын келечеги үчүн күрөшкө арналганын баса белгиледи.

"Жусуп Абдрахманов кайда иштесе да өз элинин, Кыргызстандын кызыкчылыгын биринчи орунга койгон, ошол мезгилде Кыргызстан курамында болгон РСФСРдин мамлекеттик органдарында, ошондой эле Москва шаарындагы союздук органдарда Кыргызстандын кызыкчылыгын жактаган. Ошондуктан аны өз мекенинин, Кыргызстандын Улуу патриоту деп атоого болот. Буга Кыргызстандын мамлекеттик архивдеринде сакталып турган архивдик документтер толук далил болот", - деди К.Сманалиев.

Көргөзмө ачылгандан кийин Ж.Абдрахмановдун өмүрүнө жана чыгармачылыгына арналган тегерек стол болуп өттү. Ошондой эле Россия Федерациясынын, Казакстан Республикасынын жана Өзбекстан Республикасынын архивдеринен Ж.Абдрахмановго байланыштуу архивдик документтерди аныктоо жана алып келүү маселеси талкууланды.

Жусуп Абдрахманов 1901-жылы 23-декабрда туулган, 17 жашында Кызыл Армиянын катарында согушкан, региондогу жаштар кыймылынын башында турган, Комсомолдун Жети-Суу уюштуруу бюросунун мүчөсү, РКСМдин Түркстан бюросунун мүчөсү болгон, комсомолдун Москвада өткөн III съездине катышып, Ленин менен жолугушуп, сүйлөшкөн.

Андан кийин ал ар кандай кызматтарды - партиянын Алматы шаардык комитетинин жооптуу катчысынан баштап РКП (б) БКнын Борбордук Азия Бюросунун бөлүм башчысынын орун басарына, Москвада РКП БКнын уюштуруу бөлүмүнүн инструкторуна чейин жеткен. Ал Владимир Маяковский жана Лиля Брик менен дос болгон.

1933-жылы сентябрда Ж.Абдрахманов Кыргызстандын Эл Комиссарлар Кеңешинин (Министрлер кабинетинин) төрагалыгынан алынып, анан партиядан чыгарылган, 1937-жылы июнда камакка алынып, атууга өкүм чыгарылган. Өкүм 1938-жылы 5-ноябрда Чоң-Таш аймагында ишке ашырылган. Ж.Абдрахмановду жарандык реабилитациялоо 1958-жылы, партиялык актоо - 1989-жылы болгон.

‹						›
Пн	Вт	Ср	Чт	Пт	Сб	Вс

Кыргыз Республикасынын

Юстиция министрлиги

Кыргыз Республикасынын

Юстиция министрлиги

Электрондук кабылдама

Жусуп Абдрахмановдун 120 жылдыгына карата көргөзмө жана тегерек стол өткөрүлдү

Ченемдик укуктук актылардын маалымат базасы

Кыймылдуу мүлккө карата укук талабынын бирдиктүү мамлекеттик реестри

Юридикалык жактардын, филиалдардын (өкүлчүлүктөрдүн) жана ММК электрондук базасы

Юридикалык жактарды, филиалдарды (өкүлчүлүктөрдү) жана ММК каттоо

Апостилдештирүү

Нотариат жана адвокатура

Маалымат булактарына жазылып алуу

Акыркы кабар күнгө чейин бергиле

Кыргыз Республикасынын

Юстиция министрлиги