Кыргыз Республикасынын Юстиция министрлиги Кыргыз Республикасынын мыйзамдарын масштабдуу инвентаризациялоо башталганы жөнүндө билдирет

Кыргыз Республикасынын Президентинин 2021-жылдын 8-февралындагы № 26 ПЖ “Кыргыз Республикасынын мыйзамдарына инвентаризация жүргүзүү жөнүндө” Жарлыгын ишке ашыруу үчүн Юстиция министрлиги жана аткаруучу бийликтин органдары мыйзамдарды инвентаризациялоону башташты.

Бул инвентаризация декларациялык мүнөздөгү, бюрократиялык, натыйжасыз, мыйзамдарды колдонуу практикасында карама-каршылыкты жараткан мыйзамдарды аныктап жана күчүн жоготууга берүү максатын көздөйт.

Инвентаризация жүргүзүү үчүнКыргыз РеспубликасынынӨкмөтүнүн 2021-жылдын 10-мартындагы № 55-б буйругу менен ведомстволор аралык эксперттик топ түзүлгөн (мындан ары – ВЭТ), ал 6 тармактык топтон турат.

Жумушчу топтордун курамдарын Кыргыз Республикасынын Жогорку Кеңешинин депутаттары жана аткаруучу бийликтин органдары камсыздашты. Ошого байланыштуу, инвентаризация жүргүзүүдө иш процессин уюштуруу үчүн Кыргыз Республикасынын Юстиция министрлигинин 2021-жылдын 15-апрелиндеги № 57 буйругу менен он үч тармактык топчо түзүлгөн. Ал топчолордун курамына мамлекеттик органдардын жана жарандык коомдун өкүлдөрү, көз каранды эмес эксперттер киргизилген.

Инвентаризациялануучу мыйзамдардын санын аныктоо үчүн Юстиция министрлиги 1990-жылдан баштап 2020-жылга чейинки мыйзамдарды анализдеп чыгып, 356 мыйзамдан турган тизме түзүлгөн. Бул тизмеге конституциялык мыйзамдар, кодекстер, мамлекеттик жана муниципалдык кызмат чөйрөсүндөгү мыйзамдар, бир жолку колдонулуучу жана чектелген чөйрөдөгү жактарга эсептелген мыйзамдар кирген жок. Бул тизме жогоруда айтылган топчолорго бөлүштүрүлгөн.

Ар бир топчонун милдети – ВЭТтин биринчи жыйналышында бекитилген сапаттык жана натыйжалык критерийлерге мыйзамдардын ылайык келүүсүн анализдеп чыгуу.

Мыйзамдарга анализ Юстиция министрлигинин жогоруда аталган буйругу менен бекитилген Кыргыз Республикасынын мыйзамдарына инвентаризация жүргүзүүнүн методологиясынын негизинде жасалат.

Бул Методологияда мыйзамдарды инвентаризациялоо боюнча иш процессинин, мыйзамдарга баа берүүнүн кадамдары жана мыйзамдарды кайра карап чыгуудагы талаптар толугу менен көрсөтүлгөн.

Мыйзамдардын критерийге ылайыктуулугун баалоонун жыйынтыгында топчолор мыйзамдардын 3 тизмесин түзүүгө тийиш.

1) критерийге ылайык келген жана кайра карап чыгуу талап кылынбагандар;

2) кайра карап чыгып жана критерийлерге ылайык келтирүү үчүнөзгөртүүлөрдү киргизүү талап кылынгандар;

3) критерийлерге ылайык эмес жана күчүн жоготту деп эсептөөгө сунушталуучулар (колдонуу токтотулуучулар).

Баалоонун жыйынтыгында критерийлерге ылайык эмес деп табылган мыйзамдардын колдонулушун токтотуу “гильотина” механизми аркылуу жөнөкөйлөштүрүлгөн тартипте пландалып жатат.

Ушуга байланыштуу Юстиция министрлиги “Гильотина” принциби боюнча мыйзам чыгаруу актыларынын күчүн жоготуу жөнүндө” Мыйзамдын долбоорун иштеп чыккан жана коомдук талкуулоо үчүн Өкмөттүн сайтына, ошондой эле Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталына (koomtalkuu.gov.kg) жайгаштырылган.

Айта кете турган нерсе, мындай принцип 2009-жылы министрликтер менен ведомстволор ченемдик укуктук актыларды чыгаруу боюнча ыйгарым укуктарын жоготушканда “Кыргыз Республикасынын ченемдик укуктук актылары жөнүндө” Мыйзамда колдонулган.

Мисалы, аталган Мыйзамдын 36-беренесинде “Ушул Мыйзамга ылайык ченем жаратуу органы болуп эсептелбеген мамлекеттик органдар тарабынан кабыл алынган (чыгарылган) ченемдик укуктук актылар ушул Мыйзам күчүнө киргенге чейин юстиция органдарында мамлекеттик каттоодон өткөн шартта 2010-жылдын 31-декабрына чейин колдонулат” деп айтылган.

“Гильотина” принциби боюнча мыйзам чыгаруу актыларынын күчүн жоготуу жөнүндө” Мыйзамдын долбооруна жарандык коомдун өкүлдөрүнөн мыйзамда вакуум жаралып калуу опурталы жөнүндө сын пикирлер түшкөн.

Ушул жылдын 22-майында жарандык коомдун өкүлдөрү менен тегерек үстөл болуп, анын жыйынтыгында “Гильотина” принциби боюнча мыйзам чыгаруу актыларынын күчүн жоготуу жөнүндө” Мыйзамдын долбоорун кароону токтото туруу жөнүндө чечим кабыл алынган.

Мында, Юстиция министрлиги аткаруучу бийликтин органдары менен бирдикте мыйзамдарды инвентаризациялоону улантаарын жана 2021-жылдын 31-декабрына чейин аягына чыгараарын айтып коюу маанилүү.

“Гильотина” принциби боюнча мыйзам чыгаруу актыларынын күчүн жоготуу жөнүндө” Мыйзамдын долбоорун илгерилетүү токтоп калганына байланыштуу Юстиция министрлиги Өкмөттүн 2021-жылдын 10-мартындагы № 55-б буйругуна оңдоолорду иштеп чыгууда, ал оңдоолор мамлекеттик органдардын инвентаризациялык жумуштарынын сапатын жана ылдамдыгын камсыздоого мүмкүндүк беришет.

Жарандык коомдун өкүлдөрү инвентаризация жүргүзүүдө анын жеткиликтүүлүгүн, ачык-айкындыгын жана ар түрдүү пикирлердин эске алынышын камсыздоо зарылдыгы жөнүндө пикирлерди көп жолу айтышты.

Ошого байланыштуу, инвентаризация процессин Министрлик жалпыга маалымдоо каражаттарында, телекөрсөтүүдө, социалдык тармактарда чагылдырып тураарын билдиребиз. Ошондой эле Юстиция министрлигинин сайтынын башкы барагында (minjust.gov.kg) “Мыйзамдарды масштабдуу инвентаризациялоо” деген баннер бар, анда инвентаризация боюнча баардык материалдар жайгаштырылган жана ал улам жаңы документтер менен толукталып турат. Ошондой эле, биздин дарекке кайрылып, топчолордун курамына киргизүүнү өтүнгөн жарандык коомдун өкүлдөрү топчолордун курамдарына кошумча киргизилишет. ВЭТтин жана топчолордун баардык иши жалпыга маалымдоо каражаттарында кеңири чагылдырылып турат.

‹						›
Пн	Вт	Ср	Чт	Пт	Сб	Вс

Кыргыз Республикасынын

Юстиция министрлиги

Кыргыз Республикасынын

Юстиция министрлиги

Электрондук кабылдама

Кыргыз Республикасынын Юстиция министрлиги Кыргыз Республикасынын мыйзамдарын масштабдуу инвентаризациялоо башталганы жөнүндө билдирет

Ченемдик укуктук актылардын маалымат базасы

Кыймылдуу мүлккө карата укук талабынын бирдиктүү мамлекеттик реестри

Юридикалык жактардын, филиалдардын (өкүлчүлүктөрдүн) жана ММК электрондук базасы

Юридикалык жактарды, филиалдарды (өкүлчүлүктөрдү) жана ММК каттоо

Апостилдештирүү

Нотариат жана адвокатура

Маалымат булактарына жазылып алуу

Акыркы кабар күнгө чейин бергиле

Кыргыз Республикасынын

Юстиция министрлиги