Кыргыз Республикасынын Юстиция министрлиги Кыргыз Республикасынын Президентинин “Кыргыз Республикасынын мыйзамдарына инвентаризация жүргүзүү жөнүндө” Жарлыгын ишке ашыруу боюнча ырааттуу иш жүргүзүүдө

Кыргыз Республикасынын Юстиция министрлиги Кыргыз Республикасынын Президентинин “Кыргыз Республикасынын мыйзамдарына инвентаризация жүргүзүү жөнүндө” Жарлыгын ишке ашыруу боюнча ырааттуу иш жүргүзүүдө.

Президенттин Жарлыгына жараша мыйзамдар алардын Конституцияга, социалдык адилеттүүлүк жана өнөктөштүк принциптерине ылайык келүүсү, зарылдыгы жана натыйжалуулугу, предметти жөнгө салуусунун жетиштүүлүүгү жагынан, ички карама-каршылыктарды жана коллизияларды, мыйзамдардагы өксүктөрдү жоюу багытында инвентаризацияланат.

Аталган Жарлыкты аткаруу үчүн Кыргыз Республикасынын Өкмөтү 2021-жылдын 21-мартындагы буйругу менен ведомстволор аралык эксперттик топ түзүлгөн, ал топ 6 (алты) тармактык топчолордон турат.

Инвентаризациялануучу мыйзамдардын санын аныктоо үчүнКыргыз Республикасынын Юстиция министрлиги 1990-жылдан 2020-жылга чейинки мыйзамдарга анализ жасап, 356 мыйзамдан турган тизме аныкталган (ал тизмеге: конситуциялык мыйзамдар, кодекстер, эл аралык келишимдерди ратификациялоо жөнүндө мыйзамдар, ар жылдык бюджеттерди бекитүү жөнүндө мыйзамдар, административдик-аймактык түзүлүш жөнүндө мыйзамдар, мамлекеттик жана муниципалдык кызмат чөйрөсүндөгү мыйзамдар киргизилген жок).

Юстиция министрлигинин 2021-жылдын 15-апрелиндеги буйругу менен 13 (он үч) тармактык топ түзүлгөн, ал топторго мамлекеттик органдардын жана жарандык коомдун өкүлдөрү, көз каранды эмес эксперттер киргизилген; мыйзамдарды баалоо үчүн негиз болуучу критерийлер жана инвентаризациялоонун методологиясы бекитилген.

Бүүгүнкү күндө критерийлерге ылайыктуулугун баалоо аяктагандар:

· эл аралык мамиле чөйрөсүндөгү топчого кирген баардык мыйзамдар (азыркы учурда баалоо топчонун жаңы мүчөлөрүнүн кароосуна жиберилген);

· билим берүү жана илим, маданият жана спорт чөйрөсүндөгү топчого кирген баардык мыйзамдар (азыркы учурда баалоо топчонун жаңы мүчөлөрүнүн кароосуна жиберилген);

· соода жана техникалык жөнгө салуу чөйрөсүндөгү топчого кирген баардык мыйзамдар;

· транспорт, коммуникациялар, архитектура, курулуш чөйрөсүндөгү топчого кирген 6 мыйзам (14 мыйзамдын ичинен);

· финансы чөйрөсүндөгү топчого кирген 9 мыйзам (22 мыйзамдын ичинен);

· айыл чарба, жер жана агрардык-өнөр жайлык комплекс чөйрөсүндөгү топчого кирген 40 мыйзам (44 мыйзамдын ичинен);

· финансылык кызмат көрсөтүүлөр чөйрөсүндөгү топчого кирген 27 мыйзам (29 мыйзамдын ичинен);

· фискалдык саясат жана бизнес чөйрөсү тармагындагы топчого кирген 13 мыйзам (15 мыйзамдын ичинен).

Ошентип, мамлекеттик органдардын инвентаризациялоо боюнча иштери туруктуу негизде жүрүп жатат.

Мындан тышкары, жасалып жаткан иштин ылдам темпи “гильотина” принцибин колдонууга алып келбеши үчүн Мыйзамдарды инвентаризациялоо боюнча ведомстволор аралык топтун ишинин форматы кайра каралып чыкты.

Ага байланыштуу Өкмөттүн 2021-жылдын 10-мартындагы токтомуна өзгөртүүлөр даярдалды, бул өзгөртүүлөргө ылайык 2021-жылдын 1-сентябрына чейин мыйзамдарга баалоо жүргүзүп (анализдеп) жана анын жыйынтыгы боюнча мыйзамдардын 3 тизмесин даярдоо керек:

1) критерийге ылайык келген жана кайра карап чыгуу талап кылынбагандар;

2) кайра карап чыгып, критерийге ылайык келтирүү үчүн оңдоо киргизүү талап кылынгандар;

3) критерийлерге ылайык келбеген жана күчүн жоготту (колдонуу токтотулсун) деп таанууга сунушталуучулар.

Бул тизмелер жактырылып, макулдашылгандан кийин мыйзам долбоорлорун иштеп чыгуу жана илгерилетүү белгиленген тартипте ишке ашырылат. Аталган оңдоолорду Министрлер Кабинети 2021-жылдын 21-июнунда бекитти.

Ошондой эле, жумушчу топчолордун курамы аткаруучу бийлик органдарынын өзгөртүп уюштурулганын жана жарандык коомдун курамды кеңейтүү жөнүндө сунуштарын эске алуу менен кайрадан бекитилди. Мамлекеттик органдар жана жарандык коом тарабынан кандидатуралар боюнча болгон баардык сунуштарда бир буйрук менен тариздөө талап кылынган болчу, ал үчүн кандидатураларды топтоп жана бир тизмесин түзүү керек болду.

Мисалы, Президенттин 2021-жылдын 5-майындагы “Кыргыз Республикасынын Министрлер Кабинети жөнүндө” Жарлыгына ылайык Кыргыз РеспубликасынынӨкмөтүКыргыз Республикасынын Министрлер Кабинети болуп өзгөртүлгөн жана Министрлер Кабинетинин жаңы түзүмү бекитилген.

Министрлер Кабинетинин 2021-жылдын 21-июнундагы буйругу менен Өкмөттүн 2021-жылдын 10-мартындагы токтомуна Ведомстволор аралык эксперттик топтун (ВЭТ) курамын тактоо, ВЭТтин ишинин форматын тактоо жана ВЭТтин 2021-жылдын аягына чейинки Иш-планын аныктоо боюнча өзгөртүүлөр киргизилди.

Министрлер Кабинетинин буйругуна өзгөртүүлөрдү киргизүү үчүн кандидатураларды топтоого, мамлекеттик органдар менен макулдашуу процедурасын өткөрүүгө жана буйрукту чыгарууга бир топ убакыт кетээрин айта кетүү зарыл.

Мамлекеттик органдардын жана жарандык коомдун өкүлдөрү кирген жумушчу топчолордун жаңы курамы Кыргыз Республикасынын Юстиция министрлигинин 2021-жылдын 18-июнундагы буйругу менен бекитилген. Ушул эле буйрук менен топчолорго мыйзамдардын бөлүштүрүлүшү бекитилген.

Топчонун ар бир мүчөсү тийиштүү мамлекеттик орган тарабынан анын ишинин чөйрөсүнө жана компетенциясына жараша сунушталган. Ал эми топчонун көз каранды эмес мүчөлөрү жеке демилгелери боюнча көрсөтүлүшкөн.

Жарандык коомдун өкүлдөрү жана кызыкдар жарандар тарабынан айтылган сын-пикирлер жана сунуштар эске алынгандыгын маалымдайбыз. Бул сунуштарга жооптор кызыкдар тараптарга белгиленген тартипте берилген.

Ошондой эле, ведомстволор аралык эксперттик топтун (ВЭТ) биринчи жыйналышынын жыйынтыгы менен ВЭТтин Ишинин регламентине ВЭТтин мүчөлөрүнөн сунуштар берилген (“Адилет” укуктук клиникасы” КФ, “Интернет саясаттын жарандык демилгеси” КФ), ал сунуштарда ВЭТтин ишин деталдаштыруу жана конкреттештирүү айтылган. Ал сунуштар эске алынды. Мисалы, ВЭТтин 2021-жылдын 6-июлунда болуучу жыйналышында ВЭТтин толуктап иштелип чыккан Регалментин жактыруу сунушталууда.

Мамлекеттик түзүлүштүн негиздери жана эл аралык мамиле чөйрөсүндөгү эксперттик топтун мамлекеттик түзүлүш боюнча топчосунун экинчи жыйналышында мыйзамдарга анализ жасоонун иш процесстери жана мөөнөттөрү талкууланды. Топчонун натыйжалуу иштеши үчүн топчонун мүчөлөрүнүн мини-топчолорго жаңыланган бөлүштүрүлүшү презентацияланды; мамлекеттик органдардын жана жарандык сектордун өкүлдөрүнүн сунуштары угулду.

Кыргыз Республикасынын Юстиция министрлиги үчүн инвентаризация процессинин ачыктыгын камсыз кылуу маанилүү, анткени бул иш адамдардын саны чектелбеген чөйрөлөрүнө таасирин тийгизет.

Кыргыз Республикасынын Юстиция министрлиги сунуштар жана сын-пикирлер үчүн ачык, аны мамлекеттик органдардын жана жарандык сектордун өкүлдөрүнүн биргелешкен чогулуштары тастыктайт.

Ведомстволор аралык эксперттик топтун жана жумушчу топчолордун бүткүл иш-аракеттери дагы коомчулукка ачык жана жеткиликтүү болуп, жалпыга маалымдоо каражаттарында кеңири чагылдырылат.

Юстиция министрлигинин сайтынын негизги бетинде - minjust.gov.kg – “Мыйзамдарды масштабдуу инвентаризациялоо” баннери бар, анда мыйзамдарды инвентаризациялоо боюнча бардык материалдар жайгаштырылган. Бул бөлүм жаңы документтер менен дайым толукталып турат.

Мөөрү

2021.07.06 09:47:58