Баткен облусунун Баткен районунун жашоочуларына акысыз укуктук консультациялар берилүүдө

2021-жылдын 2-августунда “Тилектештик Автобусу” долбооруна тартылган адвокаттар жана мамлекеттик органдардын кызматкерлери тарабынан Баткен облусунун Баткен районундагы  Самаркандек  жана Жаны-Бек айылдарынын жашоочуларына 87 акысыз укуктук консультацияларды берди. Калк менен жолугушуу Самаркандек айыл аймагынын К.Тагаев атындагы орто мектебинин, базасында  өттү.

Ал эми 3-августта  Ак-Сай, Мин-Булак айылдарынын жашоочуларына 32 акысыз укуктук консультациялар берилди. Калк менен жолугушуу Ак-Сай айыл аймагынын конторасынын жана  Мин-Булак орто мектебинин базасында  өттү.

Жергиликтүү тургундар негизинен пенсияларды жана жөлөк пулдарды чегерүү маселелери боюнча, жер участокторун берүү, кыймылсыз мүлккө укуктарды каттоо, салыктарды жана башка милдеттүү төлөмдөрдү эсептөө жана төлөө, жана башка маселелер менен кайрылышкан.

4 августа “Тилектештик Автобусу” Баткен облусунун Баткен районундагы       Говсувар, Ак-Татыр айылдарына барат. Калк менен жолугушуу Ак-Татыр айыл аймагынын конторасынын базасында өтөт.