Жарандык коомдун жана мамлекеттик органдардын өкүлдөрү “Мамлекет кепилдеген юридикалык жардам жөнүндө”, “Кыргыз Республикасынын адвокатурасы жана адвокаттык ишмердүүлүгү жөнүндө” жана “Коммерциялык эмес уюмдар жөнүндө” мыйзамдарды өркүндөтүүнү талкуу

2021-жылдын 3-сентябрында, Бишкекте "Мамлекет кепилдеген юридикалык жардам жөнүндө", "Кыргыз Республикасынын Адвокатурасы жана адвокаттык ишмердүүлүгү жөнүндө" жана "Коммерциялык эмес уюмдар жөнүндө" Кыргыз Республикасынын мыйзамдарын инвентаризациялоонун алгачкы жыйынтыктарын талкуулоо боюнча тегерек үстөл өттү. 

Тегерек үстөлгө мамлекеттик органдардын, эл аралык уюмдардын, жарандык коомдун өкүлдөрү жана массалык маалымат каражаттарынын өкүлдөрү катышты.

Кыргыз Республикасынын юстиция министринин орун басары Орозбек Сыдыков мыйзамдарды Конституцияга ылайык келтирүү, ички карама-каршылыктарды жана кайчылаштыктарды, мыйзамдагы боштуктарды жоюу максатында мыйзамдарды инвентаризациялоо иштери жүрүп жатканын айтты.

Ал эске салгандай, бүгүнкү күндө 359 мыйзамды баалоо жүрүүдө, иш тиешелүү багыттар боюнча тармактык кичи топтордо жүргүзүлүүдө.

“Бүгүн биз маанилүү мыйзамдарды, анын ичинде адам укуктарын жөнгө салган үч мыйзамды талкуулап жатабыз. Бүгүнкү талкуу мыйзамдарды баалоонун алдын ала жыйынтыктары, көз карандысыз эксперттердин талдоолору жана сунуштары, бул мыйзамдардын кайсы пункттарында карама-каршылыктар бар, боштуктар орун алган жана кайсы учурларды өзгөртүү керек”, - деди Орозбек Сыдыков.

"Сот аялдардын кыргыз ассоциациясы" коомдук бирикмесинин Байкоочу кеңешинин жетекчиси Чынара Айдарбекова республиканын укуктук тутуму сапаттуу болушу керектигин белгиледи. Бирок, бүгүнкү күндө мыйзамдарда белгилүү бир чөйрөдөгү мыйзамдар, алар бири-бирине карама-каршы келген учурлар орун алган аралаш мыйзамдар бар жана айрым учурларда ар башкача чечмелениши мүмкүн. Андыктан мыйзамдар талданып, бири бирине шайкеш келиши керек.

Каралып жаткан мыйзамдар боюнча талкуу учурунда катышуучулар мыйзамдарды өркүндөтүү боюнча бир катар сунуштарды айтышты, мыйзамдар ата-бабалардан калган мурас эмес экенин, керек болсо жарандардын кызыкчылыктарына жана муктаждыктарына жооп берүү үчүн аларды өзгөртүү керектигин баса белгилешти.

Талкуунун жүрүшүндө юстиция министринин орун басары Орозбек Сыдыков мыйзамдарды инвентаризациялоо боюнча иш-чаралар ачык режимде өтүп, ага жарандык коомдун өкүлдөрү жана башка кызыкдар адамдар чакырылып жатканын белгиледи.

Ошондой эле министрдин орун басары жарандык коомдун жана адвокатура өкүлдөрүнүн айрым пассивдүүлүгүн белгилеп, инвентаризациянын алкагында мыйзамдарды талкуулоого активдүү катышууга чакырды жана мамлекеттик органдар сунуштарга ачык экендигин айтты.

Эске сала кетсек, иш-чара "Кыргыз Республикасынын мыйзамдарын инвентаризациялоо жөнүндө" президенттин жарлыгын ишке ашыруунун алкагында Кыргыз Республикасындагы БУУ тутумунун колдоосу менен Кыргыз Республикасынын Юстиция министрлиги тарабынан уюштурулган.