Юстиция министрлиги бир катар резонанстуу иштери боюнча квалификациялуу юридикалык жардам көрсөтүүдө

2021-жылдын 20-декабрында Калкка акысыз юридикалык жардам берүү декадасынын жыйынтыгы боюнча өткөрүлгөн КР Юстиция министрлигинин пресс-конференциясында, министрдин орун басары Орозбек Сыдыков массалык маалымат каражаттарында министрлик буга чейин көзөмөлгө алган бир нече иш боюнча (шилтеме​) маалымат берди.  

Анын айтымында, Юстиция министрлигинин алдындагы МКЮЖ КБ р​​оссиялык блогер Dava’га байланыштуу белгилүү болгон Кыргызстандык Айнуранын энеси боюнча иштин материалдарын иликтеп жатат, ошондой эле Жогорку Кеңештин жанына жалгыз пикетке чыккан Н.Т. иши жана Бишкек шаарында машина сүзүп кеткен Ф.С. аттуу жарандын иштери да каралууда.

1.         А.Г. арызы боюнча кыскача маалымат (Айнуранын иши).

КР Юстиция министрлигинин Чүй облусу боюнча МКЮЖ КБ координаторунун 08.12.2021-ж. чечимине ылайык юридикалык жардам көрсөтүү үчүн А.Г.нын түзөтүү мекемесинин администрациясы аркылуу келген  арызынын негизинде Жээнбек Аджыгулов адвокат  болуп дайындалган.

Адвокат иштин материалдары менен таанышуу жана А.Г. менен сүйлөшүп арыздын жана проблеманын себептерин аныктоо, ошондой эле иштин жагдайлары жана чогултулган далилдер боюнча туура маалымат үчүн Юстиция министрлигинин алдындагы түзөтүү мекемесине барган.

Жолугушуунун натыйжасында ал адам 2020-жылдын 21-октябрында 204-ст. 2-б, 204-ст. 1-б. (алдамчылык боюнча эки учур) жана КР Кылмыш-жаза кодексинин 78-ст. колдонуу менен (мурдагы өтөлө элек жазаны кошуп) Ош облустук сотунун чечими менен 4 жыл эркиндигинен ажыратууга жана жазасын жалпы режимдеги колонияда өтөөгө жана айып төлөөгө соттолгону аныкталган. 

Жазаны өтөп бүтүүчү мезгил 2024-жылдын июнь айына туура келет, ал эми бул киши 1 жыл 5 айын өтөп бүткөн, жазанын өтөп бүтө элек калган бөлүгү 3 жыл 11 ай жана 27 күн.

Жаңы мыйзам колдонууга киргизилгенине байланыштуу түзөтүү мекемеси соттолгон А.Г. боюнча ишти кайра кароо жөнүндө Ош шаардык сотуна жана Кадамжай райондук сотуна сунуштарды жиберген.

Кылмыш-жаза кодексин колдонууга киргизүү жөнүндө Мыйзамдын 10-11-беренелерине, ошондой эле КР КЖК 452-б. ылайык жаңы ачылган жайгдайлар боюнча ишти акыркы чечимди чыгарган сот карашы керек.

Азыркы учурда түзөтүү мекемеси соттолгон А.Г. боюнча өкүмдөрдүн, соттук актылардын копияларын, мүнөздөмөнү, ошондой эле зыяндын орду толтурулганы жөнүндө маалымкаттарды берген. Соттолгон аялдын туугандары, энеси, кызы жана блогер  Давиддин жардамчысы (Москва ш.) менен байланышта иш жүргүзүлүп жатат.

2.         Т.Н. арызы боюнча кыскача маалымат

2021-жылдын 10-декабрында МКЮЖ КБ Ош, Жалал-Абад, Баткен, Талас облустары боюнча региондор аралык бөлүмүнө квалификациялуу юридикалык жардам алуу үчүн Т.Н. кайрылган.

МКЮЖ КБ координаторунун (жарандык жана жазык иштер боюнча) 10.12.2021-ж. чечимине ылайык, квалификациялуу юридикалык жардам көрсөтүү үчүн адвокат Жорокулов Максат дайындалган.

Маалымат үчүн: Т.Н. 2020-жылдын июнунда төөрлгөн уулун кайтарып алуу фактысы жана баланын жашоочу жерин аныктоо жөнүндө доо арызы боюнча жарандык иш КР Жогорку сотуна жиберилген. Кийинки соттук отурум 2022-жылдын февралына дайындалган. Азыр  адвокат М.Жорокулов өзүнүн позициясын аныктоо үчүн иштин материалдарын изилдеп атат. 2021-жылдын ноябрындагы зомбулук фактысы боюнча Т.Н.  Ош облусунун Кара-Суу райондук ИИБге даттануу арыз берген.  Адвокат М.Жорокулов квалификациялуу юридикалык жардам берүү жана кылмыштын жазасыз калбашы үчүн иштин материалдарын изилдеп жатат.

3.         Ф.С. арызы боюнча кыскача маалымат

1996-жылы туулган жаран Ф.С. квалификациялуу юридикалык жардам алуу үчүн МКЮЖ КБ 2021-жылдын 15-декабрында арыз менен кайрылган.

КР Юстиция министрлигинин МКЮЖ КБ Бишкек ш. Биринчи май райондук координаторунун чечими менен Назикгүл Ажимаматова адвокат болуп дайындалган.

Маалымат  үчүн: 2021-жылдын 9-сентябрында "Митсубиси Паджеро" маркасындагы автомашинанын айдоочусу Бишкек ш. Коммунаров көчөсүндө велосипед менен бараткан Ф.С.ны сүзүп алган. Машинаны Бишкектеги мектептердин биринде директор болуп иштеген аял айдап бараткан. Жол эрежесин бузган айдоочу аял Ф.С. келтирилген материалдык жана моралдык зыянды төлөп берген эмес. Соттук отурум 2021-жылдын 22-декабрына Бишкек ш. Биринчи май райондук сотунда болоору белгиленген. 

2021-жылдын 15-декабрында адвокат Н.Ажимаматова иштин материалдары жана далилдер менен таанышуу үчүн Ф.С. менен жолугуп, сүйлөшкөн.