Абактагы аялдарга юридикалык жардам көрсөтүүнүн алгачкы жыйынтыктары

Бошотулган Роза Сало карылар үйүнө дайындалып, ага документтерди калыбына келтирүүгө жардам көрсөтүлүп жатат.

2022-жылдын 10-февралында Юстиция министрлиги тарабынан башталган пилоттук долбоордун алкагында, ошондой эле Жазык-аткаруу мыйзамдарды гумандаштыруу үчүн МКЮЖ системасынын юристтери №2 аялдардын түзөтүү колониясына камактагы аялдарга юридикалык жардам берилди.

Бир күндө 60 иш каралып, анда 41 иш боюнча жардам көрсөтүүгө мүмкүнчүлүк бар экени аныкталды.

Жардам сурагандардын арасында Роза Сало да кайрылган, анын ишин жактоочу Жээнбек Абджигулов колго алган.

Жактоочунун өтүнүчү боюнча, Чүй облусунун Аламүдүн райондук сотунун 2022-жылдын 15-февралындагы чечими менен 1 жыл 5 ай 25 күндүк жазанын калган мөөнөтүн өтөөдөн шарттуу түрдө бошотулган.

Жаза мөөнөтүн өтөп жаткан мезгилде 9 ыраазычылыкка ээ болуп, администрация аны оң сыпаттап, оңдоо жолуна түшкөнү аныкталган.

Жашы улгайып калганына байланыштуу Роза Сало бошотулган күндөн тартып убактылуу жашоо үчүн «Астерия» Коомдук фондунда болгон. Анын жеке турак жайы жана жардам сурап кайрыла турган жакындары жок. Мындан тышкары Роза Сало өздүгүн тастыктаган бардык документтерин жоготуп, кайра калыбына келтире алган эмес, анткени ал каттоого турган туруктуу жашаган жери жок.

Министрдин орун басары Орозбек Сыдыковдын жардамы менен 2022-жылдын 16-мартында Роза Сало карылар үйүнө жайгаштырылып, бүгүнкү күндө документтерди калыбына келтирүү иштери жүрүп жатат.