Юстиция министрлигинин 95 жылдыгына карата жана Юристтер күнүнө карата калкка акысыз юридикалык кеңеш берүү боюнча бир күндүк акция өткөрүлдү

Аталган акциянын алкагында жарандарга Мамлекет кепилдеген юридикалык жардамдын тутуму жөнүндө маалымат айтылып, квалификациялуу юридикалык жардам алуу жол жоболору түшүндүрүлүп, акысыз юридикалык кеңеш берилди. Акциянын жүрүшүндө, катышуучулар Кыргыз Республикасынын Юстиция министрлигинин жетекчилиги, мамлекет кепилдеген юридикалык жардам тутумунун адвокаттары, мамлекеттик нотариустар, социалдык камсыздандыруу, пенсия маселелери жана социалдык коргоону камсыз кылуу боюнча адистер, ошондой эле өз ыктыяры менен акцияга катышып жаткан юристтер тарабынан юридикалык кеңеш алышты. Катышуучулар жөлөкпул, алимент, жазык иштери, жер мыйзамдары, майыптыкты белгилөө жана башка суроолор боюнча кайрылып, кеп кеңеш алышты.

Акциянын жыйынтыгында Кыргыз Республикасы боюнча 1453 жаран акысыз юридикалык кеңеш алышты.

Анын ичинен:

Бишкек шаары боюнча 302 жаран (191 аял киши, 111 эркек киши);

Ош областы боюнча 279 жаран (159 аял киши, 120 эркек киши);

Баткен областы боюнча 295 жаран (132 аял киши, 163 эркек киши);

Жалал-Абад областы боюнча 166 жаран (97 аял киши, 69 эркек киши);

Талас областы боюнча 62 жаран (37 аял киши, 25 эркек киши);

Нарын областы боюнча 131 жаран (84 аял киши, 47 эркек киши);

Ысык-Кѳл областы боюнча 49 жаран (30 аял киши, 19 эркек киши);

Чүй областы боюнча 169 жаран (96 аял киши, 73 эркек киши).

Социалдык статусу боюнча:

-              аз камсыз болгон үй бүлѳлѳргѳ – 154;

-              пенсия жашындагы жарандарга – 263;

-              ден-соолугунун мүкүнчүлүгү чектелген жарандарга – 56;

-              жашы жете элек балдарга - 39;

-              иш менен камсыз болгон жарандарга – 289;

-              жумушсуз жарандарга – 652.