Укуктук маалыматтарынын борбордоштурулган банкы (УМББ) боюнча маалымат

Кабыл алынган ченемдик укуктук актылар жөнүндө так, толук маалыматтарды жана алардын «контенттик» мазмуунун берүү боюнча оптималдуу шарттарын түзүү процессин активдештирүү максатында Кыргыз Республикасынын калкы үчүн Президенттин 1997-жылдын 17-октябрындагы № 285 Жарлыгы менен Кыргыз Республикасында укуктук маалыматташтыруунун Концепциясы бекитилген.

Аталган Концепциянын негизги багыты бардык жеке жана юридикалык жактарга Кыргыз Республикасынын ченемдик укуктук актылары жөнүңдө маалыматтарга жетүү укугун берүүнү гарантиялаган  маалыматтык тутум катары ченемдик базаны түзүү.

Аталган Концепцияны иш жүзүнө ашыруу максатында Президенттин 2001-жылдын 10-февралындагы ПУ № 56 Жарлыгы менен кагазда жана электрондук түрдө Укуктук маалыматтардын борбордоштурулган банкы (мындан ары-УМББ) түзүлгөн.

Ошону менен бирге, УМББны түзүү үчүн 2000-2001-жылдары Юстиция министрлигине Дүйнөлүк банк жана ЮСАИД финансылык жардам көрсөткөндүгүн  белгилеп кетүү керек.

Алсак, жогоруда аталган эл аралык уюмдардын колдоосу менен Юстиция министрлиги 1990-жылдан 2009-жылга чейинки Кыргыз Республикасынын ченемдик укуктук актыларын УМББга киргизген.

«Кыргыз Республикасынын ченемдик укуктук актылары жөнүндө» Мыйзамга ылайык Кыргыз Республикасында 2009-жылы Кыргыз Республикасынын ченемдик  укуктук актыларынын мамлекеттик реестри (мындан ары – ЧУАнын мамлекеттик реестри) - ченемдик укуктук актыларын мамлекеттик эсепке алуунун бирдиктүү тутуму түзүлгөн. Ченемдик укуктук актылардын мамлекеттик реестрин алып барууну Юстиция министрлиги мамлекеттик жана расмий тилдерде электрондук жана кагаз түрүндө ишке ашырат.

ЧУАнын мамлекеттик реестринин иши  УМББ менен өз ара байланышкан жана бүтүн маалыматтык комплексти түзөт,  бирдиктүү эки милдетти: ченемдик укуктук актылардын толук текстине кирүүнү камсыздоону жана ченемдик укуктук актылардын мамлекеттик эсебин жүргүзүүнү чечүүгө багытталган.

Өз кезегинде, жогоруда аталган Мыйзамга ылайык Ченемдик укуктук актылардын мамлекеттик реестринен ченемдик укуктук актыларды таркатуу Интернет тармагы аркылуу акысыз жүргүзүлүүгө тийиш. УМББга жана ЧУАнын мамлекеттик реестрине кеңири жетүү Юстиция министрлигинин расмий сайты аркылуу жүргүзүлөт.

УМББ 2009-жылдын башына чейин Юстиция министрлигинин сайты аркылуу ийгиликтүү иштеген. Бирок, сервер, копьютердик жабдыктар «моралдык жактан эскирген», алардын көп жылдан бери колдонулушу, тиешелүү IT-администраторлор жана программистерден келип чыккан бир катар себептердин негизинде УМББ түзүү токтотулган.

Андан башка, УМББнын ишин колдоонун бирден бир башкы себеби, аны тиешелүү деңгээлде  жетишээрлик каржыланбагандыгы болуп саналат

Ошону менен бирге, УМББны жүргүзүү Юстиция министрлигине жүктөлгөндүгүн эске алып, бюджеттик каражат жетишпегендиктен, аталган орган тарабынан 2010-жылы донордук каражаттарды тартуу боюнча  иш аракеттер көрүлдү. Эл аралык уюмдардын өкүлдөрү менен жолугушуулар өткөрүлгөн жана 2010-жылдын аягында министрликтин расмий сайтын модернизациялоого, УМББны программалык камсыздоого, сервер жана компьютердик жабдууларды сатып берүү боюнча көмөк көрсөтүү жөнүндө  Европа Союзунун долбоору жана Кыргыз Республикасында укуктук реформаны колдоо боюнча ПРООН менен макулдашылды.

Аталган ЕС долбоорунан жана ПРООН тарабынан министрликтин сайтын модернизациялоо, УМББны программалык камсыздоо, сервер жана компьютердик жабдууларды сатып берүүгө 17.06.13-ж. карата жалпы финансылык суммасы 124 212 АКШ долларын түздү,  улуттук валютага которгондо 6 015 587 сомду түзөт. Юстиция министрлигинин борбордук аппаратынын бюджети 2012-жылга  18 105 900 сомду түзөрүн маалымат иретинде билдирип кетебиз.

2012-жылдын августунан 2013-жылдын июнуна чейин Юстиция министрлигинин кызматкерлери менен УМББнын электрондук версиясын толтуруу боюнча иш жүргүзүлгөн, 2009-жылдан ченемдик укуктук актылардын саны 11 213 документтерди түзөт. Азыркы мезгилде саны 2000 ашык документтен турган 2013-жылдын (январдан июнга чейинки)  ченемдик укуктук актыларын киргизүү, ошондой эле УМББде болгон документтерди контролдук текшерүү боюнча иш жүргүзүлүп жатат.

Ушул жылдын 1-июнунан баштап Юстиция министрлигинин расмий сайтында,   акысыз түрдө, Кыргыз Республикасынын ченемдик укуктук актыларынын электрондук түрүн камтыган, Кыргыз Республикасынын укуктук маалыматтарынын борбордоштурулган банкынын (УМББ) тесттик весиясы чыгарылды.

УМББнын сунушталган версиясы көп параметрлери боюнча өркүндөтүлгөн, башкача айтканда дизайн, издөө тутуму ж.б. боюнча,  модернизацияланган программа болуп саналат.