Мамлекет тарабынан жарандарга бекер юридикалык жардам көрсөткөн адвокаттарга мамлекеттик бюджеттин эсебинен республика боюнча 2 млн. 377 миң 800 сом төлөнүп берилди

2009-жылы «Мамлекет кепилдеген юридикалык жардам жөнүндө» Кыргыз Республикасынын Мыйзамы кабыл алынып, 2011-жылдын 1-январынан баштап күчүнө кирген. Кыргыз Республикасынын Өкмөтүнүн 2011-жылдын 23-сентябрындагы    № 594 токтому менен адвокаттын мамлекет кепилдеген юридикалык жардамды көрсөтүү боюнча эмгегине акы төлөөнүн тарифтери, ошондой эле адвокаттардын аталган жардамды көрсөтүү боюнча эмгегине акы төлөөнүн Тартиби бекитилген. Аталган токтом «Мамлекет кепилдеген юридикалык жардам жөнүндө» Кыргыз Республикасынын Мыйзамына ылайык, жарандардын квалификациялуу жардам алууга болгон ажыратылгыс укуктарын камсыздоо максатында иштелип чыккан. Кыргыз Республикасынын Президентине караштуу Мамлекет кепилдеген юридикалык жардам боюнча улуттук кеңеш тарабынан юридикалык жардам көрсөтүү боюнча мамлекеттик реестрге адвокаттарды тандалып киргизилген. Жогорудагылардын негизинде Кыргыз Республикасынын «Мамлекет кепилдеген юридикалык жардам жөнүндө» Мыйзамы боюнча 2013-жылдын                      9 айында жогорудагы көрсөтүлгөн иш чаралар аткарылып, жалпы жолунан алганда 2284 (эки миң эки жүз сексен төрт) жаранга мамлекет тарабынан бекер юридикалык жардам берилип, ошол эле учурда мамлекет тарабынан жарандарга бекер юридикалык жардам көрсөткөн адвокаттарга мамлекеттик бюджеттин эсебинен республика боюнча 2 377 800 (эки миллион үч жүз жетимиш жети миң сегиз жүз) сом төлөнүп берилди.
Мөөрү

2013.11.20 11:24:06