Юстиция министрлигинин Кыргызстандагы Иштерман жылына карата өткөрүлгөн иш чаралары

Кыргызстандагы иштерман жылына арналган Өкмөттүн 2013 жылдын 12 февралында бекитилген №35-р тескемесинин негизинде Юстиция министирлиги тарабынан Кыргызстандагы  иштерман жылына карата өткөрүлө турган иш Планы боюнча төмөнкү иш чаралар аткарылды.

Талас облусунун Юстиция башкармалыгы 2013 жылдын 27-июнунда областтык теле аркылуу юстициянын ардагерлерин куттуктоо сөзү менен чыгышты.

Ошондой эле 2013 жылдын 28 июнунда Ош облусунун жана Ош шаарынын Юстиция башкармалыгы тарабынан аталып кеткен мекеменин администрация имаратынын алдында Юстиция органынын тарыхы, Башкармалыктын  күнүмдүк турмушу жѳнүндѳ маалымдама жана күнүмдүк иш чаралар чагылдырылган сүрөттөр да жайгаштырылган.

Ошол эле күнү, Юстиция министирлигинин алдындагы Борбордук күрөөлүк каттоо конторасы тарабынан Ч.Айтматов, И.Ахунбаев, Т.Акматов, К.Кундучалова, М.Миррахимов, О.Мануилова, З.Кайназарова сыяктуу биздин өлкөбүздүн көрүнүктүү инсандарынын сүрөттөрү жана чоң жетишкендиктери чагылдырылган стенд орнотулган, жогоруда аты аталып кеткен инсандардын эмгек жолу Күрөөлүк каттоо конторасында иштеген жаштарга чоң мисал болушу тийиш.

Ошону менен бирге, Юстиция министирлигинин аймактык бөлүмдөрү тарабынан жолугушуулар жана Юстициянын ардагерлери үчүн майрамдык сый тамактары уюштурулду.

2013 жылдын август айында Ош облусунун жана Ош шаарынын Юстиция башкармалыгы тарабынан «Манас», «Кыргыздардын улуттук кийимдери», «Кыргыз маданиятын чагылдырган Боз Үй», «Ысык- Көл» жана «Сулайман-Тоо» темаларын камтыган атайын сүрөт көргөзмөсү өткөрүлгөн.

Ошондой эле 2013 жылдын 20 августунда жогоруда аты аталган Башкармалык тарабынан  эмгектин ардагери жана эмгек сиңирген юрист Н.Жаманакова менен   жолугушуу өткөрүлдү, жолугушууда ардагер өзүнүн эмгек жолу жөнүндө  айтып берип, жаштар менен өзүнүн тажрыйбасы менен бөлүштү жана жаштарга пайдалуу кеӊештерин берди.

Андан тышкары Жалал-Абад облусунун юстиция кызматкерлери жогорку окуу жайларынын студенттери үчүн Жалал-Абад облусунун Юстиция башкармалыгынын  тарыхый негизделиши жөнүндө кыскача маалымат камтылган фото көргөзмөсүн өткөрүштү.

Ошондой эле Юстиция министирлигинин Баткен, Ысык-Көл жана Талас облустарынын башкармалыктары иштерман жылына жана карылар күнүнө карата жергиликтүү эмгектин жана юстициянын көп жылдан бери чын ыкласы менен эмгектенип келе жаткан ардагерлерине сый тамак тартуулап жана акчалай белектерин тапшырышты.

Ошону менен бирге Юстиция министирлиги 2013 жылдын 26-октябрында эмгектин ардагери  С.Жетимишованын Биринчи радиого болгон маегин уюштурду, ал маекте ардагер өзүнүн Юстиция министрлигиндеги эмгек жолу жөнүндө айтып берди.

Кошумча иретинде, 2013-жылдын 6-ноябрында Эркин-Тоо гезитинде «Эмгек менен өз мекенин тааныткандар, эмгекчил, эл-даңктуу эл» деген макала жарык көргөн.

Эске сала кетсек, жогоруда айтылган Кыргызстанда Иштерман жылын өткөзүү боюнча иш чара Планы Кыргыз Республикасынын Президентинин 2013-жылдын 27- декабрынын № 273-жарлыгы «2013-жылды Кыргыз Республикасында Иштерман Жылы» деп жарыялоо жарлыгынын негизинде ишке ашырылсын деп бекитилген.