Юстиция министрлигинде коллегия отуруму болуп өттү

2013-жылдын жыйынтыгы боюнча Кыргыз Республикасынын Юстиция министрлигинин коллегия отуруму болуп өттү. Аталган иш-чарага Өкмөт Аппаратынын укуктук камсыз кылуу бөлүмүнүн башчысы М. Иминов, министрликке караштуу мекемелердин жана территориалдык бөлүмдөрдүн жетекчилери катышышты. Түзүмдүк бөлүмдөрдүн жетекчилери коллегия алдында бир жыл ичинде аткарган иштери боюнча отчет беришти. 2013-жылдын ичинде жалпысынан Юстиция министрлигинин борбордук аппаратына 21068 документ келип түшкөн, 95 ченемдик укуктук актынын (ЧУА) долбоорлору иштелип чыккан. Ведомстволор аралык ЧУА инвентаризациялоо боюнча комиссиясынын алкагында 598 ЧУА инвентаризациялоодон өттү, 5554 жарандар жана юридикалык жактар каттоодон, ал эми 3343 кайра каттоодон өткөрүлдү, 10000 ден ашык документтер легализацияланды, 5000ден ашык документтерге апостиль коюлду, 219 адвокаттык жана 44 жеке нотариалдык иш жүргүзүүгө укук берген лицензиялары берилди, андан сырткары 50 адвокаттардын жана жеке нотариустардын ишмердүүлүгү текшерилип, жыйынтыгында  12 адвокаттын лицензиясы кайра алынды жана 3 жеке нотариус жеке нотариалдык иш жүргүзүүгө укук берген лицензияларынан ажыратылды. Кыргыз Республикасынын “Мамлекет кепилдеген юридикалык жардам жөнүндө” Мыйзамынын алкагында 3000 миӊден ашык жарандарга бекер юридикалык жардам көрсөтүлдү.Кыргыз Республикасынын Юстиция министрлигинин Мамлекеттик соттук экспертизалар борбору тарабынан 7585 экспертизанын жана адистердин корутундусу берилген. Аудитордук текшерүүнүн жыйынтыгынын негизинде коллегия мүчөлөрү тарабынан 5 мамлекеттик нотариуска тартиптик жаза колдонуу жөнүндө чечим чыгарылды. Андан сырткары Кызыл-Кыя шаарынын мамлекет нотариалдык кеӊсесинин нотариусунун жана Иссык-Көл облустук  юстиция башкармалыгынын  башчысынын жоопкерчиликтери каралды. Кыргыз Республикасынын Юстиция министрлигинин Мамлекеттик соттук экспертиза борборунун соттук-курулуш экспертиза бөлүмүнүн башчысына жана ушул эле бөлүмдүн экспертине катуу тартиптик чара колдонулду. Отурумдун жыйынтыгында 2013-жыл боюнча берилген отчетту көнүлгө алуу чечими кабыл алынып, бир катар эскертүүлөр жана сунуштар белгиленди. Андан сырткары жалпы мекеменин ишмердүүлүгүнүн эффективдүүлүгүн жогорулатууга багытталган тийиштүү тапшырмалар берилди. Ошондой эле, коллегия отурумунда мекеменин 2014-жылга аткарыла турган иштеринин планы кабыл алынды.
Мөөрү

2014.02.10 15:31:48