Кыргыз Республикасынын Юстиция министрлиги тарабынан Кыргыз Республикасынын Өкмөтүнүн «Министр Байланышта» акциясынын алкагында ЖМКдын менен Юстиция министрлигинин региондук бөлүмдөрдүн жетекчилери теле-радиого чыгып сүйлөөлөрү уюштурулду

Бүгүн, 2014-жылдын 12-декабрында Кыргыз Республикасынын Өкмөтүнүн «Министр байланышта» аттуу акциясынын алкагында Кыргыз Республикасынын Юстиция министрлигинин статс-катчысынын м.а. Нуржан Таштанов саат 9:00дө «Биринчи радионун» түз эфирине чыгып сүйлөдү жана радио угууучулардын суроолоруна жооп берди. Ошондой эле министрликтин иши жөнүндө, КР Укуктук маалыматтардын борбордоштурулган банкынын ишке киргизилиши жөнүндө айтып берди. Түз эфирде сүйлөгөн Бир саат ичинде 13төн ашык суроолор түшкөн жана алар боюнча толук жооптор берилген. Атап айтканда, «Мамлекет кепилдеген юридикалык жардам жөнүндө» Мыйзамына, Кыргызстан адвокаттарынын 1-уюштуруучу съездине, СЭМБда соттук экспертизаларды аткаруу мөөнөтүнө тиешелүү, ошондой эле министрликтин иши жөнүндө  суроолор берилди. Белгилей кетсек, «Министр байланышта» акциясы Министрликтин аймактык бөлүмдөрүнүн жетекчилери менен жергиликтүү теле-радио көрсөтүүлөр өткөрүлгөн. Саат 11:00дө Ысык-Көл облустук Юстиция башкармалыгынын башкы адиси Эсен Өмүров «Артек-FM» радиосунда сүйлөп, 2013-жылдагы жана 2014-жылдын 11 айындагы Ысык-Көл облустук Юстиция башкармалыгынын иши жөнүндө айтып берди жана жарандардын актуалдуу суроолоруна жооп берүүгө аракет кылды. Радио берүүнүн жүрүшүндө радио угуучулар тараптан мамлекет кепилдеген жардам жөнүндө, юридикалык жактарды каттоо тартиби жөнүндө, МКЮЖ боюнча адвокаттардын төлөмү жөнүндө суроолор берилген,  ошондой эле укуктук пропаганда жөнүндө маселелер козголду. Ошол эле күнү, 2014-жылдын 12-декабрында саат 20:00дөн 20:30 га чейин Ысык-Көл облустук Юстиция башкармалыгынын начальниги Урмат Акулуев облустук телеберүүсүнүн «Маек» телекөрсөтүүсүнө чыгып сүйлөдү. Бул телеберүүдө облустук башкармалыктын начальниги Кыргыз Республикасынын Юстиция министрлигинин функциялары, милдеттери, жана Ысык-Көл облустук Юстиция башкармалыгынын иши жөнүндө суроолорго, ошондой эле телекөрүүчүлөрдү кызыктырган суроолорго жооп берди. Андан ары, саат 10:00дө Талас облустук Юстиция башкармалыгынын начальниги Бакыт Жайлообаев «NEXT FM» радиосунун эфирине чыгып сүйлөдү, анда министрликтин жана Талас облустук Юстиция башкармалыгынын иши жөнүндө кеӊири маалымат берди. Ал радиоугуучуларды кызыктырган жана МКЮЖ мыйзамы боюнча акысыз юридикалык жардамды алуу процедурасы жөнүндө суроолорго жооп берди. Ошондой эле саат 18:30да Баткен облустук Юстиция башкармалыгынын начальниги Арапбай Зияев Юстиция башкармалыгынын начальнигинин орун басары жана мамлекеттик нотариус менен биргеликте жергиликтүү «Баткен ТВ» телеканалына чыгып сүйлөп, «мамлекет кепилдеген юридикалык жардам жөнүндө» Мыйзамын ишке ашыруу жана механизми жөнүндө, КР Укуктук маалыматтарынын борборлоштурулган банкы жөнүндө жана башкармалыктын иши жөнүндө түшүндүрүүлөрдү берди. Катышуучулар калкты кызыктырган бардык суроолорго жооп берүүгө аракет кылышты. Мындан тышкары, саат 16:30да Ош облустук жана Ош шаардык Юстиция башкармалыгынын начальниги Рахманберди Таштанов «ЭлТР» коомдук телерадиокомпаниясынан чыгып сүйлөп жана Юстиция башкармалыгынын функциялары жөнүндө, ошондой эле «КР жарандарын биометрикалык каттоо жөнүндө» мыйзамынын ченемдери жана апостил тууралуу айтып беришти.
Мөөрү

2014.12.12 17:21:51