Женева шаарында Универсалдык мезгилдүү сереп процедурасы боюнча Кыргызстандын экинчи мезгилдүү сереби өтөт

Юстиция министрлигинин атында Кыргыз Республикасынын Өкмөтүнө караштуу адам укугу боюнча координациялык кеӊештин катчылыгы, 2015-жылдын 19-январында Женева шаарында адам укугу боюнча БУУ кеӊешинин Универсалдык мезгилдүү серебинин жумушчу тобунун сессиясында Кыргызстанда адам укуктарынын кырдаалын кароо болот. Бул УМСтин процедурасы боюнча экинчи мезгилдүү сереби, Кыргызстандын биринчи универсалдык мезгилдүү сереби 2010-жылдын 3-майында болгон. УМС бул БУУга мүчө бардык 193 мамлекеттердеги адам укуктарынын мезгилдүү серебинин бөтөнчө процесси. 2008-жылдын апрелиндеги УМСтин биринчи сессиясынан баштап БУУнун бардык 193  мүчө мамлекеттери МСУнун биринчи циклинин убагында каралган, жана азыркы учурга экинчи циклдин жүрүшүндө серептен 112 мамлекет өттү. Мамлекеттердин экинчи сереби биринчи сереп өткөрүлгөн учурдан тартып адам укуктарындагы кырдаалдардын өнүгүшүн түшүндүрүүгө максатталган жана мамлекеттерге биринчи сереп учурунда алынган сунуштамаларды аткаруу боюнча алар тарабынан кабыл алынган чаралар жөнүндө айтып берүү мүмкүнчүлүгүн берет. Кыргызстандан делегация КР Өкмөтүнө караштуу адам укугу боюнча Координациялык кеӊешинин төрагасы Кыргыз Республикасынын вице- премьер-министри А.Маматалиевдин башчылыгы алдында көрсөтүлөт. Делегациянын курамына Жогорку Кеӊештин жана Өкмөттүн өкүлдөрү, адам укугу боюнча координациялык кеӊештин өкүлдөрү киришти: алар Жогорку Кеӊештин депутаттары Н.Никитенко, Э.Кочкарова, А.Бешимов, К.Асанов, Ж.Полотова, Юстиция министринин орун басары Ж.Мамбеталиева. Сереп төмөнкү документтерге негизделет: 1) улуттук баяндама - өтүп жаткан серептин мамлекет тарабынан берилген маалыматы; 2) адам укугу боюнча келишимдик органдардын баяндамаларында жана башка БУУнун органдарында атайын процедура катарында белгилүү адам укугу боюнча эксперттик топтордун жана көз карандысыз эксперттердин баяндамаларында камтылган маалымат; 3) ар кандай кызыкдар тараптар, ошондой эле улуттук укук коргоо мекемелери, региондук жана өкмөттүк эмес уюмдар. Кыргызстандын УМСнин улуттук отчетунда төмөнкүдөй маселелер козголот: адам укугу чөйрөсүндөгү мыйзамдарды өркүндөтүү, сот бийлигинин көз карандысыздыгын камсыз кылуу, адилеттүү соттук териштирүүгө укуктарды коргоо, этникалык азчылык топторуна карата басмырлоо менен күрөшүү, 2010-жылдын июнундагы өзбек жана кыргыз калкынын ортосундагы болгон зомбуулук учурлары менен байланыштуу кырдаалды андан ары көзөмөлдөө, басым кылуу жолу менен мажбурлап мойнуа алдыруу, кыйноо, учурларын болтурбоо; адам укуктарын коргоочулар жана журналисттер үчүн коопсуздугун камсыздаган шарттарды камсыздоо; адам укутарын коргоочулар журналисттерге, юристтерге жана адвокаттарга каршы багытталган репрессияларга жана коркутууларга карарта чараларды көрүү; камакта кармоо шарттары, ошондой эле түрмөлөрдүн толуп калгандыгы; аялдарга карата зомбулук, анын ичинде күнүмдүк турмуштагы зомбулук жана мажбурлап никеге тургузуу-кыз ала качып никеге туруу. Кыргыз Республикасынын Улуттук баяндамасын сунуштагандан кийин, БУУга мүчө өлкөлөр укук коргоо ишмердүүлүк чөйрөсүндөгү ар кандай кырдаалдарды өркүндөтүү боюнча сунуштамаларды жана суроолорду даректешет: мыйзам чыгаруу деӊгээлинде, укук колдонуу практикасынын тутумунда, коомдун жарандык жана өкмөттүк секторунун өз ара аракеттешүүсү, ошондой эле ар кандай көнүмүштөрдү жок кылуу үчүн коомдук аӊ  сезим деӊгээлинде.
Мөөрү

2015.01.16 13:42:55