Кыргыз Республикасынын Юстиция министрлиги ISO/МЕК/17025 стандарты боюнча соттук-эксперттик мекемелердин эл аралык аккредитациясын алуу боюнча иш жүргүзүүдө

Бардык азыркы эл аралык стандарттарга жооп бере турган соттук-эксперттик ишти өркүндөтүү максатында, Кыргыз Республикасынын Юстиция министрлиги тарабынан 2015-2018-жылдарга Соттук экспертизалардын мамлекеттик борборун (СЭМБ) өнүктүрүү концепциясы кабыл алынган. Бул документ бир катар маанилүү маселелерди чечүүнү карайт, анын ичинде ILAC-G19 (“Соттук-эксперттик  лабораторияларды аккредитациялоо”)  документинин талаптарын эске алуу менен, ISO/МЕК/17025 эл аралык стандартына ылайык келүү  аккредитациясынан өтүү жолу менен өткөрүлгөн экспертизалардын компетенттүүлүгүнүн эл аралык таануусуна ээ болуу. Көрсөтүлгөн стандарттар атайын билимдердин ар кандай жааттагы соттук-эксперттик, криминалистикалык жана башка изилдөөлөрдүн бай эл аралык тажрыйбасын жыйнайт. Бүгүнкү күндө Кыргыз Республикасынын Юстиция министрлигине караштуу СЭМБ, соттук-экспертиза жана криминалистика жаатындагы практикалык жана илимий изилдөөлөрдү жүзөгө ашырган  кылмыш-жаза куугунтуктоо жана сот органдарынан көз каранды республиканын жалгыз адистештирилген мекемеси болуп саналат. ISO/МЕК/17025 эл аралык аккредитациясын алуу татаал милдет болуп саналат, бирок анын бар болуусу соттук-эксперттик мекеменин компетенттүүлүгүн, калыстыгын жана кенен мүмкүндүктөрүн көрсөтөт. Аккредитация соттук-эксперттик лабораториялардын ишинин илимий-техникалык деӊгээлин жана соттук-эксперттик корутундулардын ишенимдүүлүгүн көтөрүүгө мүмкүндүк берет; соттук-экспертизанын жаӊы усулдарын жана каражаттарын иштеп чыгууга; эксперттик өндүрүштүн мөөнөттөрүн кыскартууга. Мындан тышкары, СЭМБ эксперттеринин корутундулары чет элдик жана эл аралык соттоордо колдонулушу мүмкүн. Көрсөтүлгөн өнүктүрүү концепциясына ылайык эксперттерди сапаттуу инструменталдык база, криминалистикалык техника жана жабдуулар менен өз убагында жабдууга жана соттук эксперттерди даярдоого  өзгөчө көӊүл бөлүнөт. Квалификациялуу адистерди даярдоо, алардын чет өлкөдө такшалмасы жана окуусу пландалууда. Кылмыш-жаза, жарандык жана административдик иштерди кароо жана териштирүү боюнча тергөө жана сот органдарынын муктаждыктарынын натыйжасынан, СЭМБнин ишине экспертизанын жаӊы түрлөрү кошулат, алар автожол, экологиялык, автотовартаануу жана геномдук экспертизалар (ДНК-анализ).   Өнүктүрүү концепциясын ишке ашыруунун алкагында ISO/МЕК/17025 эл аралык стандарттарына СЭМБ кызматкерлерин  окутуу 2015-жылдын сентябрында башталат.