Эл аралык донорлорго 2016-2020-жылдарга Кыргыз Республикасынын калкынын укуктук маданиятын көтөрүү стратегиясынын долбоорун презентация кылышты

Бүгүн 2015-жылдын 11-ноябрында Кыргыз Республикасынын Юстиция министрлигинде 2016-2020-жылдарга Кыргыз Республикасынын калкынын укуктук маданиятын көтөрүү Стратегиясынын долбоорун ишке ашыруу маселеси боюнча эл аралык донордук уюмдардын өкүлдөрү менен жолугушуу өттү. Бул жолугушууга Кыргыз Республикасындагы дүйнөлүк банктын кеӊсесинин башчысы Жан-Мишель Хаппи, Бишкек шаарындагы ЕККУ борборунун укуктук маселелер боюнча улуттук кеӊешчиси Индира Сатаркулова, Кыргыз Республикасындагы Европа союзунун өкүлчүлүгүнүн кызматташтык боюнча бөлүмүнүн     долбоорлор боюнча менеджери Никола Скарамуццо, Ошондой эле Бириккен Улуттар Уюмунун өнүктүрүү программасынын эксперттери катышышты.

Калктын укуктук маданиятын көтөрүү  стратегиясынын негизги милдеттери жана максаттары жөнүндө жолугушуунун катышуучуларына Укуктук пропаганда жана СЭМБ, БККК менен иштөө боюнча башкармалыгынын начальниги  Айбек Чотонов айтып берди. Анын сөзү боюнча акыркы талдоо көрсөткөндөй бүгүнкү күндө жарандар өзгөчө жаштар өзүлөрүнүн укуктарын жана милдеттерин билишпейт, мыйзамдарды бузушуп кылмыш жасоого чейин барышат. “Биздин негизги максатыбыз -  жарандар арасында мыйзамды сыйлоо сезимин өнүктүрүү үчүн шарттарды түзүү. Бирок укуктук пропаганданын салттуу усулдары талаптагыдай жыйынтык бербей келет. Биз  окуучулардын укуктук аӊ сезимин бала кезинен тартып максаттуу калыптандыруу керек деген жыйынтыкка келдик. Бул үчүн биз баштапкы жана орто билим берүү программасына укуктун негиздери боюнча предметтерди киргизүүнү пландаштыруудабыз”, - деп белгиледи Айбек Чотонов.

Мындан башка,  Кыргыз Республикасынын калкынын укуктук маданиятын көтөрүү Стратегиясын ишке ашыруу боюнча      иш чаралар планы менен эркинен ажыратуу жайларында жаткан адамдарды укуктук тарбиялоо программасын өркүндөтүү; калктын өзгөчө топторун (интернаттардын, балдар үйлөрүнүн тарбиялануучулары) укуктук тарбиялоо   программасын өркүндөтүү; методикалык камсыздоону жакшыртуу, укуктун негиздери боюнча окутуучулардын  жана тарбия берүүчүлөрдүн квалификациясын көтөрүү, методикалык колдонмо  жана билим берүүчү медиа-долбоорлорду иштеп  чыгуу каралган.

“Китептер жана колдонмолор  мамлекеттик жана расмий тилдерде чыгарылат. Аларды иштеп чыгуу менен Билим берүү жана илим министрлиги иш алып барат. Долбоор республиканын бардык мектептерин камтыйт. Стратегияны ишке ашыруу мониторингин  жана контролдоо функциясын Юстиция министрлиги өзүнө алат. Укуктук аң-сезимдүү жана мыйзамга баш ийген жарандарды тарбиялоо үчүн биз бардык күч аракетибизди жумшайбыз”, - деп сөзүн аяктады Айбек Чотонов.

Бет ачардын жыйынтыгы боюнча, эл аралык уюмдардын өкүлдөрү бул стратегияны ишке ашырууга  колдоо көрсөтүүгө кызыкдар экендигин билдиришти. Кыргыз Республикасындагы Дүйнөлүк банктын кеӊсесинин башчысы Жан-Мишель Хаппи белгилегендей, алардын жардамы менен ишке катышууга жардам бере тургандай механизмдерди, ошондой эле пландалган иш чараларды өткөрүүнүн ырааттуулугун  аныктоо зарыл.